Bifiee bi Jɔɔŋ lɛ 13:8 - Sari

⁸ Bɛniiŋ bɛchu bɛ li kikoo ki nshɛ-ɛ tɛ̀ nyɛɛ n'yɔɔnchɛ wu nyɔŋa li yi-i. Bɛniiŋ bani nuuŋ wi kwikwi wu bɛ tɛ mɛɛŋ ki tsɛɛ kɛ bukooŋ bwee lɛ kiŋwaati-i nshɛ se bɛchi kɛ. Kiŋwaati kini se nuuŋ ki bukooŋ bu bɛniiŋ bɛ kɛmi ntsɛ nuuŋ le, nuuŋ kiŋwaati ki Ŋwanɛ Nshɔɔŋ wu bɛ tɛ̀ sɛɛ.

Bifiee bi Jɔɔŋ lɛ 13:8 Iomraidhean Croise

Maacho 25:34

Wu wu Mfɔŋ gii tee li bɛ nuuŋ lɛ kibɛnɛ kee ki kigɔŋɛ-ɛ le, ‘Bɛniiŋ bɛ Taa tiiŋ mwɛ li bee, bɛ yɛɛŋ nɛ kɛmɛ bintsii lɛ bumfɔŋ bu bɛ nachɛ li be-eŋ mbɛɛchɛ si bɛ tɛ̀ tɔŋ nshɛ,

Ntoŋ wu dzeeŋ wu kii Jiso si Luk tɛ̀ tsɛɛ 10:20

Se nuuŋ le, kiiŋ nɛ ni nɛ nɛki le bɛnchindaa bɛ kiŋkundi-i wuki baa li be-eŋ kɛ. Nɛ nɛki yɛɛŋ nuuŋ le bɛ tsɛɛ baa mɛŋkooŋ mɛnɛ lɛ Kiŋwaati ki Nyɔ-ɔ ki liboo.”

Jɔɔŋ 1:29

Le butuu woo, Jɔɔŋ ŋɛŋ si Jiso bɛɛ, se tee le, “Bichɛ yɛɛŋ nɛ ŋɛŋ, wuni nuuŋ Ŋwanɛ Nshɔɔŋ wu Nyɔ yi tsakisi bibifi bi li nshɛ-ɛ!

Ɛfishɛŋ 1:4

Fɛ Nyɔ tɛ̀ mɛɛŋ yi se gwaŋ kimfoo ki kwɛɛŋ lɛ, yi tɛ̀ tsaa bee le ke tɛ naa tɛ taashɛ bɛ Krai, le tɛ ni tɛ wuuti, tɛ ni tɛ nuuŋ findzɔŋ nsiŋ lɛ wuu lii. Li kiŋkɔŋgisɛ kee li,

Filipi 4:3

Ntiitɔɔ tɛ li wɛ wu gbɛŋgi nuuŋ wi wɛŋ wu kintutu-u li nimɛ-ɛ le ɔ fi bukɛɛŋ bani be to kimfimɛ kimumkpaŋ. Ɛ bɛniiŋ bɛ tɛɛ be tɛ̀ gwenɛ baa tɛ nindi li nimɛ chi ntoŋ wu dzeeŋ wu kii Jiso Krai mɔɔ Keremɛŋ mɔɔ bɛniiŋ bɛchu bɛ tɛɛ be nindi. Bɛniiŋ bani baa bɛ bɛ tsɛɛ mɛŋkooŋ mɛ bee kituŋ lɛ kiŋwaati ki ntsɛ wu kimakɛ-ɛ.

Taato 1:2

be ni be bichi limfwe li ntsɛ wu kimakɛ-ɛ. Ntsɛ wuni nuuŋ wu Nyɔ yi ti yɛŋgi yɛ binsɛɛ kɛ tɛ kaachɛ nshɛ mɛɛŋ yi se naa yi bɛchi.

Bifiee bi Jɔɔŋ lɛ 12:15

Yɔ yilu se tuu yi buu dzɔɔ lɛwa si dzɔɔ yi beki lɛ kwɛɛŋ wulu-u lɛjiŋ le yi too wu yi gɛɛŋ bɛ wu.

Bifiee bi Jɔɔŋ lɛ 13:12

Yi tɛ̀ doonchi buŋga buchu bu nyaŋ yi koofiyi yi ŋkosi yɛɛ, li bukooŋ bu nyaŋ yilu-u. Yi se fɛ kikoo ki nshɛ kichu bɛ bɛniiŋ bɛchu bɛ li nshɛ-ɛ nyɛɛ n'yɔɔnchɛ wu nyɔŋa li nyaŋ yi ŋkosi yɛɛ li kikɔti kee ki tɛ̀ nuuŋ le ki gii ki wo yi, ki se tuu ki tɛmi kɛɛ.

