Bifiee bi Jɔɔŋ lɛ 11:18 - Sari

¹⁸ Bɛniiŋ bɛ kii yɛ wɛ kɛ shéŋ tɛ̀ tɔnyi be, mfi wuɔ gii ɔ doonchɛ sheŋ ya yi fuuti kɔchɛ yɛ kituŋ. Nuuŋ mfi wuɔ gii ɔ saa bɛniiŋ bɛ kwiyɛ kituŋ. Se tuu nuuŋ tɛ wuɔ gii ɔ sooŋ bɛniiŋ bo bɛ nimɛ-ɛ, bɛ nuuŋ bɛniiŋ bo bɛ nto-oŋ, ɔ tuu ɔ sooŋ bɛniiŋ bɛ nuuŋ bɛ Nyɔ-ɔ, ɔ sooŋ tɛ bɛniiŋ bɛchu bɛ guundi bukooŋ bwo, mɔɔ nuuŋ bɛ ntɛŋ bɛ ntɛŋ mɔɔ nuuŋ bɛ nɔŋa bɛ nɔŋa. Se tuu nuuŋ tɛ mfi wuɔ gii ɔ lɛɛ finyɔ, fi bɛniiŋ bɛ bibisi kikoo ki nshɛ-ɛ.”

Bifiee bi Jɔɔŋ lɛ 11:18 Iomraidhean Croise

Maacho 5:12

Ɛ fi kɛti lɛ nɛ nɛki yɛɛŋ nɛ kiiti, kifɛ kinsomfu kinɔŋa kɛɛ kinɛ liboo. Nɛ kɛɛ le, ɛ lɛ si bɛ gii bɛ biindi bikaa lɛ bɛntomfɔŋ bɛ Nyɔ-ɔ bɛ ŋkosi lɛ.

Ntoŋ wu dzeeŋ wu kii Jiso si Luk tɛ̀ tsɛɛ 1:50

Yi ti keeti nshiiŋ bɛ bɛniiŋ bɛ guundi li yi-i. Nshiiŋ yini se nuuŋ li kiŋgɔkɛ kichu-u.

Hiburu 9:27

Nɛɛ yɛɛŋ si fi nuuŋ le wi kɛmi le kwi nɛɛ mfwa mumkpaŋ le ni tɛŋgi nuuŋ nsa,

Bifiee bi Jɔɔŋ lɛ 10:7

Gii naa ni nuuŋ jobɛ chi nchindaa wu Nyɔ wu kiŋga mfomɛnyaaŋ gii naa tɔɔŋ yee sɔŋ, Nyɔ fɛ fiee fi yi nyikɛ bɛ fi kɔchɛ si tɛ̀ yeti kituŋ li bɛniiŋ bee bɛ nimɛ-ɛ bɛ nuuŋ bɛniiŋ bee bɛ nto-oŋ.”

Bifiee bi Jɔɔŋ lɛ 11:2

se nuuŋ le kiiŋ ɔ ni fichɛ la wu lɛkuuŋ kɛ. Gɛɛ lɛ kifɛ bɛ saa baa bɛ nyɛ li bɛniiŋ bɛ nuuŋ yɛ Bɛjuu kɛ-ɛ. Be gii be miri li kitoŋ ki wuuti-i, be nɔɔsɛ kitoŋ kilu kii mbaanyɛɛ ntsɔ faatu.

Bifiee bi Jɔɔŋ lɛ 13:10

Ɛ fi wi nuuŋ le bɛ gii bɛ kɔɔ wu, kɛ bɛ gii bɛ kɔɔ wu. Ɛ fi wi nuuŋ le gii kwi li nyɔ yi dziŋ, kɛ bɛ gii bɛ wo wu bɛ nyɔ yi dziŋ. Fini giiŋgi li bɛniiŋ bɛ nuuŋ bɛ Nyɔ-ɔ le be kaŋ shéŋ, be gɛɛ shéŋ li yi-i.

Bifiee bi Jɔɔŋ lɛ 13:16

Yi tɛ̀ tee le bɛ fɛ ŋkiki li bɛniiŋ bɛchu-u li kibɛnɛ ki kigɔŋɛ-ɛ mɔɔ nuuŋ fɛ lii, yi tee le bɛ fɛ li wi mɔɔ nuuŋ wi wu ŋkwɛŋ mɔɔ nuuŋ wu nyɔŋa, mɔɔ nuuŋ wi wu biee, mɔɔ nuuŋ wi wu kifoo, mɔɔ nuuŋ mfwa, mɔɔ nuuŋ yɛ mfwa kɛ,

Bifiee bi Jɔɔŋ lɛ 14:10

kɛ gii woŋ mbiiŋ mɛ nuuŋ sheŋ yi Nyɔ yi fuuti. Sheŋ yilu nuuŋ ɛ wu yiiki lɛ fika fiee li mfisinɛ nsiŋ. Wɛɛ wi bɛ gii bɛ naa bɛ lɔŋ wu li fiee fi duti si muŋkaŋ, ni ŋiŋgi ŋgɛ fe. Fini gii naa fi nuuŋ li bɛnchindaa bɛ Nyɔ-ɔ bɛ waaŋ bɛ li Ŋwanɛ Nshɔɔŋ li limfwe.

