Bifiee bi Jɔɔŋ lɛ 13:10 - Sari

¹⁰ Ɛ fi wi nuuŋ le bɛ gii bɛ kɔɔ wu, kɛ bɛ gii bɛ kɔɔ wu. Ɛ fi wi nuuŋ le gii kwi li nyɔ yi dziŋ, kɛ bɛ gii bɛ wo wu bɛ nyɔ yi dziŋ. Fini giiŋgi li bɛniiŋ bɛ nuuŋ bɛ Nyɔ-ɔ le be kaŋ shéŋ, be gɛɛ shéŋ li yi-i.

Bifiee bi Jɔɔŋ lɛ 13:10 Iomraidhean Croise

Maacho 26:52

Jiso tee li wi wulu le, “Kaari tuu nyɔ ya lɛ mbwa li. Ɔ kɛɛ le wi kwi wu tsakisi nyɔ li we, gii naa kwi bɛ nyɔ.

Maacho 7:2

Nɛ kɛɛ le dze yi nɛ sɛki kiŋge ki wumu-u, ɛ nɛɛ yi yi Nyɔ gii yi saa tɛ kinɛ le. Fiee fi wi fichini fiee le nyɛ li wi-i ɛ fi fi Nyɔ gii naa yi fichɛ le yi se nyɛ li mwɛ-ɛ tɛ.

Ntoŋ wu dzeeŋ wu kii Jiso si Luk tɛ̀ tsɛɛ 21:19

Kanɛ yɛɛŋ shéŋ yinɛ, nɛ se kɛmɛ ntsɛ.

Kolosi 1:11

Tɛ lɛki li Nyɔ-ɔ tɛ le Nyɔ yi buŋga bu nɔŋa buchu nuuŋ bwee nyɛ beŋ buŋga buchu le nɛ se ni nɛ tɛɛmi mfi kwi, nɛ kɛndi shéŋ nɛ giiŋgi limfwe li fiee li fichu, bɛ kinɛɛtinɛ,

Hiburu 6:12

Kiiŋ nɛ ni nɛ nuuŋ bɛ kiniŋgɛ li fiee li kɛ. Nɛ dzɔɔ mbosɛ li bɛniiŋ bɛ tɛ̀ gɛɛ shéŋ li Nyɔ-ɔ, be kaŋ shéŋ be se kɛmɛ fiee fi Nyɔ tɛ̀ kaachɛ.

Bifiee bi Jɔɔŋ lɛ 1:9

Ɛ mi Jɔɔŋ, ŋwaana wunɛ li Jiso-o, bee bɛchu ŋiŋgi ŋgɛ kii wu, tɛ nuuŋ li bumfɔŋ bwee li linti, tɛ kɛndi shéŋ li biee bichu-u. Ntɛ̀ nuuŋ li kiŋgeŋ ki Patmo-o ɛ bɛ tɛ̀ buu mi bu busu kii jɛ yi Nyɔ yi ntɛ̀ ntiifi ntuu mfenjisi kii Jiso.

Bifiee bi Jɔɔŋ lɛ 11:18

Bɛniiŋ bɛ kii yɛ wɛ kɛ shéŋ tɛ̀ tɔnyi be, mfi wuɔ gii ɔ doonchɛ sheŋ ya yi fuuti kɔchɛ yɛ kituŋ. Nuuŋ mfi wuɔ gii ɔ saa bɛniiŋ bɛ kwiyɛ kituŋ. Se tuu nuuŋ tɛ wuɔ gii ɔ sooŋ bɛniiŋ bo bɛ nimɛ-ɛ, bɛ nuuŋ bɛniiŋ bo bɛ nto-oŋ, ɔ tuu ɔ sooŋ bɛniiŋ bɛ nuuŋ bɛ Nyɔ-ɔ, ɔ sooŋ tɛ bɛniiŋ bɛchu bɛ guundi bukooŋ bwo, mɔɔ nuuŋ bɛ ntɛŋ bɛ ntɛŋ mɔɔ nuuŋ bɛ nɔŋa bɛ nɔŋa. Se tuu nuuŋ tɛ mfi wuɔ gii ɔ lɛɛ finyɔ, fi bɛniiŋ bɛ bibisi kikoo ki nshɛ-ɛ.”

Bifiee bi Jɔɔŋ lɛ 14:12

Fini giiŋgi fiɛɛ li bɛniiŋ bɛ nuuŋ bɛ Nyɔ-ɔ bɛ yi nuuŋ bɛ be, be kichi bɛnchi bɛ Nyɔ-ɔ, bɛ giki shéŋ li Jiso le be kɛmi le be ni be kɛndi shéŋ.

