Hiburu 2:8 - Sari

⁸ Ɔ gɛɛɔ biee bichu lɛ wiwo-oŋ lɛkwiiŋ, sɛki.” Si Nyɔ tɛ̀ gɛɛ biee bichu lɛ wiwo-oŋ lɛkwiiŋ, fiee fimu se mɛɛŋ yɛ lu fi fuki numu lɛ wuu lɛkwiiŋ nsiŋ kɛ. Mɔɔ nɛɛ si fi nuuŋ lɛ tɛ se ŋiŋgi yɛ le biee bichu biɛɛ lɛ wiwo-oŋ lɛkwiiŋ kɛ.

Hiburu 2:8 Iomraidhean Croise

Maacho 28:18

Jiso se kiiŋgi bɛ li bee lichiŋ tee li bee le, “Baa wɛŋ nyɛɔ buŋga li mi-i buchu bu liboo mɔɔ bu laaŋkwiiŋ.

Jɔɔŋ 13:3

Si Jiso tɛ̀ kii kituŋ le Tee nyɛɔ biee bichu li tsaŋ yee li, bɛ le tɛ̀ dza fɛ Nyɔ-ɔ, mɔɔ le karisɔɔ tuu lijiŋ fɛ Nyɔ-ɔ,

Jɔɔŋ 3:35

Te Ŋwaŋ kɔɔŋgɔɔ Ŋwaŋ, wu se nyɛ biee bichu li tsaŋ yee li.

1 Kɔrɛŋ 15:27

Ɛ fiee fi bɛ tɛ̀ tsɛɛ lɛ Kiŋwaati ki Nyɔ-ɔ le, “Nyɔ gɛɛ yɛ biee bichu lɛ wuu lɛkwiiŋ se sɛki.” Se nuuŋ le, ntefu le biee bichu biɛɛ lɛ wuu lɛkwiiŋ ti nuuŋ yɛ le Nyɔ gɛɛ yɛ biee bichu lɛ wuu lɛkwiiŋ mɔɔ yih yi Nyɔ tɛ lɛ wuu lɛkwiiŋ kɛ.

Hiburu 1:13

Ɛ nchindaa wu Nyɔ wu la wu Nyɔ tɛ̀ saa yi tee li wuu le, “Shee lɛ kibɛnɛ keŋ ki kigɔŋɛ-ɛ, nsiiŋ gɛɛŋ bo mfi wu mi ŋgiiki bɛniiŋ bo bɛ mbani-i wɛ limfwe si kilaanda ki bikaa bio-o, Ɔ tɔmi bikaa bio li bee ni?”

Hiburu 1:2

Se nuuŋ le, li jo yi lɛ kimɛrisɛ yini-i, yi yɔ yɛ li bee li nuuŋ lɛ kimfimɛ ki Ŋwani-i. Ɛ Ŋwani wuni wu yi tsaa yɛ le gii nuuŋ kinjila li biee bichu-u. Ɛ nɛɛ wu wu Nyɔ tɛ̀ tɔŋ nshɛ bɛ biee bichu kɛti li tsáŋ yee li.

Hiburu 2:5

Nyɔ tɛ̀ mɛɛŋ ki gɛɛ kɛ kwɛɛŋ wu fwɛŋ wu gii wu bɛ wu tɛ̀ tiiti kii wu wuni le ɛ bɛnchindaa bee bɛ gii be ni be sɛki kɛ.

1 Pita 3:22

Jiso Krai wuni yɛɛɔ liboo kituŋ, wu shee lɛ kibɛnɛ ki kigɔŋɛ ki Nyɔ-ɔ, se wɛ lu, bɛnchindaa bɛ Nyɔ-ɔ bɛ fiana yi kɛmi buŋga mɔɔ yi sɛki chi nuuŋ lɛ wuu lɛkwiiŋ.

Bifiee bi Jɔɔŋ lɛ 1:18

Ɛ mi wu wɛ lu. Ntɛ̀ ŋkwi, se nuuŋ le bichɛ ɔ ŋɛŋ, mi nse ŋkaari mi mbo, ŋgii ni nuuŋ lu mfi kwi. Ŋkɛmi kiŋgwiyɛ ki kwe-e bɛ ki li kwɛɛŋ wu biŋkwi-i.

Bifiee bi Jɔɔŋ lɛ 1:5

mɔɔ li Jiso Krai-i wu nuuŋ nɛɛ wu wu ti doonchi fiee fi chɛɛŋ kii Nyɔ li bɛniiŋ li. Gii nuuŋ wi wu ŋkosi li ŋkarisɛ mbochu li kwe-e. Ɛ wu wu sɛki bɛmfɔŋ bɛchu bɛ li nshɛ yini-i. N'yɔɔnchɛ ni nuuŋ li wuu. Ɛ wu wu kɔŋgisi bee, tɛ̀ buu bee li tsaŋ yi bibifi-i bɛ ŋgɔŋ mee.