Bifiee bi Jɔɔŋ lɛ 20:3 - Sari

³ Si tɛ̀ kaŋ lɛ, tuu lɔŋ lɛ kitoo ki sechi ni wuuŋ kɛɛ, fa, se tuu laaŋ kimfimɛ kilu le yi ni yi nuuŋ le, kii yi ni yi deŋgi yi yɛŋgi bɛ bɛniiŋ li tɛɛŋ li, nsiiŋ gɛɛŋ bo mfi wu biya bi nchuki biɛɛ naa bi ka. Lɛjiŋ lɛlu bɛ gii bɛ kaari bɛ fanchɛ yi bɛ chinɛ li yi-i nɛɛ li mfi niiŋ li.

Bifiee bi Jɔɔŋ lɛ 20:3 Iomraidhean Croise

Maacho 24:24

Nɛ ni nɛ kii le bɛniiŋ gii naa be ni be bɛɛ be yɛŋgi le be baa nuuŋ binsofu bi Nyɔ tɛ̀ kaachɛ, bamu ni be kweŋgi le ɛ be bɛntomfɔŋ bɛ Nyɔ-ɔ, be ni be feti biee bi tɛɛmi bi doonchi buŋga bubee, be fɛ tɛ bintɛ wa bi biee lɛ, le be yɛɛŋ bɛ bɛniiŋ se be taŋ dzé, be gii be gwenɛ le be yɛɛŋ mɔɔ bɛ bɛniiŋ bɛ Nyɔ tɛ̀ tsaa, ɛ dze bo lu.

Maacho 27:66

Nɛɛ lɛ, be se gɛɛŋ be bɔsɛyi be bɛŋɛ fweeŋ wu dziŋ yilu, be fɛ ŋkiki li tɛtɛ chi bɛ tɛ̀ baŋɛ fweeŋ wu dziŋ yilu chɛɛ, be gɛɛ bɛniiŋ bɛ nchi le be ni be kiichi.

Ntoŋ wu dzeeŋ wu kii Jiso si Mak tɛ̀ tsɛɛ 4:15

Ŋgɔ yi tɛ̀ weyɛ lɛ dze yɛ nuuŋ bɛniiŋ bɛ wuki jɛ yi Nyɔ, Sataŋ se bɛ mfwaa mumkpaŋ buu jɛ yilu li shéŋ yibe.

Ntoŋ wu dzeeŋ wu kii Jiso si Luk tɛ̀ tsɛɛ 8:31

Bɛnchindaa bɛlu se sooŋ bɔ li Jiso le, kiiŋ ɔ ni tuumi bee nuuŋ lɛ kitoo ki sechi wuuŋŋ li kɛ.

2 Kɔrɛŋ 11:3

Se nuuŋ le nchɛndɔɔ le nɛɛ si yɔ tɛ̀ wɛɛŋ yi yɛɛŋ bɛ Iff lɛ, bɛ gii bɛ shaanshɛ tɛ bufii bunɛ nɛ chinɛ dze yi nuuŋ yi chɛɛŋ bɛ yi wuuti yi nɛ biki Krai le.

2 Pita 3:8

Se nuuŋ le nsáŋ yɛŋ yi shéŋ, kiiŋ nɛ ni daayɛ fiee fimumkpaŋ kɛ, le li Taa li jobɛ chi mumkpaŋ nuuŋ nɛɛ si biya nchuki, biya nchuki se nuuŋ si jobɛ chi mumkpaŋ tɛ.

Bifiee bi Jɔɔŋ lɛ 12:9

Be buu kiŋguuŋ ki nyaŋ yi bosini nyaŋ yi dzɔɔ yɛɛ be finchi yi lɛkwiiŋ li nshɛ-ɛ. Kiŋguuŋ ki nyaŋ kini nuuŋ yɔ yi lindɛɛri yi ti nuuŋ kiŋkundi yi tuu yi nuuŋ Sataŋ. Ɛ wu wu yɛŋgi bɛ bɛniiŋ li kikoo ki nshɛ-ɛ kichu. Bɛ tɛ̀ finchi wu bɛ bɛnchindaa bee, be we li nshɛ-ɛ.

Bifiee bi Jɔɔŋ lɛ 13:14

Si bɛ tɛ̀ chinɛ le yi ni yi feti biee bi doonchi buŋga bu yi-i li bukooŋ bu nyaŋ yi koofiyi yimi yɛɛ lɛ, yi se yɛŋgi bɛ bɛniiŋ bɛ nuuŋ li nshɛ-ɛ bɛ buŋga bulu. Yi se tee le bɛ chɔ kee ki nuuŋ mfisɛ yi nyaŋ yi bɛ tɛ̀ nyɛ yi kibaa bɛ nyɔ yi dziŋ yi ba nɛɛ we yɛ.

Bifiee bi Jɔɔŋ lɛ 17:2

Kinjikwiiŋ kini nuuŋ ki bɛmfɔŋ bɛ li nshɛ yini-i feti bukwɛɛ bɛ ki, ntsɛ we wu bukwɛɛ wuni kɔɔ ɔ bɛniiŋ bɛ li nshɛ yini-i si mbiiŋ.”

Bifiee bi Jɔɔŋ lɛ 17:8

Nyaŋ yi bɛndi yi yini, yi ɔ ŋɛŋ yini tɛ̀ nuuŋ lu, dɛɛni yani yi mɛɛŋ yɛ lu kɛ. Yi gii yi bo likwiiŋ fɛ kitoo ki shiiti ni wuuŋŋ kɛɛ, yi yɛɛ lɛwe yi gɛɛŋ fɛ bɛ gii bɛ lɛɛ yi fe. Kimfimɛ gii ki wondɛ bɛniiŋ bɛ nuuŋ li nshɛ-ɛ bɛ ti mɛɛŋ saa kɛ le be tsɛɛ mɛŋkooŋ mɛ bee lɛ kiŋwaati ki bɛniiŋ bɛ kɛmi ntsɛ-ɛ mbɛɛchɛ si nshɛ tɛ̀ bɛchi kɛ. Ki gii ki wondɛ be si be gii be ni be ŋiŋgi nyaŋ yini, kifɛ nyaŋ yini tɛ̀ nuuŋ lu, se nuuŋ le yi mɛɛŋ yɛ lu kɛ, yi mɛɛŋ yɛ se yi tuu yi bɛ kɛ.

Bifiee bi Jɔɔŋ lɛ 20:1

Ntuu ndza ŋɛŋ nchindaa wu Nyɔ wumu shiiti bɛɛ liboo kɛmi kiŋgwiyɛ ki kitoo ki shiiti ni wuuŋŋ kɛɛ, mɔɔ kincha kimu ki nɔŋa lɛ wuu bɔ.