Bifiee bi Jɔɔŋ lɛ 6:2 - Sari

² Le mbichɛ, ŋɛŋ kikuŋ kimu ki ncherere ɛ wi beeŋ le lɛwe, kɛmi kikɔrɔ. Bɛ beeŋ wu kifɔ ki bumfɔ-ɔŋ li fa, bo le gɛɛŋ si wi wu ti gwii yɛki, gwe yaa.

Bifiee bi Jɔɔŋ lɛ 6:2 Iomraidhean Croise

Maacho 28:18

Jiso se kiiŋgi bɛ li bee lichiŋ tee li bee le, “Baa wɛŋ nyɛɔ buŋga li mi-i buchu bu liboo mɔɔ bu laaŋkwiiŋ.

1 Kɔrɛŋ 15:25

Wu wu Krai se kɛmi le ni sɛki nsiiŋ gɛɛŋ bo mfi wu Nyɔ gii yi gɛɛ bɛniiŋ bee bɛ mbani-i bɛchu lɛ wuu lɛkwiiŋ se tɔmi bikaa biee li bee lɛwe.

Bifiee bi Jɔɔŋ lɛ 11:15

Nchindaa wu Nyɔ wu kiŋga mfomɛnyaaŋ tɔɔŋ yee yi sɔŋ, ŋ'woo si jɛ́ yeti bɛ buŋga liboo yi tiiti le, “Bumfɔŋ bu li nshɛ yini-i to bwɛɛ bu Taa wusɛ-ɛŋ mɔɔ Kinsofu kee ki tɛ̀ kaachɛ, gii ni sɛki mfi kwi ma nsiŋ.”

Bifiee bi Jɔɔŋ lɛ 11:18

Bɛniiŋ bɛ kii yɛ wɛ kɛ shéŋ tɛ̀ tɔnyi be, mfi wuɔ gii ɔ doonchɛ sheŋ ya yi fuuti kɔchɛ yɛ kituŋ. Nuuŋ mfi wuɔ gii ɔ saa bɛniiŋ bɛ kwiyɛ kituŋ. Se tuu nuuŋ tɛ wuɔ gii ɔ sooŋ bɛniiŋ bo bɛ nimɛ-ɛ, bɛ nuuŋ bɛniiŋ bo bɛ nto-oŋ, ɔ tuu ɔ sooŋ bɛniiŋ bɛ nuuŋ bɛ Nyɔ-ɔ, ɔ sooŋ tɛ bɛniiŋ bɛchu bɛ guundi bukooŋ bwo, mɔɔ nuuŋ bɛ ntɛŋ bɛ ntɛŋ mɔɔ nuuŋ bɛ nɔŋa bɛ nɔŋa. Se tuu nuuŋ tɛ mfi wuɔ gii ɔ lɛɛ finyɔ, fi bɛniiŋ bɛ bibisi kikoo ki nshɛ-ɛ.”

Bifiee bi Jɔɔŋ lɛ 14:14

Yikɛ yɛɛŋ nɛ woo, nse ndza mbichɛ ŋɛŋ kikuŋ ki nɛŋgi ni ncherere, ɛ wi shee li kikuŋ kilu linti tɛ̀ bosini Ŋwanɛwi. Ɛ wu beeŋ kifɔ ki bumfɔ-ɔŋ ɛ bɛ nachɛ bɛ kikwa ki yɛchi, kɛmi kiŋ'wo lɛ bɔ ki keeti.

Bifiee bi Jɔɔŋ lɛ 15:2

Ntuu ndza ŋɛŋ fiee fimu fi bosini dzɔɔ yi nyɔŋa yimi yi nuuŋ ɛ bɛ tɛ̀ fiinsɛ bɛ wi, yi miɛŋini nɛɛ si miadɔŋ. Bɛniiŋ bamu lemi li dzɔɔ yi nyɔŋa yilu-u lichiŋ nuuŋ bɛ tɛ̀ sɔ nyaŋ yi koofi yi yɛ bɛ kee ki bɛ chɔ ki nuuŋ mfisɛ yi nyaŋ yilu mɔɔ biooŋ yi kiŋwaati yi nuuŋ bukooŋ bu nyaŋ yilu-u. Be tɛ̀ lemi fe be kɛmi kɔɔŋ yi Nyɔ lɛ bɔ,

Bifiee bi Jɔɔŋ lɛ 17:14

Be gii be banchɛ be toŋ dziŋ bɛ Ŋwanɛ Nshɔɔŋ, Ŋwanɛ Nshɔɔŋ se yaa be, kifɛ nuuŋ Taa wu bɛtaa bɛchu tuu nuuŋ Mfɔŋ wu bɛmfɔŋ bɛchu. Gii naa toŋ yaa bɛ bɛniiŋ bee bɛ wu teeŋ wu tsaa be lemi bɛ wu mfi kwi.”

Bifiee bi Jɔɔŋ lɛ 19:14

Bɛniiŋ bɛ dzi-iŋ bɛ liboo biki wu lɛjiŋ lɛ bikuŋ bi ncherere-e ɛ be liishɛ ndú yi miɛɛfii yi wuuti yi nɛŋgi ncherere.

Bifiee bi Jɔɔŋ lɛ 3:21

Wi wu gii sɔ, ŋgii naa nyɛ wu kintsii shee tɛɛ wu li kabara wɛ-ɛŋ si ntɛ̀ nsɔ nse nshee tɛɛ Baa wɛŋ li kabara we-e.

Bifiee bi Jɔɔŋ lɛ 9:7

Tsóma yini tɛ̀ nuuŋ si bikuŋ bi bɛ nachɛ kituŋ le bi bo bi la dziŋ. Biee bimu tɛ̀ nuuŋ bi li fa si bifɔ bi bumfɔ-ɔŋ bi bɛ nachɛ bɛ kikwa ki yɛchi, mɛnshi mɛ yi-i se nuuŋ si mɛ bɛniiŋ lɛ.