Bifiee bi Jɔɔŋ lɛ 7:11 - Sari

¹¹ Bɛnchindaa bɛ Nyɔ-ɔ bɛchu leŋ be kɛnɛ kabara wulu mɔɔ bɛkaaŋ mɔɔ biee bi yoŋ bi binɛɛ biɛɛ, be tuu be weyi be tondi mɛnshi fɛkwiiŋ li kabara wɛ limfwe, be nyɛɛ n'yɔɔnchɛ wu nyɔŋa li Nyɔ-ɔ.

Bifiee bi Jɔɔŋ lɛ 7:11 Iomraidhean Croise

Maacho 4:10

Jiso tee li ki-i le, “Gɛnɛ laa Sataŋ! Bɛ tsɛɛ baa le, ‘Ɔ guundi Taa wu Nyɔ ya, ɔ nindi nuuŋ li yi-i kwaa.’”

Jɔɔŋ 5:23

le bɛniiŋ bɛchu se ni be guundi Ŋwaŋ nɛɛ yɛɛŋ si be guundi Baa we. Ɛ wi guundi yɛ Ŋwaŋ kɛ, kɛ mwɛ guundi yɛ Baa we wu toŋ wuu kɛ.

Hiburu 1:6

Tɛ̀ gii nuuŋ mfi wu Nyɔ tɛ̀ nuuŋ le yi toŋ Ŋwani wu ŋkosi wuni li nshɛ yini, yi tɛ̀ tee le, “Bɛnchindaa bɛ Nyɔ-ɔ bɛchu kɛmi le be ni be guundi wu.”

Bifiee bi Jɔɔŋ lɛ 11:16

Bɛkaaŋ bɛ mbaamfiɛɛ ntsɔ bɛnɛɛ baa bɛ tɛ̀ shee li bɛkabara-a bɛ bee Nyɔ limfwe baa toŋ mɛnshi mɛ bee fɛkwiiŋ, be nyɛɛ n'yɔɔnchɛ wu nyɔŋa li Nyɔ-ɔ.

Bifiee bi Jɔɔŋ lɛ 15:4

Hooo Taa, wi wu nuuŋ tɛ chɛŋ wɛ kɛ, tɛ guumɛ le ni bundi wɛ kɛ nuuŋ noo? Ba nɛɛ wɛ kwaa ɔ wuuti. Bitoŋ bichu gii bi ni bi bɛɛ bi nyɛ n'yɔɔnchɛ wu nyɔŋa li wɛɛ, kifɛ be ŋɛŋ baa le biee bi ɔ feti nuuŋ bi tsaaŋ.”

Bifiee bi Jɔɔŋ lɛ 22:9

Se nuuŋ le, tɛ̀ tee li mi-i le, “Kiiŋ ɔ ni mɔŋ lɛ kɛ. Mi ŋ'wɛ nɛɛ tɛ wi wu nimɛ si wɛ mɔɔ bɛŋwaana bɛ nuuŋ bɛntomfɔŋ bɛ Nyɔ-ɔ mɔɔ bɛniiŋ bɛ giki tefɛ chi nuuŋ lɛ kiŋwaati kini-i. Ɔ nyɛ ŋguŋu wu nyɔŋa nuuŋ li Nyɔ-ɔ.”

Bifiee bi Jɔɔŋ lɛ 4:10

bɛkaaŋ bɛ mbaamfiɛɛ ntsɔ bɛnɛɛ baa se we be gɛɛŋ yi limfwe li yi yi tɛ̀ shee li kabara wɛ-ɛ, be nyɛɛ n'yɔɔnchɛ wu nyɔŋa li wu wu nuuŋ lu mfi kwi ma siŋ. Fɛ be feti lɛ be se buushi bifɔ bi bee bi bumfɔ-ɔŋ, be giki li kabara-a limfwe be yuuti le,

Bifiee bi Jɔɔŋ lɛ 4:4

Bɛkabara bamu mbaamfiɛɛ ntsɔ bɛnɛɛ tɛ̀ kɛnɛ kabara wulu, bɛkaaŋ bamu tɛ̀ shee li bɛ mbaamfiɛɛ ntsɔ bɛnɛɛ baa ɛ be liishɛ ndú yi ncherere, ɛ be beeŋ bifɔ bi bumfɔŋ bi bɛ nachɛ bɛ ki kwa ki yɛchi be li fa.

Bifiee bi Jɔɔŋ lɛ 4:6

Fiee fimu nuuŋ tɛ li kabara wulu-u limfwe fi bosini dzɔɔ yi nyɔŋa yimi yi wuuti ni waaŋŋ si miadɔŋ. Biee bi yoŋ bimu binɛɛ tɛ̀ leŋ bi kɛnɛ kabara wulu bimbe bichu bi nuuŋ ɛ bi yisɛ bɛ lii limfwe bɛ lɛjiŋ.

Bifiee bi Jɔɔŋ lɛ 4:8

Biee bi yoŋ bi binɛɛ bilu tɛ̀ kɛmi bibɛ busɔɔ busɔɔ, ɛ bi yisɛ bɛ lii lɛwe bɛ lɛkwiiŋ. Biee bilu tɛ̀ shiiŋ bi yuuti biee butuu mɔɔ fɛnshaaŋ bi tɛ̀ chikɛ kɛ. Bi tɛ shiiŋ bi yuuti le, “Nyɔ yɛ waaŋ! Nyɔ yɛ waaŋ! Nyɔ yɛ waaŋ! Ɛ Taa Nyɔ yi Kɛmi Buŋga Buchu. Ɛ yi yi tɛ̀ nuuŋ, ɛ yi yi nuuŋ, ɛ yi yi gii yi bɛ.”