Nehemia 9:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Gumazamiziba kamaghɨn God ko mɨgɨa ghaze: “Nɨ uabɨra nɨ Ikiavɨra Itir God. Nɨ overiam ko mɨkoveziba ko nguazim ko ongarim ko bizir bar adar itiba, nɨ bar dar ingari. Nɨ angamɨra itir ikɨrɨmɨrim bar dagh anɨngi. Nɨn Nguibamɨn itir enselba iteviba apɨra nɨn ziam fe.

Nehemia 9:6 Iomraidhean Croise

Jenesis 1:1

Bar faraghavɨra God overiam ko nguazimɨn ingarigha aningɨn itir biziba bar dagh amizɨma, da otifi.

Jenesis 1:9

Egha gɨn God kamaghɨn mɨgei, “Dɨpar overiamɨn apengan itim sɨvagh mangɨ danganir vamɨran uabɨ akuvaghtɨ, nguazir mɨsɨngizim otogh.” Ezɨ nguazir mɨsɨngizim oto.

Jenesis 2:1

Ezɨ arazir kamra, God overiam ko nguazim ko aningɨn itir bizir avɨribar ingari.

Jenesis 32:2

A men ganigha ghaze, “Ame. Danganir kam kar Godɨn danganim!” Egha danganir kam ziam, “Mahanaim,” a gatɨ.

1 Atriviba 22:19

Ezɨ Mikaia ua kamaghɨn mɨgei, “Nɨ datɨrɨghɨn deragh kuarim atɨgh oraghtɨ, kɨ Ikiavɨra Itir God nan akazir bizibar nɨ mɨkɨmam. Kɨ garima, Ikiavɨra Itir God uan Nguibamɨn uan atrivir dabirabim gaperaghav iti, ezɨ an enselba bar an okarigha tuivigha iti.

1 Atriviba 8:27

“O God, guizbangɨra nɨ ti izɨ nguazir kamɨn ikiam o? E fo, overiar bar pɨn itim a bar ekefe, ezɨ nɨ an ikiamin danganiba ti puvatɨghama! Eghtɨ dɨpenir kɨ nɨ bagha ingarizir kam, a manmaghɨn nɨn tughatɨgham?

2 Atriviba 19:15

Egha Hesekia kamaghɨn Ikiavɨra Itir God ko mɨgei, “O Ikiavɨra Itir Godɨn Gavgaviba Bar Itim, nɨ Israelian God, nɨ enselɨn bar gavgavibagh afiragha bar pɨn uan atrivir dabirabim gaperaghav iti. Ezɨ nɨn gavgavim enselɨn bar gavgavibar gavgavim gafira. Nɨrara, nɨ guizbangɨra God, nɨ nguazir kamɨn kantribar gumazamiziba bar me gativagha men gari. Nɨrara, overiam ko nguazimɨn ingari.

2 Atriviba 19:19

O Ikiavɨra Itir God, nɨ en God, nɨ datɨrɨghɨn en akuragh, Senakeripɨn dafarimɨn uam en inigh. Eghtɨ nguazir kamɨn kantribar gumazamiziba bar kamaghɨn ganigh fogh suam, nɨrara nɨ Ikiavɨra Itir God.”

Nehemia 9:5

Livain marasi, men ziabar kara: Jesua, Katmiel, Bani, Hasapnea, Serebia, Hodia, Sebania, ko Petahia, me Ikiavɨra Itir God ko mɨkɨmasa gumazamizibav gɨa ghaze, “Ia dɨkavigh Godɨn ziam fɨ, a ian Ikiavɨra Itir God, e zurara an ziam fɨ mamaghɨra ikiam.”

Onger Akaba 102:25

Nɨ bar faraghavɨra nguazir kamɨn ingari, ezɨ a gavgavigha ikiavɨra iti. Nɨ uan dafarimningɨn, overiam ko bizir pɨn itibar ingari.

Onger Akaba 103:21

Ia Godɨn Nguibamɨn itir mɨdorozir enselba, ia an ingangarir enselɨn an ifongiamɨn gɨn zuiba, ia bar Ikiavɨra Itir Godɨn ziam fam.

Onger Akaba 115:15

Guizbangɨra, Ikiavɨra Itir Godɨn overiam ko nguazimɨn ingarizim, a bar deravɨra ia damu.

Onger Akaba 124:8

Bar guizbangɨra, Ikiavɨra Itir Godɨn overiam ko nguazimɨn ingarizim, a uabɨra en akurvasi.

Onger Akaba 146:6

God, overiam ko nguazim, ko ongarimɨn ingarigha, dar itir biziba bar dar ingari. God dughiabar zurara bizir a gun mɨkemegha gɨvazibar gɨn ghua dagh ami.

Onger Akaba 24:10

Atrivir Gavgavir Bar Ekiam Itir kam, a tinara? Ikiavɨra Itir Godɨn Gavgaviba Bar Itim, a guizbangɨra Atrivir Gavgavir Bar Ekiam! (Ighiam gamua an suiam atugha avughsegha ua ighiam gami.)

