Sealm 100:4 - Anglo-Saxon Psalms c.890-950 AD

⁴ gað nu on his doru, ­ ­ ­ ­ ­god andettað, and hine weorðiað ­ ­ ­ ­ ­on wictunum mid lofsangum ­ ­ ­ ­ ­lustum myclum. Heriað naman Drihtnes, ­ ­ ­ ­ ­

Sealm 100:4 Iomraidhean Croise

Sealm 122:2

Wæron fæststealle ­ ­ ­ ­ ­fotas mine on þinum cafertunum, ­ ­ ­ ­ ­þær ure cyðð wæs, on Hierusalem ­ ­ ­ ­ ­geara ærest.

Sealm 122:4

Þær cneorisse ­ ­ ­ ­ ­cende wæron cynn æfter cynne; ­ ­ ­ ­ ­cuðan þa Drihten and on þære gewitnesse ­ ­ ­ ­ ­wæran Israelas, þe his naman ­ ­ ­ ­ ­neode sceoldon him andetnes ­ ­ ­ ­ ­æghwær habban.

Sealm 65:1

Þe gedafenað, ­ ­ ­ ­ ­Drihten user, þæt þe man on Sion ­ ­ ­ ­ ­swyðe herige and on Hierusalem ­ ­ ­ ­ ­gylde and gehate.

Sealm 66:13

Ic on þin hus ­ ­ ­ ­ ­halig gange and þær tidum þe ­ ­ ­ ­ ­tifer onsecge; þær ic min gehat ­ ­ ­ ­ ­mid hyge gylde,

Sealm 95:2

Wutun his ansyne ­ ­ ­ ­ ­ærest secean, þæt we andettan ­ ­ ­ ­ ­ure fyrene and we sealmas him ­ ­ ­ ­ ­singan mid wynne.

Sealm 96:2

Singað nu Drihtne, ­ ­ ­ ­ ­and his soðne naman bealde bletsiað; ­ ­ ­ ­ ­beornas sæcgeað fram dæge to dæge ­ ­ ­ ­ ­Drihtnes hælu.

Sealm 96:8

and þæt of hiora eðele don ­ ­ ­ ­ ­ealle þeode, þæt hi naman Drihtenes ­ ­ ­ ­ ­neode herigean. Genimað eow arlice lac ­ ­ ­ ­ ­and in gangað on his wictunas; ­ ­ ­ ­ ­weorðiað Drihten

Sealm 99:3

We andetað þinum ­ ­ ­ ­ ­þam ecean naman, þæt he mid mannum is ­ ­ ­ ­ ­mycel and egeslic, halig on helpe ­ ­ ­ ­ ­hæleþa bearnum, aare cyninges dom ­ ­ ­ ­ ­æghwær lufade.