Ɛfishɛŋ 3:9 - Sari

⁹ Fi tɛ̀ nuuŋ lɛ le bɛniiŋ bɛchu kɛɛ ntaŋ wu munyiikɔɔ wuni gbanaa wu fiee fi Nyɔ yi tɛ̀ tɔŋ biee bichu tɛ̀ shiiŋ yi nyiki li yi yee li, li biya-a li biya-a.

Ɛfishɛŋ 3:9 Iomraidhean Croise

Maacho 10:27

Fiee fi ntiiti li beŋ butuu, nɛ tiiti fi li bɛniiŋ li fɛnshaaŋ. Fi mi ntee beŋ lɛ ntsooŋ li, nɛ dzaaŋ fi nuuŋ fɛ kigɔ ki yi-ih.

Maacho 13:35

Tɛ̀ gii feti lɛ le fi bɛ fi kɔchɛ si ntomfɔŋ wu Nyɔ wumu tɛ̀ saa tee le, “Ŋgii ni ŋgwiyi kimfimɛ keŋ buti nɛɛ nuuŋ ŋgaŋgaa le. Ŋgii ntee kii biee bi tɛ̀ nuuŋ lɛ munyiikɔɔ li mbɛɛchɛ si bɛ tɛ̀ tɔŋ nshɛ.”

Maacho 25:34

Wu wu Mfɔŋ gii tee li bɛ nuuŋ lɛ kibɛnɛ kee ki kigɔŋɛ-ɛ le, ‘Bɛniiŋ bɛ Taa tiiŋ mwɛ li bee, bɛ yɛɛŋ nɛ kɛmɛ bintsii lɛ bumfɔŋ bu bɛ nachɛ li be-eŋ mbɛɛchɛ si bɛ tɛ̀ tɔŋ nshɛ,

Maacho 28:19

Bɛdɛɛni, gɛnɛ yɛɛŋ li bitoŋ bichu-u, nɛ fɛ bɛniiŋ ni be nuuŋ bɛniiŋ beŋ bɛ kintutu, nɛ ni nɛ lisi be li dzɔɔ, li bukooŋ bu Baa wɛŋ bɛ bu Ŋwaaŋ mɔɔ bu Fiana yi Waaŋ lɛ.

Ntoŋ wu dzeeŋ wu kii Jiso si Luk tɛ̀ tsɛɛ 24:47

Fi se fiɛɛ tɛ le, bɛ gii bɛ bɛchi Jɛrosalɛŋ bɛ ni bɛ fenjisi li bitoŋ bichu-u kii bukooŋ bwee, le bɛniiŋ bɛchu fiiki shéŋ yibe, Nyɔ feeki bifi bi bee.

Jɔɔŋ 10:30

Tɛɛ Baa wɛŋ tɛ baa fiee fimumkpaŋ.”

Jɔɔŋ 5:17

Jiso tee li bee le, “Baa wɛŋ ti nindi mfi kwi, nse nindi nɛɛ tɛ lɛ.”

Jɔɔŋ 5:19

Jiso dza tee li bee le, “Ntee beŋ chɛɛŋ chɛɛŋ le mi Ŋwaŋ, nnuuŋ ntɛ̀ fɛ fiee li buŋga bu bwe-eŋ kɛ. Nti mfeti nuuŋ fiee fi ŋiŋgi Baa wɛŋ feti. Fiee fi Baa wu Ŋwaŋ feti, ɛ nɛɛ fi fi Ŋwaŋ nuuŋ fɛ tɛ,

Kiŋwaati ki nimɛ-ɛ 15:18

Fini ɛ Nyɔ yi tiiti, yi tɛ̀ fɛ bɛniiŋ kɛɛ mɛɛŋ lindɛɛri.’

Kiŋwaati ki Pɔɔ tɛ̀ tsɛɛ li kintaashɛ ki Lo-om 11:25

Bɛŋwaanɛŋ, ŋ'wɛkɔɔ le nɛ kɛɛ chɛɛŋ wu nuuŋ lɛ munyiikɔɔ li, le kiiŋ nɛ ni dza nɛ ni nɛ tsakisi yi kɛ. Fi nuuŋ le kikoo ki tɛɛmɛ bɛ kɛɛ li bɛniiŋ bamu bɛ Isɛlɛɛ tɛ. Be se gii be ni be tɛɛmi nɛɛ bikoo lɛ gɛɛŋ bo mfi wu bɛniiŋ bɛ tɛ̀ nuuŋ yɛ bɛ Isɛlɛɛ kɛ bɛchu bɛ nuuŋ le be naa be lɛ li kintutu ki bɛniiŋ bɛ Krai lɛ kituŋ.