Bifiee bi Jɔɔŋ lɛ 15:1

Nse ndza ntuu ŋɛŋ ŋwaani fiee fimu fi wondini kimfimɛ ŋge liboo, nuuŋ fiee fi nɔŋa. Ɛ tɛ̀ nuuŋ bɛnchindaa bɛ Nyɔ-ɔ mfomɛnyaaŋ be kɛmi bɛŋgɛ mfomɛnyaaŋ bɛ nuuŋ bɛ kimɛrisɛ-ɛ le be nyɛ li bɛniiŋ li, kifɛ bani nuuŋ bɛ Nyɔ gii yi mɛɛshi yi doonchɛ sheŋ yee yi fuuti lu.

Bifiee bi Jɔɔŋ lɛ 15:7

Fiee fimumkpaŋ li kintutu ki biee bimu biyoŋ bi binɛɛ biɛɛ fi nyɛ bɛke mfomɛnyaaŋ li bɛnchindaa bɛ mfomɛnyaaŋ baa ɛ bɛ tɛ̀ nachɛ bɛ kikwa ki yɛchi. Bɛke baa tɛ̀ yisɛ bɛ sheŋ yi Nyɔ yi fuuti yi nuuŋ lu mfi kwi ma nsiŋ.

Bifiee bi Jɔɔŋ lɛ 18:6

Bɛ fɛ bɛ wu si feti li bɛniiŋ bamu-u. Bɛ sooŋ wu li kiŋge kee li kiŋga kifɛ. Bɛ gɛɛ mbiiŋ mɛ nuuŋ ŋgɛ, muka mumfɛɛŋ lɛ fika fi ti giki li bɛniiŋ bamu le, bɛ nyɛ li wuu le woŋ.

Bifiee bi Jɔɔŋ lɛ 19:15

Nyɔ yi dziŋ yi keeti tɛ̀ buti lɛ wuu wa yi gii nuuŋ le yaa bitoŋ lu tuu ni sɛki bi bɛ buŋga bu nɔŋa. Gii buu sheŋ yi Nyɔ yi Kɛmi Buŋga Buchu doonchɛ li bɛniiŋ li. Sheŋ yi Nyɔ yini nuuŋ yi fuuti ŋge nɛɛ si kisɔ ki bɛ ti seendi muntaaŋ le mbiiŋ buti.

Bifiee bi Jɔɔŋ lɛ 19:18

Nɛ gii nɛ ji gooŋ yi bɛmfɔŋ bɛ yi bɛte bikoo bi bɛniiŋ bɛ dzi-iŋ mɔɔ bɛniiŋ bɛ kɛmi buŋga mɔɔ yi bikuŋ bɛ yi bɛniiŋ bɛ beeŋ lɛ bi-i, mɔɔ yi bɛniiŋ bɛchu bɛ nuuŋ bɛmfa mɔɔ bɛ nuuŋ yɛ bɛmfa kɛ mɔɔ bɛniiŋ bɛ ntɛŋ bɛ ntɛŋ bɛ bɛ nɔŋa bɛ nɔŋa.”

Bifiee bi Jɔɔŋ lɛ 19:5

Jɛ yimi se tuu yi bo li kabara-a yi tiiti le, “Beŋ bɛchu bɛ nuuŋ bɛniiŋ bɛ nimɛ-ɛ bɛ Nyɔ-ɔ, nɛ yɔɔnchi yɛɛŋ Nyɔ yisɛŋ, beŋ bɛchu bɛ chɛndi yi mɔɔ bɛ ntɛŋ bɛ ntɛŋ mɔɔ bɛ nɔŋa bɛ nɔŋa, nɛ nyɛɛ yɛɛŋ n'yɔɔnchɛ li yi-i.”

Bifiee bi Jɔɔŋ lɛ 20:12

Ntuu ŋɛŋ tɛ bɛniiŋ bɛchu bɛ tɛ̀ kwiyɛ kituŋ bɛ nɔŋa bɛ nɔŋa mɔɔ bɛ ntɛŋ bɛ ntɛŋ, be lemi kabara limfwe. Be gwiyɛ biŋwaati, be gwiyɛ kimu nuuŋ ki kɛmi mɛŋkooŋ mɛ bɛniiŋ bɛ kɛmi ntsɛ-ɛ. Be bɛchi be sondini bɛnsa li bɛniiŋ bɛ tɛ̀ kwiyɛ kituŋ baa, be biki si kiŋge ki wi-i tɛ̀ nuuŋ si bɛ tɛ̀ tsɛɛ li biŋwaati biɛɛ.

Bifiee bi Jɔɔŋ lɛ 20:15

Wi wu bɛ tɛ̀ mɛɛŋ ki tsɛɛ kɛ bukooŋ bwee lɛ kiŋwaati ki bɛniiŋ bɛ kɛmi ntsɛ-ɛ le kɛ kɛɛ, bɛ lɔŋ wu lɛ libɛ-ɛ nuuŋ chi wi duti le-e.

Bifiee bi Jɔɔŋ lɛ 22:12

Jiso tiitɔɔ le, “Yikɛ yɛɛŋ nɛ woo, mbɛɛɔ mfi fintɛŋ. Se mbɛɛɔ bɛ kinsomfu sooŋ wi kwikwi lu biki si nimɛ chee nuuŋ.