Jems 5:6 - Godɨn Akar Aghuim; Akar Dɨkɨrɨzir Gavgavir Igiam

⁶ Ia gumazir aghuibar kotim gamigha egha me mɨsoghezɨma me ariaghɨre. Ezɨ me ian gavgavim munamadir puvatɨ, egha ia ikarvagha ia mɨsoghezir puvatɨ.

Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ia gumazamizir aghuibar kotim gamigha me mɨsoghezɨ me ariaghire. Ezɨ me ian gavgavim munamadir puvatɨgha, ia ikarvagha ia mɨsoghezir puvatɨ.

Jems 5:6 Iomraidhean Croise

Matyu 21:38

Puvatɨ, gumazir kaba otarimɨn gari, a izima, me uarira uariv gei, ‘Gumazir kam izɨva uan afeziamɨn biziba bar da inigham. Aria. E a mɨsueghtɨ, an aremegham. Eghtɨ e uari bagh wainɨn azenim iniam.’

Matyu 27:20

Ezɨ ofa gamir gumazir ekiaba koma Judabar gumazir dapaniba, gumazamizir avɨrimɨn navibagh iniva ghaze, me Pailatɨn azangtɨ, a Barabas ategh, egh Iesus mɨsueghtɨ, an aremegham.

Matyu 5:39

Ezɨ kɨ kamaghɨn ia mɨgei, gumazim arazir kuratam ia damightɨma, ia a ikarvaghan markɨ. Egh gumazitam ian koviatam apezeghtɨ, ia koviar vuem sara a danɨngigh.

Aposel 22:14

“Ezɨma Ananaias na mɨgei, ‘En ovavibar God uan nɨghnɨzim gɨfoghasa nɨ ginaba. Nɨ Gumazir arazir aghuibagh amir kamɨn ganɨva, an akamɨn otivir mɨgɨrɨgɨaba baragh.

Aposel 7:52

Ian inaziba osɨmtɨziba Godɨn akam inigha izir gumaziba bar moghɨra me garɨki. Ezɨ me fomɨra Godɨn damazimɨn derazir gumazimɨn izirimɨn gun mɨgeima, ian inaziba me mɨsozi me ariaghɨre. Egha datɨrɨghɨn ia a isa gumazir kurabar dafaribagh atɨgha egha a mɨsoghezɨ an areme.

Aposel 8:32

Itiopian gumazim Godɨn Akɨnafarimɨn itir akar kabar gari, “A mati sipsipɨn mɨn me a mɨsoghasava, a inigha ghu. Sipsipɨn nguziba, me dar arɨziba aghorasava amima da pura nɨmɨra iti. Kamaghɨra gumazir kam, me a mɨsoghasava amima, a pura nɨmɨra ikia bizitam mɨgeir puvatɨ. Ezɨ me bar a dɨkabɨragha, egha deraghavɨra an kotiam gamizir puvatɨ. Kamaghɨn amizɨma, a boriba puvatɨ, ezɨ tina an gun me geghanam? Me an ikɨrɨmɨrim a gɨvazɨma, ezɨma a ua nguazimɨn itir puvatɨ.”

Hibru 10:38

Ezɨ nan damazimɨn derazir gumaziba, me nɨghnɨzir gavgavim nan ikɨ, kamaghɨn me angamra ikɨvɨra ikiam. Eghtɨ men tav uan nɨghnɨzir gavgavim ategh akɨrim ragh na gasaraghtɨ, eghtɨ kɨ a gakueghan kogham.”

Jems 2:6

Ezɨ ia akar aghumsɨziba onganarazibagh anɨdi. Ia nɨghnɨgh! Tina ia dɨkabɨra egha osɨmtɨziba ia garɨsi, egha ia mɨkɨrvagha kotiabar zui? Kar gumazir dagɨaba bar izɨvaziba arazir kabagh ami.

Jems 4:2

Ia biziba iniasa bar ifonge, egha ia da isir puvatɨ. Kamaghɨn amizɨma ia gumazibav sozima da ariaghɨri. Ia biziba iniasa dagh agoava, egha ia da isir puvatɨ. Egha ia puv atara mɨsosi. Ia biziba iniasa ia God ko mɨgeir puvatɨ, ezɨ bizir kam bagha ia da isir puvatɨ.

1 Pita 4:18

Godɨn Akɨnafarim ghaze, “Godɨn damazimɨn derazir gumaziba osɨmtɨziba sara zuima, God abuan men akurvasi. Eghtɨ Godɨn aghuagha arazir kurabagh amiba, me bar ikuvigham.”