Bifiee bi Jɔɔŋ lɛ 17:3 - Sari

³ Nchindaa wu Nyɔ wulu dza dzɔ mi ɛ ntɛ̀ nuuŋ li tsaŋ yi Fiana yi Nyɔ-ɔ, gɛɛŋ bɛ mi li bukaka. Ŋɛŋ kwɛɛŋ wumu ɛ wu shee lɛ nyaŋ yi bɛndi yi-i, yi yɛchi ni gaa ɛ yih yisɛ bɛ mɛŋkooŋ li yi-i bwiŋ me bifisi bukooŋ bu Nyɔ-ɔ. Nyaŋ yilu tɛ̀ kɛmi bikoo mfomɛnyaaŋ bɛ shé yoofi.

Bifiee bi Jɔɔŋ lɛ 17:3 Iomraidhean Croise

Maacho 27:28

Bi buushɛ wu ndú bi dzɔ ndu yi bumfɔŋ yi yɛchi bi chuumɛ wu li bwiŋ,

Kiŋwaati ki nimɛ-ɛ 8:39

Le be bo lidzɔɔ lɔɔ, Fiana yi Taa chofi Fili fe, wi wu nyɔŋa wɛ ti mɛɛŋ wu ki ŋɛŋ kɛ, bɛdɛɛni ba giiŋgi fiee bɛ kinɛɛtinɛ.

2 Tɛsalonika 2:4

Ɛ wu wu gii yɛɛki yi yee tuu ni tɛɛnini fiee fichu fi bɛ teenyi le nyɔ kɛ fiee fi bɛ bundi fi. Se gɛɛŋ lɛ shee li yih yi muntofi yi Nyɔ-ɔ se ni teenyi yi yee le ɛ wu Nyɔ.

Bifiee bi Jɔɔŋ lɛ 1:10

Tɛ̀ gii nuuŋ li jobɛ chi Taa lɛ, le ni nuuŋ li tsaŋ yi Fiana yi Nyɔ-ɔ, nse ndza ŋwoo si jɛ yɔ lɛ mi-i jiŋ lɛwe ŋge si sɔŋ.

Bifiee bi Jɔɔŋ lɛ 12:14

Se nuuŋ le, bɛ tɛ̀ nyɛ bibɛ bi kindooŋ lɛ bifɛ li kwɛɛŋ wulu-u le jiŋ lu kifi yɔ yɛ gɛɛŋ ni nuuŋ libuka biya bitɛɛtu bɛ kiŋkɛ bɛ ni bɛ bichi lɛ wuu.

Bifiee bi Jɔɔŋ lɛ 12:3

Nse ntuu ŋɛŋ ŋwaani fiee fimu fi kimfimɛ wondini liboo. Tɛ nuuŋ kiŋguuŋ ki nyaŋ yimi-i yi yɛchi bu yɛchɛ, yi bosini nyaŋ yi dzɔɔ. Yi kɛmi bikoo mfomɛnyaaŋ bɛ shé yoofi, bifɔ bi bumfɔ-ɔŋ bi niiŋ niiŋ mfomɛnyaaŋ nuuŋ li bikoo bilu-u.

Bifiee bi Jɔɔŋ lɛ 12:6

Kwɛɛŋ wulu se biee kifi gɛɛŋ libuka kintsii ki Nyɔ tɛ̀ nachɛ kituŋ li wuu. Se nuuŋ fɛ bɛ gii bɛ ni bɛ bichi lɛ wuu li jo nchuki bɛ gii fɛɛ bɛ kitsɔ mbaambusɔɔ (1,260).

Bifiee bi Jɔɔŋ lɛ 17:18

Kwɛɛŋ wɔɔ bee ɔ ŋɛŋ wɛ nuuŋ kitoŋ ki nɔŋa ki kɛmi buŋga lɛ bɛmfɔŋ bɛ li nshɛ yini lɛwe bɛchu.”

Bifiee bi Jɔɔŋ lɛ 17:4

Kwɛɛŋ wulu tɛ̀ sa ndú yi bɛniiŋ bɛ nɔŋa bɛ nɔŋa yi yɛchi, se miɛŋini bwiŋ bɛ munchi mu bɛ nachɛ bɛ kikwa ki yɛchi mɔɔ ŋwaani ta yi tɛɛmi kwa yimi bɛ ŋwaani biee bi tɛɛmi kwa bimu. Tɛ̀ gii kɛmi fika lɛ wuu bɔ ɛ bɛ nachɛ bɛ kikwa ki yɛchi ɛ fi tɛ̀ yisɛ bɛ biee bi bɛndi yi mɔɔ nyɛŋ yi bukwɛɛ.

Bifiee bi Jɔɔŋ lɛ 18:12

Wi mɛɛŋ yɛ lu wu gii ni guti biee bi bee si bi bɛ nachɛ bɛ kikwa ki yɛchi kɛ ki ncherere, kɛ bi bɛ nachɛ bɛ ŋwaani ta yi tɛɛmi kwa, kɛ bige bi fɛŋkeŋ bi tɛɛmi kwa. Nɛɛ si wi mɛɛŋ yɛ lu wu gii ni guti ndú yi be yi shiŋgii kɛ yi yɛchi ŋgɛmiŋgɛmi, kɛ yi nuuŋ miɛfimiɛfi, kɛ yi yɛchi gaa kɛ. Wi mɛɛŋ yɛ lu wu gii ni guti biti bi bee bi sɛɛndi shuuŋŋ, kɛ biee bi bee bichu bi bɛ nachɛ bɛ bige bi kiyɔ-ɔ bɛ biee bichu bi bɛ nachɛ bɛ biti bi tɛɛmi kwa kɛ kikwa kɛ kitu mɔɔ ta yi lɛɛbi kɛ.

Bifiee bi Jɔɔŋ lɛ 18:16

‘Hebee mi! Hebee mi! Nshiiŋ yi ŋge li kitoŋ ki nɔŋa kini-i, ki tuu ki sɛti ndú yi shiŋgii kɛ yi yɛchi ŋgɛmiŋgɛmi kɛ yi yɛchi gaa, yi miɛŋini bɛ biee bi bɛ nachɛ bɛ kikwa ki yɛchi kɛ ŋwaani ta yi tɛɛmi kwa yimi kɛ ŋwaani biee bi tɛɛmi kwa bimu.

Bifiee bi Jɔɔŋ lɛ 21:10

Se biee dzɔ mi nuuŋ li tsaŋ yi Fiana yi Nyɔ-ɔ, tɛɛ wu gɛɛŋ fɛ ŋkumɛ wumu wu nyɔŋa-a wu dɛɛŋ liwe. Se doonchɛ mi kitoŋ ki waaŋ ki nuuŋ Jɛrosalɛŋ ɛ ki bo liboo fɛ Nyɔ-ɔ ki shiiti ki bɛɛ.

Bifiee bi Jɔɔŋ lɛ 4:2

Mfwaa mumkpaŋ, ndza ntuu nuuŋ li tsaŋ yi Fiana yi Nyɔ-ɔ, mbiee ŋɛŋ kabara wu nuuŋ liboo, ɛ wi shee li wuu liwe.