Bifiee bi Jɔɔŋ lɛ 1:3 - Sari

³ Kinɛɛtinɛ ki nɔŋa gii ki nuuŋ ki wi wu gii ni teenyi ntoŋ wu Nyɔ wuni lɛwe ŋge. Se kinɛɛtinɛ ki nɔŋa gii ki nuuŋ tɛ li bɛniiŋ bɛ gii be woo fiee fi bɛ tsɛɛ lɛ kiŋwaati kilu-u kini be giki, kifɛ mfi wu biee bilu wɛ tsɛkɛtsɛkɛ.

Bifiee bi Jɔɔŋ lɛ 1:3 Iomraidhean Croise

Maacho 24:15

Bɛdɛɛni mfi wu nɛ ŋɛŋ fiee fi bɛndi yi fi nuuŋ fi biifi kintsii fi ntomfɔŋ wu Nyɔ wu Danyɛ tɛ tee kii fi, fi lemi li yih yi muntofi, (wi wu teenyi kiŋwaati kini woo fini bujɔŋ,)

Ntoŋ wu dzeeŋ wu kii Jiso si Luk tɛ̀ tsɛɛ 11:28

Jiso tuu fiee nuuŋ le, “Kinɛɛtinɛ ki kinɔŋa kɛɛ nuuŋ ki bɛniiŋ bɛ wuki jɛ yi Nyɔ be feti si yi wɛki.”

Kiŋwaati ki Pɔɔ tɛ̀ tsɛɛ li kintaashɛ ki Lo-om 13:11

Nɛ feti biee bini ni nɛ kii si mfi wɛ dɛɛni. Mfi kɔchɔɔ li be-eŋ le nɛ kaaŋgi kituŋ. Nɛ kaaŋgi kifɛ mfi wu kinsofu wɛ tsɛkɛtsɛkɛ yɛki si wu tɛ shiiŋ wu nuuŋ fɛ tɛ tɛ̀ gɛɛ shéŋ li Jiso Krai.

Kiŋwaati ki Pɔɔ tɛ̀ tsɛɛ li kintaashɛ ki Lo-om 13:12

Butuu mɛɛ bwɛɛ bu giiŋgi, lɛkuuŋ se wuuti laa le bɛɛ. Tɛ too kiŋge ki bɛniiŋ bɛ nuuŋ li kijibɛ-ɛ tɛ dzɔɔ nuuŋ kiŋge ki bɛniiŋ bɛ nuuŋ li kiŋ'wofu si biee bi dzi-iŋ bi ni bi baŋgi bee.

1 Pita 4:7

Mfi wu fiee fichu gii fi ma bɛɛɔ tsɛkɛtsɛkɛ. Bɛdɛɛni, nɛ nuuŋ nɛɛ bɛ bufii bunɛ fe, nɛ kiichi yi yinɛ, le se nɛ ni nɛ lɛki li Nyɔ-ɔ.

2 Pita 3:8

Se nuuŋ le nsáŋ yɛŋ yi shéŋ, kiiŋ nɛ ni daayɛ fiee fimumkpaŋ kɛ, le li Taa li jobɛ chi mumkpaŋ nuuŋ nɛɛ si biya nchuki, biya nchuki se nuuŋ si jobɛ chi mumkpaŋ tɛ.

Bifiee bi Jɔɔŋ lɛ 22:10

Nchindaa wu Nyɔ wulu tuu tee li mi-i le, “Kiiŋ ɔ ni nyikɛ ntoŋ wu Nyɔ wuni wu nuuŋ tefɛ chi nuuŋ lɛ kiŋwaati kini-i kɛ, kifɛ mfi wu bi gii naa bi dzɔɔ kintsii wɛ kituŋ tsɛkɛtsɛkɛ.

Bifiee bi Jɔɔŋ lɛ 22:12

Jiso tiitɔɔ le, “Yikɛ yɛɛŋ nɛ woo, mbɛɛɔ mfi fintɛŋ. Se mbɛɛɔ bɛ kinsomfu sooŋ wi kwikwi lu biki si nimɛ chee nuuŋ.

Bifiee bi Jɔɔŋ lɛ 22:20

Wi wu tee kii biee bini tiitɔɔ le, “Chɛɛŋ chɛɛŋ, mbɛɛɔ mfi fintɛŋ.” Fi nuuŋ lɛ. Taa Jiso, bɛ!

Bifiee bi Jɔɔŋ lɛ 3:11

Mbɛɛɔ mfi fintɛŋ. Nɛ kɛmi li fiee fi nɛ kɛmi-i mkpaaŋ, kii wumu ni fi kifɔ kinɛ ki bumfɔ-ɔŋ.