Sealm 102:1 - Anglo-Saxon Psalms c.890-950 AD

¹ Ðu min gebed, ­ ­ ­ ­ ­mære Drihten, gehyr, heofenes weard, ­ ­ ­ ­ ­and gehlyde min to ðe becume, ­ ­ ­ ­ ­þeoda reccend.

Sealm 102:1 Iomraidhean Croise

Sealm 12:5

Ac Drihten cwyð: “for yrðum þæra wædlena and for granunge þæra þearfena ic arise, and hi sette on mine hælo; and ic do swyðe treowlice ymb hy.”

Sealm 143:4

is me ænge gast ­ ­ ­ ­ ­innan hreðres, and me is heorte on ­ ­ ­ ­ ­hearde gedrefed.

Sealm 143:7

gehyr me hrædlice, ­ ­ ­ ­ ­hæl me syþþan. Nu me deope is, ­ ­ ­ ­ ­Drihten leofa, min sylfes gast ­ ­ ­ ­ ­swær geworden, ne awend fram me, ­ ­ ­ ­ ­wuldres ealdur, þine ansyne; ­ ­ ­ ­ ­wese ic earmum gelic þe on sweartne grund ­ ­ ­ ­ ­syþþan astigað.

Sealm 145:19

and his ege swylce ­ ­ ­ ­ ­elne ræfnað; he heora bene ­ ­ ­ ­ ­bealde gehyreð and hi hrædlice gedeð ­ ­ ­ ­ ­hale sona.

Sealm 18:6

And on eallum minum earfoðum ic clypige to Drihtne, and to minum Gode ic cige. And he gehyrde of his þam halgan temple mine stemne, and min gehrop com beforan his ansyne, and eac on his earan hit eode.

Sealm 39:12

Drihten, gehyr min gebed and mine healsunga; onfoh mid þinum earum minne wop and mine tearas; ne swuga wið me, ac andswara me mid þine fultume, for þam ic eom nifara hider on eorþan beforan ðe and ælðeodig swa swa ealle mine fæderas wæran.

Sealm 42:4

Ac þonne gemunde ic þine ærran gyfa, and gestaðelode on me mine sawle, for þy ic geare wiste þæt ic sceolde cuman for Godes mildheortnesse to þam wundorlican temple (þæt ys, Godes hus). Þyder ic sceal cuman mid mycelre wynsumnesse stemne and mid andetnesse, swylce symblendra sweg byð and bliðra.

Sealm 5:2

and ðenc þara worda minra gebeda, for ðam ic gebidde on dægred to ðe.

Sealm 61:2

nu ic of eorðan ­ ­ ­ ­ ­utgemærum cleopige to þe, ­ ­ ­ ­ ­nu me caru beateð heard æt heortan, ­ ­ ­ ­ ­help min nu þa;

Sealm 62:8

Hycge him halig folc ­ ­ ­ ­ ­hælu to Drihtne; doð eowre heortan hige ­ ­ ­ ­ ­hale and clæne, forðon eow God standeð ­ ­ ­ ­ ­georne on fultum.

Sealm 77:3

þa ic fæste god gemyndgade, ­ ­ ­ ­ ­þær ic hæfde mæstne hiht. Swyðe ic begangen wæs ­ ­ ­ ­ ­and min sylfes gast wæs hwonlice ­ ­ ­ ­ ­ormod worden,