Sealm 103:11 - Anglo-Saxon Psalms c.890-950 AD

¹¹ For ðon þu æfter heahweorce ­ ­ ­ ­ ­heofenes þines mildheortnysse, ­ ­ ­ ­ ­mihtig Drihten, lustum cyðdest, ­ ­ ­ ­ ­þam þe lufedan þe.

Sealm 103:11 Iomraidhean Croise

Sealm 103:17

Þin mildheortnes, ­ ­ ­ ­ ­mihtig Drihten, þurh ealra worulda woruld ­ ­ ­ ­ ­wislic standeð, deorust and gedefust ­ ­ ­ ­ ­ofer ealle þa þe ondrædað him.

Sealm 117:2

For þon his mildheortnyss ­ ­ ­ ­ ­is mycel ofer us torhtlice getrymed, ­ ­ ­ ­ ­til mancynne, and soðfæstnys ­ ­ ­ ­ ­swylce Dryhtnes wunað ece ­ ­ ­ ­ ­awa to feore.

Sealm 31:20

Þu hi gehydst and gehyldst hale and orsorge, ægðer ge modes ge lichaman, butan ælcere gedrefednesse þe menn þrowiað. Þu hi gescyldst on þinum temple wið ælcere tungan leahtrunge.

Sealm 36:5

Drihten, þin mildheortnes is on heofonum, and þin rihtwisnes is upp oð þa wolcnu.

Sealm 57:10

Forðon þin mildheortnes ­ ­ ­ ­ ­is mycel wið heofenas, is ðin soðfæstnes ­ ­ ­ ­ ­swylce wið wolcnum.

Sealm 89:2

For þon þa ðu cwæde ­ ­ ­ ­ ­cuðe worde, þæt on ecnesse ­ ­ ­ ­ ­awa wære þin milde mod ­ ­ ­ ­ ­micel getimbrad heah on heofenum ­ ­ ­ ­ ­hæleða bearnum and þin soðfestnes ­ ­ ­ ­ ­symble gearwad.