1 Jɔɔŋ 4:1 - Sari

¹ Nsáŋ yɛɛŋ yi shéŋ, ɛ wi kweŋgi le fiee fi tiiti dzɛti fɛ Fiana yi Nyɔ-ɔ, kiiŋ nɛ ni beŋ kɛ. Mɔnɛ yɛɛŋ fiana yilu nɛ ŋɛŋ laa yi buti fɛ Nyɔ-ɔ le. Ntiiti ni kifɛ bɛniiŋ bɛ yɛŋgi le be baa bɛntomfɔŋ bɛ Nyɔ-ɔ bo baa be gɛɛŋ li nshɛ yini ŋge.

1 Jɔɔŋ 4:1 Iomraidhean Croise

Ntoŋ wu dzeeŋ wu kii Jiso si Mak tɛ̀ tsɛɛ 13:21

Ɛ wi tee li be-eŋ li jo yilu-u le, ‘Bichɛ yɛɛŋ nɛ ŋɛŋ, Kinsofu ki Nyɔ tɛ̀ kaachɛ kɛɛ fɛni!’ Mɔɔ nuuŋ le, ‘Ŋɛŋ yɛɛŋ wuu wu fɛ fiiyɛ!’ Kiiŋ nɛ ni beŋ kɛ.

Ntoŋ wu dzeeŋ wu kii Jiso si Luk tɛ̀ tsɛɛ 12:57

Nuuŋ nɛ tɛ beechɛ fiee fi tsaaŋ fi nuuŋ nɛ ni nɛ sɛki ni?

Ntoŋ wu dzeeŋ wu kii Jiso si Luk tɛ̀ tsɛɛ 21:8

Jiso tuu le, “Dzɔɔ yɛɛŋ mfi le kiiŋ wi ni yɛɛŋ bɛ beŋ le nɛ taŋ dze kɛ. Bɛniiŋ gii be bɛ ŋge, be dzɔɔ bukooŋ bweŋ be tɛɛki fɛ lii, be ni be kweŋgi le, ‘Ɛ mi Kinsofu!’ Mfi wulu bɛɛɔ tsɛkɛtsɛkɛ. Ɛ be kweŋgi lɛ, kiiŋ nɛ ni yikɛ kɛ.

Kiŋwaati ki nimɛ-ɛ 17:11

Bɛjuu bɛ fe tɛ̀ nuuŋ bɛniiŋ bɛ kii biee be yɛki bɛ Tɛsalonya, kifɛ be tɛ̀ bɔsɛyi be fi ntiifɛ bɛ kiŋkɔŋgisɛ, be se tɛɛti Kiŋwaati ki Nyɔ-ɔ jo chichi le be ŋɛŋ laa biee bi Pɔɔ tiifi be bini nuuŋ bi chɛɛŋ le.

Kiŋwaati ki nimɛ-ɛ 20:29

Ŋkiiɔ le mfi wu mi ntsɔɔ bikaa li be-eŋ, bɛmbɔɔŋku bɛ tɛɛmi gii be lɛ li kintutu kinɛ-ɛ linti, be tɛ̀ tsaa wi wu be gii be kɔɔ kɛ.

1 Kɔrɛŋ 12:10

Yi ti nyɛɛ wi wumu nya le ni feti biee bi bintɛwa, yi nyɛ li wi wumu le ni tiiti bɛntoŋ bɛ Nyɔ-ɔ, yi nyɛ wi wumu nuuŋ bufii le ni kii chichi chichi wu biee bi dzɛti fɛ Fiana yi Nyɔ-ɔ bɛ bi dzɛti yɛ fɛ Fiana yi Nyɔ-ɔ kɛ, yi nyɛ wi wumu nuuŋ buŋga bu yɔrɛ jɛ́ yi bɛ kii yɛ kɛ, yi nyɛ wi wumu nuuŋ naanyɛ wu biee bi wi wulu tiiti, li bɛniiŋ li.

1 Kɔrɛŋ 14:29

Ɛ bɛntomfɔŋ bɛ Nyɔ-ɔ nuuŋ lu, bɛfɛ kɛ bɛtɛɛtu be yɔ li bɛniiŋ li. Ɛ be yetɔɔ, bamu bichi lɛ fiee fi be yeti bujɔŋ.

1 Tɛsalonika 5:20

Kiiŋ nɛ ni nɛ dzeti bɛntoŋ bɛ Nyɔ-ɔ bɛ bɛniiŋ laŋini li be-eŋ li kitɛ-ɛ kɛ.

