Bifiee bi Jɔɔŋ lɛ 11:3 - Sari

³ Ŋgii nyɛ buŋga li bɛniiŋ beŋ bɛ bɛfɛ-ɛ bɛ lemi lɛjiŋ lɛ nsa wɛ-ɛŋ bɛ tiiti kii mi, be gii be ni be laŋini ntoŋ wɛŋ li bɛniiŋ li jo nchuki bɛ gii fɛɛ bɛ kitsɔ mbaambusɔɔ (1,260). Be gii be ni be laŋini ɛ be liishɛ ndú yi kwe.”

Bifiee bi Jɔɔŋ lɛ 11:3 Iomraidhean Croise

Maacho 11:21

Le fusi lɛ, tee le, “Ŋgɛ wu nyɔŋa wɛ wunɛ beŋ bɛniiŋ bɛ Korasiŋ, ŋgɛ wu nyɔŋa wɛ tɛ wunɛ beŋ bɛniiŋ bɛ Besaida. Nɛ kɛɛ le, gii nuuŋ le mfɛ bintɛwa bi biee lɛ bi ntɛ̀ mfɛ li be-eŋ bini nuuŋ li kwɛɛŋ wu Tayɛ bee Sidɔ-ɔŋ, bee nuuŋ dɛɛŋ be tɛ̀ fiiki shéŋ yibe, be liishɛ ndú yi kwe, be fwa taŋɛ li bwiŋ kichu le be doonchɛ le be fiiki baa shéŋ yibe.

Maacho 18:16

Ɛ mɛɛŋ ki woo kɛ fiee fiɔ tee kɛ, ɔ dzɔ wi mumkpaŋ kɛ bɛfɛ nɛɛ be kaari nɛ gɛɛŋ fɛ wuu, le n'yɔru kwikwi kɛmɛ bɛniiŋ bɛfɛ kɛ bɛtɛɛtu bɛ lemi lɛ nsa wulu-u lɛjiŋ.

Ntoŋ wu dzeeŋ wu kii Jiso si Luk tɛ̀ tsɛɛ 10:13

Jiso dza tee le, “Ŋgɛ wu nyɔŋa wɛ wunɛ beŋ bɛniiŋ bɛ Korasiŋ, ŋgɛ wu nyɔŋa wɛ tɛ wunɛ beŋ bɛniiŋ bɛ Besaida. Nɛ kɛɛ le, gii nuuŋ le mfɛ bintɛwa bi biee lɛ bi ntɛ̀ mfɛ li be-eŋ bini nuuŋ li kwɛɛŋ wu Tayɛ bee Sidɔ-ɔŋ, bee nuuŋ dɛɛŋ be tɛ fiiki shéŋ yibe, be liishɛ ndú yi kwe, be fwa taŋɛ li bwiŋ kichu le be doonchɛ le be fiiki baa shéŋ yibe.

Ntoŋ wu dzeeŋ wu kii Jiso si Luk tɛ̀ tsɛɛ 24:48

Ɛ beŋ bani nɛ gii nɛ ni nɛ tiifi biee bini bi nɛ ŋɛŋ baa bɛ lii yinɛ.

Jɔɔŋ 15:27

Nɛ gii nɛ leŋ tɛ lɛ nsa wɛŋ lɛjiŋ, kifɛ tɛɛbeŋ tɛ tɛ̀ nuuŋ fɛmbɛɛchɛ-ɛ.”

Jɔɔŋ 3:27

Jɔɔŋ tuu li bee le, “Wi nuuŋ tɛ nuuŋ fiee fimu fuki fɛ Nyɔ fɛ le ni nuuŋ fi nsiŋ kɛ.

Kiŋwaati ki nimɛ-ɛ 1:8

Fi nɛ nuuŋ nɛ kɛɛ nuuŋ le, Fiana yi Waaŋ gii yi bɛ yi yisɛ li yih yinɛ, nɛ se kɛmɛ buŋga, nɛ bɛchi nɛ ni nɛ tiiti kii mi mbɛɛchɛ Jɛrosalɛŋ mɔɔ bimbe bi Judiya bɛ bi Samaaria bichu, ŋgɛnu mbochu fɛ tɛɛŋ luushi.”