Bifiee bi Jɔɔŋ lɛ 17:8

Nyaŋ yi bɛndi yi yini, yi ɔ ŋɛŋ yini tɛ̀ nuuŋ lu, dɛɛni yani yi mɛɛŋ yɛ lu kɛ. Yi gii yi bo likwiiŋ fɛ kitoo ki shiiti ni wuuŋŋ kɛɛ, yi yɛɛ lɛwe yi gɛɛŋ fɛ bɛ gii bɛ lɛɛ yi fe. Kimfimɛ gii ki wondɛ bɛniiŋ bɛ nuuŋ li nshɛ-ɛ bɛ ti mɛɛŋ saa kɛ le be tsɛɛ mɛŋkooŋ mɛ bee lɛ kiŋwaati ki bɛniiŋ bɛ kɛmi ntsɛ-ɛ mbɛɛchɛ si nshɛ tɛ̀ bɛchi kɛ. Ki gii ki wondɛ be si be gii be ni be ŋiŋgi nyaŋ yini, kifɛ nyaŋ yini tɛ̀ nuuŋ lu, se nuuŋ le yi mɛɛŋ yɛ lu kɛ, yi mɛɛŋ yɛ se yi tuu yi bɛ kɛ.

Bifiee bi Jɔɔŋ lɛ 21:27

Se nuuŋ le nuuŋ fiee fi wuuti yɛ kɛ tɛ naa lɛ li kitoŋ kini-i kɛ. Wi wu feti biee bi buya-a mɔɔ nuuŋ wu yɛŋgi binsɛɛ nuuŋ tɛ naa lɛ fe kɛ. Ɛ nɛɛ bɛniiŋ bɛ bɛ tsɛɛ mɛŋkooŋ mɛ bee lɛ Kiŋwaati ki Ŋwanɛ Nshɔɔŋ lɛ ki bɛ tsɛɛ mɛŋkooŋ mɛ bɛniiŋ bɛ kɛmi ntsɛ le-e.

Bifiee bi Jɔɔŋ lɛ 3:10

Si nɛ gɛɛ baa tefɛ cheŋ kii ŋkanu shéŋ lɛ, ŋgii ŋkiichɛ beŋ mfi wu mɔnchɛ gii bɛ li kikoo ki nshɛ-ɛ kichu le mɔnchɛ bɛniiŋ bɛ nuuŋ li nshɛ-ɛ.

Bifiee bi Jɔɔŋ lɛ 3:20

Yikɛ yɛɛŋ nɛ woo, nlemɔɔ fweeŋ ŋkundi. Ɛ wi woo jɛ yɛŋ, wu gwiyɛ kigoo, nlɛ mbɛ tɛɛ wu tɛ ni tɛ jii biee, fiee fimumkpaŋ.

Bifiee bi Jɔɔŋ lɛ 3:5

Wi wu gii naa sɔ, mwɛ gii naa lii tɛ ndú yi ncherere. Wɛɛ wi nuuŋ ntɛ naa ŋ'wɔɔyɛ bukooŋ bwee lɛ kiŋwaati ki bɛniiŋ bɛ kɛmi ntsɛ wu kimakɛ-ɛ kɛ. Ŋgii naa ntee bɛ kimfimɛ keŋ limfwe li Taa li bɛ bɛnchindaa bee le ŋkiiɔ wu.

Bifiee bi Jɔɔŋ lɛ 5:12

Be tɛ̀ yuuti lɛwe ŋge be tiiti le, “Ŋwanɛ Nshɔɔŋ wu bɛ tɛ̀ sɛɛ, ɛ wu wu kɔchɛ le kɛmɛ buŋga bɛ bulofu mɔɔ bufii bu nɔŋa mɔɔ bukooŋ bu nɔŋa mɔɔ ŋguŋu mɔɔ bunɔŋa mɔɔ n'yɔɔnchɛ.”

Bifiee bi Jɔɔŋ lɛ 5:13

Nse ndza ŋ'woo biee bichu bi Nyɔ tɛ̀ tɔŋ bi nuuŋ liboo mɔɔ li nshɛ-ɛ mɔɔ lɛkwiiŋ mɔɔ li dzɔ́ɔ yi nyɔŋa-a, bɛ biee bichu bi nuuŋ li bintsii bini-i, bi yuuti le, “N'yɔɔnchɛ bɛ ŋguŋu mɔɔ bunɔŋa mɔɔ buŋga giiŋgi nuuŋ fɛ wu wu tɛ̀ shee li kabara-a bɛ Ŋwanɛ Nshɔɔŋ wuni mfi kwi ma nsiŋ!”

Bifiee bi Jɔɔŋ lɛ 6:1

Nse mbɛchi mbichi si Ŋwanɛ Nshɔɔŋ wɛ gwiyɛ ŋwɛɛŋ mɛ ŋkosi li ŋwɛɛŋ mɛ mfomɛnyaaŋ maa, ntaa ŋ'woo fiee fimu li kintutu ki biee bi yoŋ biɛɛ yɔ bɛ jɛ si dzaaŋ yi wɛndi, fi tee le, “Bɛ!”