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Onger Akaba 36:6

Nɨn arazir aghuim bar ekevegha mɨghsɨar ekiabar mɨn tughav iti. Nɨn kotɨn aven itir arazimɨn mɨngarim, e deragha a gɨfozir puvatɨ. An ongarimɨn mɨn bar konegha vɨn mar iraghu. O Ikiavɨra Itir God, nɨ gumazamiziba ko asɨziba vɨrara deravɨra me geghuva men gari.

Onger Akaba 86:10

Nɨ bar uabɨra mirakelɨn bar aghuibagh ami, Nɨ uabɨra God.

Aisaia 37:20

O Ikiavɨra Itir God, nɨ en God, nɨ datɨrɨghɨn en akuragh Senakeripɨn dafarimɨn uam en inigh. Eghtɨ nguazir kamɨn kantribar gumazamiziba bar kamagh ganigh fogh suam, nɨrara nɨ Ikiavɨra Itir God.”

Aisaia 43:10

Ikiavɨra Itir God ghaze, “Israelia, ia na ko ikia uan damazibar nan gara na gɨfo, egh ia kotɨn aven nan gun mɨkɨm. Ia nan ingangarir gumazamizibar otivasa, kɨ ua baghavɨra ia amɨsefe. Kɨ ghaze, ia na gɨfogh nɨghnɨzir gavgavim nan ikɨ, deragh na gɨfogh suam, kɨ bar uabɨra kɨ guizbangɨra God. Fomɨra godɨn tam nan faragha ikezir puvatɨ, egh godɨn tam uam otogh nan danganim inighan kogham.

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Aisaia 44:8

Nan gumazamiziba, ia nɨgh akongɨva atiatingan markɨ. Bizir otivamin kaba, kɨ fomɨra dar gun ia mɨkemegha gɨfa. Ezɨ ia uan damazibar dar ganigha na gɨfo, egh kotɨn aven ia nan gun mɨkɨm. Godɨn tam ua itir puvatɨ! Bar puvatɨ. Kɨ uabɨra kɨ ian dagɨar ekiamɨn mɨn itima, ia nan aven uari modi. Kɨ bizir kam bar a gɨfo, a bar guizbangɨra!

Aisaia 45:12

Kɨrara, kɨ nguazimɨn ingarigha, nguazir kamɨn itir gumazamizibar ingarizɨ, me an iti. Kɨ uan gavgavimɨn overiamɨn ingarigha pɨn anetɨzɨ, a iti. Kɨrara, kɨ aruem ko iakɨnim ko mɨkovezibagh ativagha dar gari.

Jeremaia 32:17

“O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.

Esekiel 20:11

Kɨ uan arazir kɨ ifongeziba, kɨ da isa me ganɨga, bizir kɨ damuasa me mɨkemeziba, men sure gami. Men tina Akar Gavgaviba baragha dar gɨntɨsi, me deravɨra ikiam.

Jona 1:9

Ezɨ a men akam ikaragha ghaze, “Kɨ Hibruian gumazir mam, egha kɨ Godɨn ziam fer gumazim. A Godɨn uan Nguibamɨn itim, an ongarim ko nguazimɨn ingari.”

Jon Osirizir Akar Aghuim 10:30

Ezɨ kɨ uan Afeziam ko, ga gumazir vamɨran mɨn iti.”

Aposel 4:24

Ezɨ me kamaghɨn oregha uari akuvagha God ko mɨgei. Me kamaghɨn mɨgei, “En Ekiar en garim, nɨ overiam ko nguazimɨn ingarigha, ongarim sara ingari, egha dar itir biziba sara, bar dar ingari.

Godɨn Araziba 10:14

Ia oragh, overiar bar pɨn itim, a Ikiavɨra Itir God nanam. Ezɨ nguazim ko an itir biziba da uaghan an bizibara.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Godɨn Araziba 6:4

“O Israelia, ia deravɨram oragh. Ikiavɨra Itir God, a bar uabɨra en God. Eghtɨ ia bar uan navir averiaba ko uan duaba ko uan gavgaviba sara bar a gifongegh.

Hibru 1:3

Ezɨ Otarir kamra Godɨn angazangarim en akagha ghaze, God a bar dera. Egha uaghan a Godɨn mɨrara gari. An akam bar gavgafi, egha akar kamra a bar bizibagh amima, da gavgavighavɨra iti. Egha an arazir kuraba gɨn amadir ingangarim agɨvagha, gumazamizibagh amima me zuegha iti. Egha a gɨn Godɨn Nguibamɨn ghuavanabogha Pɨn Tir Atrivir Ekiamɨn agharir guvimɨn boroghɨn apera.

Hibru 1:6

Egha dughiar God ua uan Otarir ivariam nguazir kamɨn anemangasa uaghan ghaze: “Godɨn enselba bar an apengan ikɨva an ziam fam.”

Akar Mogomem 14:7

Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”