Kiŋwaati ki nimɛ-ɛ 13:31

Tɛ̀ doonchɛ yi yee li jo ŋge, li bɛniiŋ bɛ bee be tɛ̀ dza Galilii be gɛɛŋ Jɛrosalɛŋ. Ɛ be bɛ tiiti kii wu dɛɛni li bɛniiŋ bɛ Isɛlɛɛ.

Kiŋwaati ki nimɛ-ɛ 2:32

Jiso wuni wɛ ɛ Nyɔ tɛ̀ buu wu li kwe-e, wu bee bɛchu bɛ nuuŋ bɛniiŋ bee bɛ kintutu tɛ̀ ŋɛŋ wu.

Kiŋwaati ki nimɛ-ɛ 3:15

Le nɛ fɛ lɛ nɛ se wo wi wu nyɛɛ ntsɛ li bɛniiŋ li, se nuuŋ le, Nyɔ tɛ kaari yi buu wu li kwe-e, tɛ tɛ̀ ŋɛŋ wu, tɛ̀ se tiiti baa kii wu.

1 Kɔrɛŋ 12:28

Nyɔ gɛɛ yɛ bɛniiŋ nindi nimɛ chichi chichi li kintaashɛ ki bɛniiŋ bɛ kimbeenchɛ. Bɛ limfwe nuuŋ bɔɔŋ bɛ nto-oŋ bɛ Jiso, bɛ biki li bee nuuŋ bɛniiŋ bɛ laŋini bɛntoŋ bɛ Nyɔ-ɔ, bamu nuuŋ bɛniiŋ bɛ tiifi bɛniiŋ. Yi fɛ yɛ bamu nuuŋ bɛniiŋ bɛ feti mfiŋ, bamu bɛ wɔnchɛ chigɔŋ, bamu bɛ fii bɛniiŋ. Yi gɛɛ yɛ bamu nuuŋ bɛ nachi si nimɛ giiŋgi, bamu se nuuŋ bɛ kii n'yɔru jɛ́ yi bɛ kii yɛ kɛ.

2 Kɔrɛŋ 13:1

Kini kɛɛ kiŋga keŋ kitɛɛtɛ ki ŋgii mbɛ lɛ be-eŋ. Kiŋwaati ki Nyɔ tiiti le, “Ɛ bɛ sɔɔmi wi, kɛ bɛ gii bɛ waaŋ bɛniiŋ bɛfɛ kɛ bɛtɛɛtu, be se leŋ lɛ nsa wulu-u lɛjiŋ.”

Ɛfishɛŋ 4:11

Ɛ nɛɛ wu wu tɛ̀ nyɛ nyá li bɛniiŋ li. Tɛ̀ nyɛ li bamu-u le be ni be nuuŋ bɔɔŋ bee bɛ nto-oŋ, nyɛ li bamu-u be laŋini biee bi be wuki Nyɔ tiiti, bamu deŋgi be fenjisi ntoŋ wu dzeeŋ, bamu bɛ bichi lɛ kintaashɛ ki bɛniiŋ bɛ kimbeenchɛ-ɛ be tuu be tiifi bɛniiŋ.

Bifiee bi Jɔɔŋ lɛ 1:5

mɔɔ li Jiso Krai-i wu nuuŋ nɛɛ wu wu ti doonchi fiee fi chɛɛŋ kii Nyɔ li bɛniiŋ li. Gii nuuŋ wi wu ŋkosi li ŋkarisɛ mbochu li kwe-e. Ɛ wu wu sɛki bɛmfɔŋ bɛchu bɛ li nshɛ yini-i. N'yɔɔnchɛ ni nuuŋ li wuu. Ɛ wu wu kɔŋgisi bee, tɛ̀ buu bee li tsaŋ yi bibifi-i bɛ ŋgɔŋ mee.