Bifiee bi Jɔɔŋ lɛ 16:6

Bɛniiŋ bani baa bɛ ŋgɔŋ mɛ bɛniiŋ bɛ nuuŋ bo-o mɔɔ mɛ bɛ ntomfɔŋ bo maa li tsaŋ yi bee. Ɔ se nyɛ ŋgɔŋ li bee, be woŋ. Fini fiɛɛ nɛɛ kinsomfu kibee.”

Bifiee bi Jɔɔŋ lɛ 17:11

Fi kii nyaŋ yi bɛndi yi yɛ yi tɛ̀ nuuŋ lu, yi se mɛɛŋ yɛ lu kɛ, yi yɛ tɛ mfɔŋ, mfɔŋ wuni nuuŋ wu kiŋga nyaaŋ, se nuuŋ le wɛ li kintutu ki bɛmfɔŋ bɛ mfomɛnyaaŋ baa. Wɛɛ gii ke wu naa wu bɛ tɛ, gii gɛɛŋ fɛ bɛ gii bɛ lɛɛ wu bu lɛɛwu.

Bifiee bi Jɔɔŋ lɛ 17:8

Nyaŋ yi bɛndi yi yini, yi ɔ ŋɛŋ yini tɛ̀ nuuŋ lu, dɛɛni yani yi mɛɛŋ yɛ lu kɛ. Yi gii yi bo likwiiŋ fɛ kitoo ki shiiti ni wuuŋŋ kɛɛ, yi yɛɛ lɛwe yi gɛɛŋ fɛ bɛ gii bɛ lɛɛ yi fe. Kimfimɛ gii ki wondɛ bɛniiŋ bɛ nuuŋ li nshɛ-ɛ bɛ ti mɛɛŋ saa kɛ le be tsɛɛ mɛŋkooŋ mɛ bee lɛ kiŋwaati ki bɛniiŋ bɛ kɛmi ntsɛ-ɛ mbɛɛchɛ si nshɛ tɛ̀ bɛchi kɛ. Ki gii ki wondɛ be si be gii be ni be ŋiŋgi nyaŋ yini, kifɛ nyaŋ yini tɛ̀ nuuŋ lu, se nuuŋ le yi mɛɛŋ yɛ lu kɛ, yi mɛɛŋ yɛ se yi tuu yi bɛ kɛ.

Bifiee bi Jɔɔŋ lɛ 2:19

Ŋkiiɔ kiŋge kinɛ, ŋkii si nɛ kɛmi kiŋkɔŋgisɛ, ŋkii tɛ shéŋ yi nɛ gɛɛ li mi-i mɔɔ nimɛ chi nɛ nindi bɛ si nɛ kɛndi shéŋ. Ŋkiiɔ tɛ le kiŋge kinɛ ki dɛɛni dzeeŋ kɛɛ ki yɛki ki nɛ tɛ kɛmi ŋkosi.

Bifiee bi Jɔɔŋ lɛ 2:2

Ŋkiiɔ kiŋge kinɛ bɛ si nɛ nindi nɛ liŋgisi, ŋkiiɔ tɛ shéŋ yi nɛ kɛndi bɛ si nuuŋ nɛ tɛ beŋ fiee fi bɛniiŋ bɛ bifi bɛɛ bɛ fi kɛ. Nɛ mɔŋ baa kituŋ bɛniiŋ bɛ ti teenyi yi yibe le ɛ be bɔɔŋ bɛ nto-oŋ bɛ Jiso-o be se nuuŋ yɛ mɔɔ kɛ, nɛ ŋɛŋ baa le be baa bɛniiŋ bɛ binsɛɛ lɛ.

Bifiee bi Jɔɔŋ lɛ 3:10

Si nɛ gɛɛ baa tefɛ cheŋ kii ŋkanu shéŋ lɛ, ŋgii ŋkiichɛ beŋ mfi wu mɔnchɛ gii bɛ li kikoo ki nshɛ-ɛ kichu le mɔnchɛ bɛniiŋ bɛ nuuŋ li nshɛ-ɛ.

Bifiee bi Jɔɔŋ lɛ 3:3

Nɛ kimi yɛɛŋ fiee fi nɛ tɛ̀ fi mɔɔ fiee fi nɛ tɛ̀ woo. Nɛ kɛmi yɛɛŋ lu, nɛ kɛmi le nɛ fiiki shéŋ yinɛ. Ɛ nɛ mɛɛŋ ki kaaŋgi kɛ, kɛ ŋgii naa dza mbɛ lɛ be-eŋ si wih, nɛ tɛ kɛɛ mfi wulu kɛ.