1 Kɔrɛŋ 2:7

Bufii bu Nyɔ-ɔ bu nɔŋa bu ntɛ̀ tiiti buni nuuŋ fiee fi tɛ̀ shiiŋ fi nuuŋ lɛ munyiikɔɔ li bɛniiŋ tɛ̀ kɛɛ kɛ. Bufii bulu ɛ Nyɔ yi tɛ̀ nachɛ nshɛ mɛɛŋ yi se bɛchi, le ke naa bɛ fɛ tɛɛbeŋ ni tɛ̀ nuuŋ lɛ bunɔŋa bwee li lɛnti.

Ɛfishɛŋ 1:4

Fɛ Nyɔ tɛ̀ mɛɛŋ yi se gwaŋ kimfoo ki kwɛɛŋ lɛ, yi tɛ̀ tsaa bee le ke tɛ naa tɛ taashɛ bɛ Krai, le tɛ ni tɛ wuuti, tɛ ni tɛ nuuŋ findzɔŋ nsiŋ lɛ wuu lii. Li kiŋkɔŋgisɛ kee li,

Ɛfishɛŋ 3:2

Mbeechɔɔ le nɛ kɔɔ baa nɛ woo si Nyɔ tɛ̀ tsaa mi yi nyɛ nimɛ li mi-i le ntee li be-eŋ kii shéŋ yee yi dzeeŋ yi tɛ̀ doonchɛ li be-eŋ.

Ɛfishɛŋ 6:19

Nɛ lɛki li Nyɔ tɛ li mi-i le mfi wu ŋgwiiyi kimfimɛ keŋ le n'yɔ, Nyɔ nyɛɛ mi fiee fi ŋgii ni n'yeti, nchɛnu nsiŋ kii munyiikɔɔ mu ntoŋ wu dzeeŋ wu wu Nyɔ-ɔ.

Kolosi 1:23

Nɛ gii nɛ ni nɛ nuuŋ lɛ ɛ nɛ ba nɛ giiŋgi limfwe bɛ shéŋ yinɛ gɛɛ li wuu, ɛ nɛ lii gɛɛŋ yinɛ nɛ lemi mkpaaŋ fiee sɛɛsi yɛ beŋ li fiee fi nɛ bichi limfwe li fi-i fi nɛ tɛ̀ woo li ntoŋ wu dzeeŋ li kɛ. Ntoŋ wu dzeeŋ wuni nuuŋ wu bɛ feenji baa kituŋ li wi kwikwi li nshɛ yini-i. Ɛ ntoŋ wuni wu mi wu Pɔɔ nnuuŋ wi wu nimɛ li wu-u.

Kolosi 1:26

Jɛ yini nuuŋ yi tɛ̀ shiiŋ yi nuuŋ ɛ bɛ tɛ̀ nyikɛ li kiŋgɔkɛ ki bɛniiŋ lɛ kichu li biya bi lindɛɛri, dɛɛni yani Nyɔ doonchɛ yɛ li bɛniiŋ bɛ nuuŋ bee li.

Kolosi 3:3

kifɛ nɛ kwi baa kituŋ, ntsɛ wunɛ se wɛ dɛɛni ɛ Nyɔ nyikɛ bɛ Krai li yi yi Nyɔ-ɔ.

Kolosi 4:3

Nɛ lɛki Nyɔ li bee li tɛ le Nyɔ gwiyɛ kigoo li jɛ yee le tɛ ni tɛ fenjisi jɛ yini yi nuuŋ munyiikɔɔ kii Krai. Fiɛɛ fiee fi nnuuŋ li ncha-a kii fi.

2 Tɛsalonika 2:13

Se nuuŋ le, bɛŋwaanɛŋ bɛsɛŋ bɛ Taa kɔɔŋgi ŋge, tɛ kɛmi nɛɛ le tɛ ni tɛ nyɛɛ kiyɔɔni li Nyɔ-ɔ mfikwi kii beŋ, kifɛ Nyɔ tɛ̀ tsaa beŋ kituŋ fɛ mbɛɛchɛ le yi naa yi soo beŋ kɛti li nimɛ chi Fiana yi Waaŋ feti le nɛ ni nɛ wuuti, bɛ li kimbeenchɛ ki nɛ beŋ li chɛɛŋ li.

1 Timɔti 3:16

Fiee fiɛɛ lu fi gbɛɛŋ fi ko ŋge. Fiee fini nuuŋ fi tɛ shiiŋ fi nuuŋ lɛ munyiikɔɔ li kii kimbeenchɛ kisɛŋ ki tɛ tiiti, Nyɔ se fɛ yɛ tɛ se kɛɛ. Fiee fini nuuŋ le: Tɛ doonchɛ yi yee li nyaŋ yi wiwoŋ. Fiana yi Waaŋ tɛ̀ doonchɛ wi wu nuuŋ wu. Bɛnchindaa bɛ Nyɔ-ɔ tɛ ŋɛŋ wu. Be tɛ̀ fenjisi kii wu li bito-oŋ. Bɛniiŋ tɛ gɛɛ shéŋ li wuu nshɛ chichi Bɛ tɛ̀ dzɔ wu yɛɛ liboo fɛ kintsii ki bunɔŋa.