Bifiee bi Jɔɔŋ lɛ 11:2

se nuuŋ le kiiŋ ɔ ni fichɛ la wu lɛkuuŋ kɛ. Gɛɛ lɛ kifɛ bɛ saa baa bɛ nyɛ li bɛniiŋ bɛ nuuŋ yɛ Bɛjuu kɛ-ɛ. Be gii be miri li kitoŋ ki wuuti-i, be nɔɔsɛ kitoŋ kilu kii mbaanyɛɛ ntsɔ faatu.

Bifiee bi Jɔɔŋ lɛ 11:6

Be kɛmi buŋga bu be nuuŋ be bɛŋɛ kiboo le dzaaŋ yi sɛyɛ kɛ mɔɔ li nshɛ-ɛ li jo yibe laŋini ntoŋ wu Nyɔ-ɔ kɛ. Be kɛmi tɛ buŋga bu be nuuŋ be fiiki dzɔ́ɔ yi to ŋgɔŋ mɔɔ buŋga bu lɔnɛ ŋwaani chigɔŋ li nshɛ-ɛ mfi kwi wu be kɔŋgisi.

Bifiee bi Jɔɔŋ lɛ 12:6

Kwɛɛŋ wulu se biee kifi gɛɛŋ libuka kintsii ki Nyɔ tɛ̀ nachɛ kituŋ li wuu. Se nuuŋ fɛ bɛ gii bɛ ni bɛ bichi lɛ wuu li jo nchuki bɛ gii fɛɛ bɛ kitsɔ mbaambusɔɔ (1,260).

Bifiee bi Jɔɔŋ lɛ 13:5

Be tɛ̀ chinɛ nyaŋ yilu yi kɛmi kimfimɛ ki nuuŋ yi ni yi yeti jɛ́ yi kintsakisɛ yi, yi tuu yi bifisi bukooŋ bu Nyɔ-ɔ, bɛ tuu bɛ chinɛ le yi ni yi sɛki kii mbaanyɛɛ ntsɔ faatu.

Bifiee bi Jɔɔŋ lɛ 19:10

Nse ndza we li bikaa biee li le nyɛ n'yɔɔnchɛ wu nyɔŋa li wuu. Tuu tee li mi-i le, “Kiiŋ ɔ ni ɔ feti lɛ kɛ. Nnuuŋ nɛɛ tɛ wi wu nimɛ si wɛ mɔɔ bɛŋwaana bɛ lemi li fiee fi bɛ tiiti kii Jiso. Ɔ nyɛɛ n'yɔɔnchɛ wu nyɔŋa nuuŋ li Nyɔ-ɔ. Fiee fi bɛ tiiti kii Jiso fini nuuŋ nɛɛ fi kibɛɛ fi bɛntomfɔŋ bɛ Nyɔ-ɔ tɛ̀ tiiti.”

Bifiee bi Jɔɔŋ lɛ 20:4

Ntuu ndza ŋɛŋ bɛkabara, ɛ bɛniiŋ bɛ tɛ̀ shee yɛ lu nuuŋ be bɛ bɛ tɛ̀ nyɛ buŋga bu nsawuu li tsaŋ yi bee. Ŋɛŋ tɛ fiana yi bɛniiŋ bɛ be tɛ̀ woyɛ be buushɛ be bikoo kii be tɛ̀ tiifi kii Jiso mɔɔ jɛ yi Nyɔ. Bɛniiŋ bani nuuŋ bɛ tɛ̀ mɛɛŋ ki nyɛ kɛ n'yɔɔnchɛ wu nyɔŋa li nyaŋ yi bɛndi yi yɛɛ, kɛ mfisɛ yee kɛ, be ti mɛɛŋ ki gɛɛ kɛ ŋkiki wu nyaŋ yi bɛndi yih yilu fɛ lii, kɛ li tsáŋ yi bee kɛ. Bani tɛ̀ kaari be to lu be sɛki bɛ Krai li biya nchuki-i.