2 Timɔti 2:21 - Sari

²¹ Nɛɛ lɛ, ɛ wi wu buu tsáŋ yee fɛ biee bi kɛmi nimɛ chi lɔɔlɔɔ, kɛ gii ni nuuŋ si sho yi nuuŋ bɛ ni bɛ dzeti bɛ nindi nimɛ chi shaaŋ lɛ lu. Wɛ wi wu Nyɔ fɛ le ni nuuŋ wi we kituŋ. Wɛ wi wu tɛŋgi te kikoo we le ni dzeti wu nindi nimɛ chee chi dzeeŋ chichu lu.

2 Timɔti 2:21 Iomraidhean Croise

Kiŋwaati ki nimɛ-ɛ 9:15

Taa tuu li wuu le, “Gɛnɛ lɛ! Mi ntsaaɔ wi wulu kituŋ li wi wɛŋ wu nimɛ-ɛ, le ni tiifi bukooŋ bweŋ li bɛniiŋ bɛ nuuŋ yɛ Bɛjuu kɛ bɛ bɛmfɔŋ bɛ bee, mɔɔ li bɛniiŋ bɛ Isɛlɛɛ.

1 Kɔrɛŋ 5:7

Buu yɛɛŋ kishee ki nuuŋ ntsɛ wunɛ wu fichi li yi yinɛ, nɛ se to nuuŋ bɛniiŋ bɛ fɛŋ si musu mɛ bɛ mɛɛŋ ki gɛɛ kɛ kishee le kɛ, nuuŋ lɛ nɛ nuuŋ lɛ. Nɛ kɛɛ le Krai nuuŋ Ŋwanɛ Nshɔɔŋ wu Nyɔ tɛ̀ fɛ fintofi lu li tɛɛbeŋ nɛɛ si wu bɛ ti sɛɛti mfi wu Tsɔnɔ chi N'yafuwee.

2 Kɔrɛŋ 7:1

Nsáŋ yɛŋ yi shéŋ, si Nyɔ nyɛ yɛ bɛŋkaachɛ bani li bee li ni, tɛ tsootsɛ fiee fichu fi bifisi bee mɔɔ fiana yisɛŋ. Tɛ woo tɛ gɛɛŋ tɛ mɛɛshi si tɛ tsiiŋ li chɛnɛ chi Nyɔ-ɔ lɛ.

2 Kɔrɛŋ 9:8

Nyɔ nuuŋ yi nyɛ beŋ biee bichu fɛ bi nuuŋ ŋgɔɔkwe-e bi, le nɛ se kɛmɛ fiee fichu mfi kwi fi kɔchɛ li beŋ bɛchu-u, nɛ se tuu nɛ ni nɛ feti nimɛ chi dzeeŋ chichu bujɔŋ.

Ɛfishɛŋ 2:10

Fiee fi nuuŋ lu, fiɛɛ le si tɛ baa dɛɛni ni, ɛ Nyɔ yi niŋ bɛ tsaŋ yee. Yi taashɛ bee bɛ Krai Jiso yi fɛ bee tɛ nuuŋ bɛniiŋ bɛfɛ, le tɛ se ni tɛ nindi niŋ yi dzeeŋ yi tɛ̀ nachɛ mɛɛŋ lindɛɛri, le ɛ yi yi tɛ gii tɛ ni tɛ tsiiŋ tɛ nindi.

1 Timɔti 6:11

Li wɛ-ɛ Timɔti, ɔ wɛ fio wi wu Nyɔ. Kifi fio biee bini bichu. Ɔ ni ɔ bichi nuuŋ le ɔ kɛmɛ ntsɛ wu tsaaŋ mɔɔ ntsɛ wu Nyɔ wɛki. Ɔ ni ɔ kɛmi li kimbeenchɛ ko-o, ɔ kɛmi kiŋkɔŋgisɛ, ɔ kɛndi shéŋ, ɔ kɛmi tɛ ntsɛ wu mbɛɛŋgii.

2 Timɔti 2:16

Ɔ wɛti yi li tefɛ chi kɛmi yɛ fiee fi fɛrɛ bɛ Nyɔ kɛ, kifɛ tefɛ chilu gii chi fɛ bɛniiŋ ni be tsiiŋ ntsɛ wu nuuŋ yɛ wu Nyɔ wɛki kɛ be giiŋgi bɛ wu bulimfwee.

