Sealm 103:6 - Anglo-Saxon Psalms c.890-950 AD

⁶ Hafast þu milde mod, ­ ­ ­ ­ ­mihta strange, Drihten, domas ­ ­ ­ ­ ­eallum þe deope her and ful treaflice ­ ­ ­ ­ ­teonan þoliað.

Sealm 103:6 Iomraidhean Croise

Sealm 109:31

He sylfa gestod ­ ­ ­ ­ ­on ða swyðran hand, þær he þearfendra ­ ­ ­ ­ ­þinga teolode; he mine sawle ­ ­ ­ ­ ­swylce gehealde wið ehtendra ­ ­ ­ ­ ­egsan griman.

Sealm 12:5

Ac Drihten cwyð: “for yrðum þæra wædlena and for granunge þæra þearfena ic arise, and hi sette on mine hælo; and ic do swyðe treowlice ymb hy.”

Sealm 146:7

deð gedefe ­ ­ ­ ­ ­þe her deorce ær teonan manige ­ ­ ­ ­ ­torne geþoledan; syleð mete swylce ­ ­ ­ ­ ­þe her murcne ær hungur heaðugrimne ­ ­ ­ ­ ­heardne geþoledan. Wreceð to ræde ­ ­ ­ ­ ­rice Drihten þara manna bearn ­ ­ ­ ­ ­þe ær man gebræc, swylce þa gefetredan ­ ­ ­ ­ ­fægre Drihten lungre alyseð ­ ­ ­ ­ ­and him lif geofeð,

Sealm 35:10

Eall min ban (þæt is, min mægen) cwyð: “Eala Drihten, hwa is ðin gelica, for þam þu generest þone earman of þæs strengran anwealde, and þone wædlan and þone þearfan ahredst æt þæm þe hine swencað.”

Sealm 72:12

For þon he alyseð ­ ­ ­ ­ ­lungre þearfan, þæt him se welega ne mæg ­ ­ ­ ­ ­wiht onsittan, and þæne wædlan, ­ ­ ­ ­ ­þe on worulde næfð ahwær elles ­ ­ ­ ­ ­ænigne fultum.

Sealm 72:4

On his soðfæstnesse ­ ­ ­ ­ ­swylce demeð on folce ­ ­ ­ ­ ­fyrhte þearfan, swylce he þearfena bearn ­ ­ ­ ­ ­þriste hæleð. He þa hermcweðend ­ ­ ­ ­ ­hyneð and bygeð,

Sealm 9:9

he ys geworden friðstow ðearfendra. And gefultumend þu eart, Drihten, æt ælcere ðearfe.