1 Timɔti 5:20 - Sari

²⁰ Ɛ nuuŋ bamu baa bɛ ba be feti kiŋge ki bifi be giiŋgi bu limfwe, ɔ wamɛ be lɛ bɛniiŋ lii bɛchu, ke bamu baa se chɛŋ.

1 Timɔti 5:20 Iomraidhean Croise

Kiŋwaati ki nimɛ-ɛ 19:17

Bɛjuu bɛ Bɛgrik bɛchu bɛ tɛ̀ tsiiŋ Ɛfishɛŋ woo kii fiee filu, be chɛŋ. Bɛniiŋ se guundi bukooŋ bu Taa Jiso-o be giiŋgi limfwe.

Kiŋwaati ki nimɛ-ɛ 5:11

Kintutu ki bɛniiŋ bɛ kimbeenchɛ-ɛ kichu mɔɔ bɛniiŋ bɛchu bɛ tɛ̀ woo fiee filu chɛŋ ŋge.

Kiŋwaati ki nimɛ-ɛ 5:5

Mfwa mumkpaŋ si Ananiya tɛ̀ woo n'yɔru wuni lɛ, we fɛkwiiŋ kwi. Bɛniiŋ bɛchu bɛ tɛ̀ woo fiee filu tɛ̀ chɛŋ ŋge.

2 Kɔrɛŋ 7:11

Ŋɛŋ yɛɛŋ fiee fi nshiiŋ yi nuuŋ yi Nyɔ bɛ bɛ fi li be-eŋ. Ŋɛŋ yɛɛŋ si nɛ dzɔ baa biee bɛ shéŋ yinɛ chi. Ŋɛŋ yɛɛŋ tɛ si nɛ fɛ baa fiee fichu le fi doonchɛ le nɛ kɛmi yɛ tsaŋ fɛ fiee fi bifi filu kɛ. Ŋɛŋ yɛɛŋ tɛ si fiee filu tɔnyɛ beŋ. Ŋɛŋ yɛɛŋ chɛnɛ chi nɛ kɛmɛ. Ŋɛŋ yɛɛŋ ŋgeeŋ yi nyɔŋa yi nɛ kɛmi le nɛ ŋɛŋ mi. Ŋɛŋ yɛɛŋ ŋgeeŋ yi nɛ kɛmi le nɛ fɛ fiee fi tsaaŋ. Ŋɛŋ yɛɛŋ tɛ ŋwaani ŋgɛ wu nɛ nyɛ li wi wu tɛ̀ chɔ biee wɛ-ɛ. Li fiee fichu nɛ doonchɛ baa le nɛ kɛmi yɛ tsaŋ fɛ fiee filu kɛ dududu.

Ɛfishɛŋ 5:11

Kiiŋ nɛ ni nɛ lisi tsaŋ li biee bi kijibɛ-ɛ bi waniti kɛ. Nɛ busi yɛɛŋ bi fɛ waaŋ.

1 Timɔti 1:20

Li kintutu ki bee ɛ Imenayus bɛ Alɛkɛsanda. Mi nyɛɔ be li tsaŋ yi Sata-aŋ kituŋ, fi fiɛɛ le ɛ be kɛmɛ bufii, be chikɛ bɛ bukooŋ bu Nyɔ-ɔ bu be bifisi bwɛɛ.

2 Timɔti 4:2

ɔ fenjisi jɛ yi Nyɔ. Ɔ fenjisi nɛɛ ɔ giiŋgi bɛ yi, mɔɔ nuuŋ mfi wu tsaaŋ mɔɔ nuuŋ yɛ mfi wu tsaaŋ kɛ. Ɔ tɔchi bubiɛɛ bu bɛniiŋ lɛ, ɔ lekisi be, ɔ kaŋgisi shéŋ yibe bɛ mbɛɛŋgii mɔɔ ntiifɛ wa.

Taato 1:13

Tefɛ chi kii be chini chɛɛ nuuŋ chɛɛŋ. Bɛdɛɛni, ɔ gbɛŋgi ɔ tɔchi be gbanaa, ke be se kɛmɛ kimbeenchɛ ki tsaaŋ,

Taato 2:15

Bini nuuŋ biee bi ɔ kɛmi le ɔ ni ɔ tiifi bɛniiŋ bi. Ɔ kaŋgisi shéŋ yibe, ɔ lekisi be bɛ buŋga buchu bu ɔ kɛmi. Kiiŋ ɔ ni beŋ le wi ni jindi wɛ kɛ.