Bifiee bi Jɔɔŋ lɛ 21:3 - Sari

³ Nse ŋ'woo jɛ yeti li kabara-a liwe ŋge le, “Bichɛ yɛɛŋ nɛ ŋɛŋ, kinstii ki Nyɔ gii yi ni yi tsiiŋ kɛɛ bɛ bɛniiŋ bee fe. Yi gii naa yi ni yi tsiiŋ bee be. Be gii be ni be nuuŋ bɛniiŋ bee, yih yi Nyɔ kibɛɛ ni yi nuuŋ bee be, se yi ni yi nuuŋ Nyɔ yibe.

Bifiee bi Jɔɔŋ lɛ 21:3 Iomraidhean Croise

Jɔɔŋ 1:14

Jɛ yilu tɛ̀ to wiwoŋ se tsiiŋ lɛ bee li lɛnti, tɛ̀ yisɛ bɛ kiŋkɔŋgisɛ ki Nyɔ-ɔ bɛ chɛɛŋ. Tɛ tɛ̀ ŋɛŋ bunɔŋa bwee. Bunɔŋa bu nuuŋ bu Ŋwaŋ wu dza fɛ Tee li kwaa.

Jɔɔŋ 14:23

Jiso tuu li wuu le, “Ɛ wi kɔŋgisi mi, kɛ gii ni kichi n'yɔru wɛŋ, kɛ Baa wɛŋ gii kɔɔŋgi wu, tɛɛ Baa wɛŋ gii tɛ bɛ li wuu, ni tsiiŋ tɛ bɛ bee.

2 Kɔrɛŋ 6:16

Yih yi muntofi yi Nyɔ nuuŋ yi kɛmɛ la fi fɛrɛ bɛ bɛnyɔ bɛ li nshɛ yini-i? Nɛ kɛɛ le tɛ baa yih yi muntofi yi Nyɔ yi nuuŋ lu. Fini nuuŋ si Nyɔ tɛ̀ tee le, “Ŋgii ni tsiiŋ li bee, ndeŋgi lɛ bee lɛnti. Ŋgii ni nuuŋ Nyɔ yibe, be se ni be nuuŋ bɛniiŋ beŋ.”

2 Kɔrɛŋ 6:18

Ŋgii ni nuuŋ Baa wunɛ, nɛ nuuŋ bɔɔŋ beŋ bɛ buniŋ mɔɔ bɛ bukɛɛŋ. Fini nuuŋ ntefu wu Taa wu kɛmi Buŋga Buchu.”

1 Tɛsalonika 3:11

Tɛ lɛki baa li Nyɔ-ɔ yi nuuŋ Nyɔ mɔɔ Baa wusɛŋ kibɛɛ bɛ Taa wu tɛɛbeŋ wu Jiso le gwiyɛ dze tɛ bɛ lɛ be-eŋ.

Hiburu 11:16

Si fi nuuŋ ni, be tɛ̀ wɛki tɛ nuuŋ kwɛɛŋ wu yɛki wɛɛ, wu nuuŋ kwɛɛŋ wu liboo. Nɛɛ lɛ Nyɔ nuuŋ yɛ bɛ buya mfi wu be teenyi yi le Nyɔ yibe kɛ, kifɛ yi nachɛ yɛ kitoŋ yi gɛɛ li bee.

Hiburu 8:10

Mi wu Taa ntuuɔ ntiiti le, mfi gii bɛ kɔchɛ, ntuu nji leh wumu bɛ yih yi Isɛlɛɛ. Wu gii wu nuuŋ le ŋgii ŋgɛɛ bɛnchi beŋ li bɛmbeechɛ bɛ bee, ntsɛɛ nuuŋ li shéŋ yi bee. Ŋgii ni nuuŋ Nyɔ yibe, be ni be nuuŋ bɛniiŋ beŋ.

Hiburu 8:2

Wɛ nuuŋ wi wu nindi fɛ Nyɔ nuuŋ fe-e, nindɔɔ fɛ kibo ki nuuŋ ki chɛɛŋ nuuŋ kigɔɔnɛ ki Nyɔ-ɔ, nuuŋ yɛ ki bɛniiŋ fɛ kɛ. Ɛ yih yi Taa Nyɔ yi fɛ kigɔɔnɛ kilu.

Bifiee bi Jɔɔŋ lɛ 10:4

Si dzaaŋ yi ti wami kiŋga mfomɛnyaaŋ yilu tɛ yɔ lɛ, le ntuu ŋ'wɛki le ntsɛɛ fiee fi yi yeti, jɛ yimi yɔ li mi-i liboo le, “Gɛɛ fiee fi dzaaŋ yi ti wami kiŋga mfomɛnyaaŋ fini yeti shiiŋ. Kiiŋ ɔ ni tsɛɛ lɛ kiŋwaati-i kɛ.”

Bifiee bi Jɔɔŋ lɛ 10:8

Jɛ yi mbee nsa mi ŋ'woo liboo yɛ tuu yi kweeŋ li mi-i le, “Gɛnɛ ɔ fi fiŋwaati fi bɛ bee bɛ gwiyɛ fiɛɛ lɛ kibɛnɛ ki nchindaa wu Nyɔ-ɔ wɛɛ wu bee leŋ li dzɔɔ yi nyɔŋa-a bɛ li nshɛ-ɛ wɛ.”

Bifiee bi Jɔɔŋ lɛ 12:10

Ndza ŋ'woo jɛ yeti liboo ŋge yi tiiti le, “Ɛ nɛɛ dɛɛni yi Nyɔ gii yi soo bɛniiŋ bee, yi doonchɛ buŋga bwee bu nimɛ-ɛ, yi ni yi sɛki bumfɔŋ bu yi-i, Kinsofu kee ki yi tɛ̀ kaachɛ doonchɛ tɛ buŋga bwee bu nsawuu. Fi fiɛɛ dɛɛni lɛ kifɛ bɛ finchi baa wi wɛ laaŋkwiiŋ wu ti lemi Nyɔ yisɛŋ limfwe butuu mɔɔ fɛnshaaŋ kayi biee li bɛŋwaanɛŋ.

Bifiee bi Jɔɔŋ lɛ 21:7

Wi wu gii sɔ gii kɛmɛ biee bini bichu si bishɛyɛ. Ŋgii ni nuuŋ Nyɔ ye, ni nuuŋ ŋwanɛŋ.

Bifiee bi Jɔɔŋ lɛ 22:3

Fiee fi Nyɔ tsoŋ nuuŋ tɛ naa nuuŋ li kitoŋ kini-i kɛ. Gii ni nuuŋ nɛɛ kabara wu Nyɔ bɛ Ŋwanɛ Nshɔɔŋ fe kwaa. Bɛniiŋ bee bɛ nimɛ-ɛ gii naa be nyɛ n'yɔɔnchɛ wu nyɔŋa li wu-u.

Bifiee bi Jɔɔŋ lɛ 7:15

be se nuuŋ li kabara wu Nyɔ-ɔ limfwe, be nindi li yi-i butuu mɔɔ fɛnshaaŋ li yih ye yi muntofi-i. Wi wu shee li kabara wulu gii ni nuuŋ bɛ be si kimba kibee.