2 Timɔti 1:9

Ɛ Nyɔ yi tɛ soo bee, yi teeŋ bee le tɛ ni tɛ tsiiŋ ntsɛ wu nuuŋ wu bɛniiŋ bee. Yi tɛ̀ mɛɛŋ ki fɛ kɛ fini kii nimɛ chimu chi tɛ tɛ̀ fɛ kɛ. Tɛ gii nuuŋ kii nachɛ wu yi li bee li, mɔɔ shéŋ yee yi dzeeŋ yi tɛ̀ kɛmi li bee li kɛti li Krai Jiso-o nshɛ mɛɛŋ yi se naa yi bɛchi.

2 Timɔti 4:17

Se nuuŋ le, Taa tɛ̀ tuu leŋ lɛ mi-i jiŋ, nyɛ mi buŋga bu fenjisɛ ntoŋ wu dzeeŋ lu ŋge le bɛniiŋ bɛchu bɛ tɛ̀ nuuŋ yɛ Bɛjuu kɛ woo ntoŋ wulu. Nɛɛlɛ, tɛ̀ soo mi lɛ kimfimɛ ki buri-i.

Taato 1:2

be ni be bichi limfwe li ntsɛ wu kimakɛ-ɛ. Ntsɛ wuni nuuŋ wu Nyɔ yi ti yɛŋgi yɛ binsɛɛ kɛ tɛ kaachɛ nshɛ mɛɛŋ yi se naa yi bɛchi.

1 Pita 1:20

Nyɔ tɛ̀ tsaa wu nshɛ mɛɛŋ yi se naa yi bɛchi, yi doonchɛ wu li jo yi kimɛrisɛ-ɛ yini kii beŋ.

Bifiee bi Jɔɔŋ lɛ 13:8

Bɛniiŋ bɛchu bɛ li kikoo ki nshɛ-ɛ tɛ̀ nyɛɛ n'yɔɔnchɛ wu nyɔŋa li yi-i. Bɛniiŋ bani nuuŋ wi kwikwi wu bɛ tɛ mɛɛŋ ki tsɛɛ kɛ bukooŋ bwee lɛ kiŋwaati-i nshɛ se bɛchi kɛ. Kiŋwaati kini se nuuŋ ki bukooŋ bu bɛniiŋ bɛ kɛmi ntsɛ nuuŋ le, nuuŋ kiŋwaati ki Ŋwanɛ Nshɔɔŋ wu bɛ tɛ̀ sɛɛ.

Bifiee bi Jɔɔŋ lɛ 14:6

Nse ntuu ndza ŋɛŋ nchindaa wu Nyɔ wumu si jiindi kiboo kintikinti. Tɛ̀ gii kɛmi ntoŋ wu dzeeŋ wu kimakɛ le laŋɛ li bɛniiŋ bɛ nuuŋ li nshɛ-ɛ bɛchu. Tɛ̀ gii nuuŋ le laŋɛ li tɛɛŋ chichi, bɛ li bitoŋ bichu-u, mɔɔ bɛniiŋ bɛ yeti mɔɔ nuuŋ jɛ́ yi la le, mɔɔ bɛniiŋ bɛ la le.

Bifiee bi Jɔɔŋ lɛ 17:8

Nyaŋ yi bɛndi yi yini, yi ɔ ŋɛŋ yini tɛ̀ nuuŋ lu, dɛɛni yani yi mɛɛŋ yɛ lu kɛ. Yi gii yi bo likwiiŋ fɛ kitoo ki shiiti ni wuuŋŋ kɛɛ, yi yɛɛ lɛwe yi gɛɛŋ fɛ bɛ gii bɛ lɛɛ yi fe. Kimfimɛ gii ki wondɛ bɛniiŋ bɛ nuuŋ li nshɛ-ɛ bɛ ti mɛɛŋ saa kɛ le be tsɛɛ mɛŋkooŋ mɛ bee lɛ kiŋwaati ki bɛniiŋ bɛ kɛmi ntsɛ-ɛ mbɛɛchɛ si nshɛ tɛ̀ bɛchi kɛ. Ki gii ki wondɛ be si be gii be ni be ŋiŋgi nyaŋ yini, kifɛ nyaŋ yini tɛ̀ nuuŋ lu, se nuuŋ le yi mɛɛŋ yɛ lu kɛ, yi mɛɛŋ yɛ se yi tuu yi bɛ kɛ.

Bifiee bi Jɔɔŋ lɛ 4:11

“Wɛ wu nuuŋ Taa, ɔ nuuŋ Nyɔ yisɛŋ, ɔ kɔchɛ le bɛ ni bɛ tendi bɛndee bo, bɛ nyɛɛ ŋguŋu li wɛ-ɛ, bɛ piɛti buŋga bwo, kifɛ ɛ wɛ wu tɛ̀ tɔŋ biee bichu, ɛ wɛ wu tɛ̀ kɔɔŋgi ɔ se tɔŋ bi, bi se nuuŋ lu.”