2 Timɔti 2:20

Li yih yi wi wu nyɔŋa-a, bɛtasa bɛ bɛke kɛ muka mu ti nuuŋ lu ti nuuŋ yɛ ɛ bɛ nachɛ bɛ bikwa bi gaa kɛ bi ncherere kwaa kɛ. Yimi ti nuuŋ ɛ bɛ nachɛ bɛ biti mɔɔ ɛ bɛ nachɛ bɛ chimɛ. Shó yini nuuŋ yimi kɛmi nimɛ chi shaaŋ, yimi se kɛmi nimɛ chi lɔɔlɔɔ.

2 Timɔti 3:17

le ke wi wu nuuŋ wi wu Nyɔ ni nuuŋ ɛ wu kɔchɛ, kɛmi fiee fichu fi fɛrɛ nimɛ chi dzeeŋ chichu lu.

2 Timɔti 4:11

Shɛɔ nɛɛ Luk wuu mbiiŋ wu wɛ tɛɛ wu. Mfi wuɔ bɛɛ, ɔ dzɔ Mak nɛɛ wu se bɛ. Nuuŋ ni fii mi li nimɛ-ɛ.

Taato 3:1

Ɔ kiimi bɛniiŋ bɛ kimbeenchɛ-ɛ le be ni be wuki li bɛniiŋ bɛ sɛki kwɛɛŋ li mɔɔ bɛ kɛmi buŋga lɛ bee lɛwe. Be ni be feti fiee fi be tiiti, be ni be nuuŋ ɛ be nachɛ yi li mfɛru fiee fichu fi nuuŋ bujɔɔŋ.

Taato 3:14

Bɛniiŋ bɛsɛŋ kɛmi tɛ le be laanchɛ nyɛ yi yibe li nimu nimɛ chi dzeeŋ li, le be se ni be fii li biee bi kɛmi le be ni be fii li. Kiiŋ be ni be nuuŋ yee kɛ.

Taato 3:8

Tefɛ chi ntiiti chini nuuŋ chi chɛɛŋ. Ŋgeendɔɔ le ɔ ni ɔ tiiti ɔ chiinsini biee bini li bɛniiŋ li, le bɛniiŋ bɛ beŋ li Nyɔ-ɔ se ŋɛŋ le be nyɛ yih yibe le be ni be feti biŋge bi dzeeŋ. Bini nuuŋ biee bi dzeeŋ ŋge, bi bɛɛ bɛ mbeŋ li bɛniiŋ bɛchu-u.

1 Pita 1:22

Si nɛ woo baa li chɛɛŋ li lɛ, chɛɛŋ wulu fetɔɔ fiana yinɛ wuuti le nɛ se kɛmɛ kiŋkɔŋgisɛ li bɛŋwaana ki chɛɛŋ, nɛ ni nɛ kɔŋgisi nɛɛ lɛ bɛ shéŋ yinɛ chi.

1 Pita 1:7

Wu bɛɛɔ le mɔnchɛ laa shéŋ yinɛ yi nɛ gɛɛ li Nyɔ-ɔ yɛɛ chɛɛŋ le. Mɔɔ kikwa ki bɛ feti kwa lu bɛ ti mendi ki bɛ wi, kikwa kini se nuuŋ fiee fi nuuŋ fi booŋ, kɛ nuuŋ bɛ mɔŋ nɛɛ tɛ shéŋ yinɛ yi nɛ gɛɛ li Nyɔ-ɔ, kifɛ yi nuuŋ fiee fi yɛki kikwa ki bɛ feti kwa lu. Bɛdɛɛni, naa nuuŋ jobɛ chi Jiso Krai doonchɛ yi yee, mpiaru, n'yɔɔnchɛ bɛ ŋguŋu ni nuuŋ li be-eŋ.

1 Jɔɔŋ 3:3

Fi se tuu fi nuuŋ le, wi kwikwi wu bichi limfwe li wuu kɛmi le ni tsootsi yi yee mfi kwi wuuti si ti wuuti.