Bifiee bi Jɔɔŋ lɛ 16:6 - Sari

⁶ Bɛniiŋ bani baa bɛ ŋgɔŋ mɛ bɛniiŋ bɛ nuuŋ bo-o mɔɔ mɛ bɛ ntomfɔŋ bo maa li tsaŋ yi bee. Ɔ se nyɛ ŋgɔŋ li bee, be woŋ. Fini fiɛɛ nɛɛ kinsomfu kibee.”

Bifiee bi Jɔɔŋ lɛ 16:6 Iomraidhean Croise

Maacho 7:2

Nɛ kɛɛ le dze yi nɛ sɛki kiŋge ki wumu-u, ɛ nɛɛ yi yi Nyɔ gii yi saa tɛ kinɛ le. Fiee fi wi fichini fiee le nyɛ li wi-i ɛ fi fi Nyɔ gii naa yi fichɛ le yi se nyɛ li mwɛ-ɛ tɛ.

Ntoŋ wu dzeeŋ wu kii Jiso si Luk tɛ̀ tsɛɛ 12:48

Ŋwaŋ wu nimɛ wu kii yɛ fiee fi te kikoo we wɛki le fɛ kɛ, ɛ wu fɛ fiee fi bɛ nuuŋ bɛ fiaaŋ wu bɛ muŋwaaŋ ŋge, kɛ bɛ gii bɛ fiaaŋ wu bɛ muŋwaaŋ niiŋ kwaa. Wi wu bɛ nyɛ biee li wuu ŋge, kɛ bɛ gii bɛ fi ŋge li wuu. Wi wu bɛ gɛɛ biee li tsaŋ yee li ŋge, bɛ gii bɛ bii ŋge li wuu.”

Hiburu 10:29

Ɛ fi nuuŋ lɛ, se nɛ beechi baa le wi wu nyamisi Ŋwanɛ Nyɔ, dzeti ŋgɔŋ mɛ leh wu Nyɔ tɛ̀ ji le tsootsɛ wu lu ni wuuti wɛ to fiee fi waniti-i, gaashi tɛ Fiana yi Waaŋ yi bɛɛ bɛ mfiɛ wu Nyɔ li bɛniiŋ li, ŋwaani ŋgɛ wu wɛɛ wu gii naa kɛmɛ gii naa nuuŋ niŋ?

Bifiee bi Jɔɔŋ lɛ 11:18

Bɛniiŋ bɛ kii yɛ wɛ kɛ shéŋ tɛ̀ tɔnyi be, mfi wuɔ gii ɔ doonchɛ sheŋ ya yi fuuti kɔchɛ yɛ kituŋ. Nuuŋ mfi wuɔ gii ɔ saa bɛniiŋ bɛ kwiyɛ kituŋ. Se tuu nuuŋ tɛ wuɔ gii ɔ sooŋ bɛniiŋ bo bɛ nimɛ-ɛ, bɛ nuuŋ bɛniiŋ bo bɛ nto-oŋ, ɔ tuu ɔ sooŋ bɛniiŋ bɛ nuuŋ bɛ Nyɔ-ɔ, ɔ sooŋ tɛ bɛniiŋ bɛchu bɛ guundi bukooŋ bwo, mɔɔ nuuŋ bɛ ntɛŋ bɛ ntɛŋ mɔɔ nuuŋ bɛ nɔŋa bɛ nɔŋa. Se tuu nuuŋ tɛ mfi wuɔ gii ɔ lɛɛ finyɔ, fi bɛniiŋ bɛ bibisi kikoo ki nshɛ-ɛ.”

Bifiee bi Jɔɔŋ lɛ 13:10

Ɛ fi wi nuuŋ le bɛ gii bɛ kɔɔ wu, kɛ bɛ gii bɛ kɔɔ wu. Ɛ fi wi nuuŋ le gii kwi li nyɔ yi dziŋ, kɛ bɛ gii bɛ wo wu bɛ nyɔ yi dziŋ. Fini giiŋgi li bɛniiŋ bɛ nuuŋ bɛ Nyɔ-ɔ le be kaŋ shéŋ, be gɛɛ shéŋ li yi-i.

Bifiee bi Jɔɔŋ lɛ 13:15

Bɛ tɛ̀ chinɛ le yi nyɛ mfiee li kee ki bɛ tɛ̀ chɔ ki nuuŋ mfisɛ yi nyaŋ yi koofiyi le ki ni ki yeti ki feti tɛ le be ni be woyi bɛniiŋ bɛchu bɛ fɛŋgi nyɛ n'yɔɔnchɛ wu nyɔŋa li kee kilu-u.

Bifiee bi Jɔɔŋ lɛ 18:20

Beŋ bɛ nuuŋ li kwɛɛŋ wu Nyɔ-ɔ, nɛ nɛki finɛ li fiee fi kɛti bɛ wuu. Beŋ bɛchu bɛ nuuŋ bɛniiŋ bɛ Nyɔ-ɔ bɛ bɔɔŋ bɛ nto-oŋ bɛ Jiso-o mɔɔ bɛntomfɔŋ bɛ Nyɔ-ɔ bɛchu, nɛ nɛki yɛɛŋ kifɛ Nyɔ sondɛ yɛ nsa li fiee fi wu fɛ bɛ be-eŋ!”

Bifiee bi Jɔɔŋ lɛ 18:24

Ɛ kitoŋ kini ki ŋgɔŋ mɛ bɛntomfɔŋ bɛ Nyɔ-ɔ bɛ mɛ bɛniiŋ bɛ nuuŋ bɛ Nyɔ-ɔ nuuŋ li tsaŋ yi ki-i. Ɛ ki ki bɛniiŋ bɛchu bɛ be woyi li nshɛ-ɛ baa li tsaŋ yi ki-i.”

Bifiee bi Jɔɔŋ lɛ 19:2

Yi sondini bɛnsa bee yi biki chɛɛŋ bɛ dze yi tsaaŋ. Yi lɔŋ yɛ ŋgɛ li ŋgi wu kinjikwiiŋ wɛɛ tuu bifisi kikoo ki nshɛ-ɛ bɛ ntsɛ we wu kinjikwiiŋ. Yi tuu yɛ nsooŋkibaa li kwɛɛŋ wulu-u kii bɛniiŋ bee bɛ nimɛ-ɛ bɛ bɛ tuu bɛ woyɛ.”