1 Tɛsalonika 5:21

Nɛ tɛɛti biee bichu, nɛ dzeti bi dzeeŋ nɛ lemi li bi-i,

2 Tɛsalonika 2:2

kiiŋ nɛ ni dza bufii taa bu shaanshɛ tɛ li beŋ tsɛkɛ, le nɛ dza nɛ ni nɛ yɛyini le nɛ woo baa n'yɔru wumu wu dzɛti li tsaŋ yi Fiana yi Waaŋ li, kɛ le tɛ yɔ baa, kɛ le tɛ tsɛɛ baa kiŋwaati le jobɛ chi mbɛ-ɛ chi Taa lɛ bɛ chɛɛ kituŋ kɛ.

1 Timɔti 4:1

Fiana yi Waaŋ tiiti yɛɛ le gii ni nuuŋ mfi wumu, bɛniiŋ bamu gii naa be chinɛ li kimbeenchɛ-ɛ be ni be wuki biee nuuŋ bi fiana yi yɛŋgi bɛ bɛniiŋ mɔɔ bɛntiifɛ bɛ bɛnchindaa bɛ kiŋkundi-i.

2 Timɔti 3:13

Bɛniiŋ bɛ cheti biee bɛ bɛniiŋ bɛ nimi-i, kiŋge kibee gii naa ki fɔ ki ni ki giiŋgi tɛ si be yɛŋgi bɛ bɛniiŋ bamu be yɛŋgi tɛ bɛ yi yibe.

2 Pita 2:1

Nɛɛ yɛɛŋ si, bɛniiŋ bamu tɛ̀ dza ŋkosi be busɛ li bɛniiŋ li linti be yɛŋgi le ɛ be bɛntomfɔŋ bɛ Nyɔ-ɔ, ɛ nɛɛ lɛ si bɛniiŋ bɛ ntiifɛ-ɛ bɛ binsɛɛ lɛ gii be ni be nuuŋ lɛ be-eŋ lɛnti. Be gii be ni be wɛɛndi be bɛɛ bɛ bɛntiifɛ bamu bɛ nuuŋ bɛ biifi bɛniiŋ, be se ni be feŋgi Te Kikoo wu tɛ̀ kwi le sooŋ be. Be gii be fɛ lɛ be bɛ bɛ ŋgɛ mfwaa mumkpaŋ be lɔŋ li yi yibee.

1 Jɔɔŋ 2:18

Bɔɔŋ beŋ, mfi wuni wɛ wu kimɛrisɛ kituŋ. Si nɛ tɛ̀ woo le wi wu mbani wu Krai gii naa bɛ, dɛɛni yani bɛniiŋ bɛ mbani-i bɛ Krai bɛ baa weseeŋ kituŋ. Fiɛɛ fiee fi fɛ tɛ̀ se kɛɛ le wuni nuuŋ mfi wu kimɛrisɛ.

1 Jɔɔŋ 2:7

Nsáŋ yɛɛŋ yi shéŋ, nchi wu ntsɛki li be-eŋ wuni nuuŋ yɛ nchi wu fwɛŋ kɛ. Ɛ nchi wu fichi wu nɛ tɛ̀ kɛmɛ mɛɛŋ fɛmbɛɛchɛ-ɛ. Nchi wu fichi wuni ɛ ntoŋ wu nɛ woo baa kituŋ.

2 Jɔɔŋ 1:7

Bɛniiŋ bɛ binsɛɛ lɛ ŋge bo baa be gɛɛŋ li nshɛ yini-i kituŋ, be nuuŋ yɛ bɛniiŋ bɛ ti beenchi le Jiso Krai tɛ̀ bɛ laaŋkwiiŋ si wiwoŋ kɛ. Baa bɛniiŋ nuuŋ bɛ wi wu binsɛɛ lɛ wu nuuŋ tɛ wi wu mbani wu Krai.

3 Jɔɔŋ 1:11

Sinɛŋ wu shéŋ, kiiŋ ɔ ni ɔ biki fiee fi bifi kɛ. Ɔ biki nuuŋ fiee fi dzeeŋ. Wi wu feti fiee fi dzeeŋ nuuŋ wi wu Nyɔ, wi wu feti fiee fi bifi nuuŋ wi wu mɛɛŋ ki kɛɛ kɛ Nyɔ kɛ.

Bifiee bi Jɔɔŋ lɛ 2:2

Ŋkiiɔ kiŋge kinɛ bɛ si nɛ nindi nɛ liŋgisi, ŋkiiɔ tɛ shéŋ yi nɛ kɛndi bɛ si nuuŋ nɛ tɛ beŋ fiee fi bɛniiŋ bɛ bifi bɛɛ bɛ fi kɛ. Nɛ mɔŋ baa kituŋ bɛniiŋ bɛ ti teenyi yi yibe le ɛ be bɔɔŋ bɛ nto-oŋ bɛ Jiso-o be se nuuŋ yɛ mɔɔ kɛ, nɛ ŋɛŋ baa le be baa bɛniiŋ bɛ binsɛɛ lɛ.