Galashaŋ 3:11 - Sari

¹¹ Fi se doonchi fiɛɛ nɛɛ tɛ gbanaa le Nyɔ dzeti yɛ wi le wɛ findzɔŋ nsiŋ kii mwɛ kichɔɔ bɛnchi kɛ. Fiɛɛ fiee fi bɛ tsɛɛ le, “Ɛ wi wu Nyɔ dzɔ le wɛ tsaaŋ kii shéŋ yi wu gɛɛ li yi-i kwaa wu gii naa kɛmi ntsɛ.”

Galashaŋ 3:11 Iomraidhean Croise

Kiŋwaati ki Pɔɔ tɛ̀ tsɛɛ li kintaashɛ ki Lo-om 1:17

Fi fiɛɛ le ntoŋ wu dzeeŋ wuni doonchi dze yi Nyɔ dzeti le wi wɛ tsaaŋ le lɛ yi-i lii. Fini se bɛchi nsiiŋ fi gɛɛŋ fi ma li shéŋ yi mwɛ tɛ̀ gɛɛ li yi-i. Fiɛɛ fiee fi bɛ tsɛɛ le, “Wi wu tsaaŋ gii naa ni tsiiŋ kii shéŋ yi wu gɛɛ li Nyɔ-ɔ.”

Galashaŋ 2:16

Se nuuŋ le tɛ kii le Nyɔ dzeti yɛ wi le wɛ findzɔŋ nsiŋ kifɛ kichɔɔ bɛnchi. Dzeti nuuŋ kifɛ wu gɛɛɔ shéŋ li Jiso Krai. Mɔɔ bee bɛjuu kibɛɛ tɛ beŋ baa li Krai Jiso lɛ le tɛ se ni tɛ nuuŋ findzɔŋ nsiŋ lɛ Nyɔ lii kii shéŋ yi tɛ gɛɛ li yi yee li, nuuŋ yɛ kii bɛnchi bɛ tɛ kichi kɛ. Fi fiɛɛ le ɛ wi kichi nuuŋ bɛnchi Nyɔ tɛ̀ naa dzɔ wu le wɛ findzɔŋ nsiŋ kɛ.

Hiburu 10:38

Wi wɛŋ wu tsaaŋ gii kɛmɛ ntsɛ kii shéŋ yi wu gɛɛ li mi-i. Se nuuŋ le ɛ wu dza tuu chɛndi chiiti bikaa, shéŋ yɛŋ tɛ dzɔɔŋ mi bɛ wu kɛ.”

Jeeŋ 1:27

Kimbeenchɛ ki Nyɔ Baa wusɛŋ ŋiŋgi le ki kɔchɛ ki tuu ki wuuti lɛ wuu lii, nuuŋ ki wi wu bichi lɛ bɔɔŋ bɛɛŋku-u mɔɔ lɛ bukɛɛŋ bɛɛŋku-u li bɛŋgɛ bɛ bee. Tuu nuuŋ tɛ wi wu dzɔɔ mfi bɛ yi yee kii biee bi li nshɛ yini ni liibi wu.

Jeeŋ 3:2

Fi fiɛɛ nuuŋ chɛɛŋ le bee bɛchu tɛ tɛndi ŋge. Se nuuŋ le, ɛ wi nuuŋ lu wu ti tɛndi yɛ li n'yɔru we-e kɛ, kɛ wɛɛ wi kɔchɔɔ wu gɛɛŋ wu mɛɛshi, tuu kii tɛ ŋkiichɛ yi yee chichi.

Bifiee bi Jɔɔŋ lɛ 5:9

Biee biɛɛ bɛ bɛkaaŋ baa se yuuti jumi chimu chi fɛŋ chi tiiti le, “Ɛ wɛ wu kɔchɛ le ɔ fi kiŋwaati kilu, ɔ gwiyɛ ŋwɛɛŋ mɛlu, kifɛ be tɛ̀ sɛɛ wɛ ŋgɔŋ mo ya bɛniiŋ, li tsaŋ yi bibifi-i bɛ nyɛ li Nyɔ-ɔ. Bɛniiŋ bani bo li bini bichu, bɛ li jɛ́ chichi-i, bɛniiŋ chichi mɔɔ bitoŋ bichu.