Nehemia 5:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kɨ osɨmtɨzir kam akɨrasa bar deravɨra nɨghnɨsi. Kɨ fo, gumazir dapaniba ko ingangaribar garir gumaziba, osɨmtɨzir kam gami. Egha kɨ kamaghɨn me mɨgɨa ghaze, “Ian aveghbuaba ian dagɨaba ikarvazir dughiamɨn, ia me da dagɨar ekiabara isi.” Kamaghɨn kɨ osɨmtɨzir kam akɨrasa gumazamiziba, bar men diazɨ me iza uari akufa.

Nehemia 5:7 Iomraidhean Croise

Onger Akaba 109:11

Nan apanir kam gumazitabar bizitaba inigh egh da ikaraghan koghtɨ, kɨ kamaghsua, me izɨ uan biziba ikarvagh an nguazim inigh. Eghtɨ nguibar igharazibar gumaziba izɨ bizir a ingangarim gamua ivezeziba bar ada da inigham.

Onger Akaba 15:1

O Ikiavɨra Itir God, tinara nɨn Dɨpenimɨn ikiam? Tinara mɨghsɨar nɨ ua bagha inabazim dapiam?

Onger Akaba 15:5

Gumazir kam uan dagɨaba amadima, gumazir igharaziba pura da ini, egha me ua da ikarvazir dughiamɨn, a dagh isɨn ua dagɨataba isir puvatɨ. Gumazir arazir kuratam gamizir puvatɨzitam kotɨn tughɨv ikɨtɨ, gumazitam kotiam gifarɨsɨ anepezeper dagɨaba a danɨngtɨ, a dagɨar kaba inian markɨ. Gumazir kamaghɨn amim, a tugh gavgavigh irɨghan kogham.

Onger Akaba 27:8

O Ikiavɨra Itir God, nɨ kamagh na mɨgɨa ghaze, “Nɨ bar na nan boroghɨra izɨ na baghavɨra ikɨ na gɨfofoghsɨ nan azangsɨgh.” Eghtɨ kɨ nɨ ko ikɨsɨ bar nɨn boroghɨra mangam.

Onger Akaba 4:4

Ia atar uari bagh gan, egh arazir kuratam damuan markɨ. Ia uan mɨsiabagh ireghɨv ikɨ, mɨgɨrɨgɨar kam gɨnɨghnɨgh uan akabar kumigh. (Ighiam gamua an suiam atugha avughsegha ua ighiam gami.)

Onger Akaba 94:16

Tinara nan akuragha gumazamizir kuraba dɨkabɨra? Tinara nan akuragha arazir kurabagh ami da otivir gumazamiziba batoke?

Ua Me Ini 22:24

Egh kɨ navim ikuvigh, gumazir kurabar amightɨ, me izɨ ia mɨsoghtɨ, ia arɨmɨghiregham. Kamaghɨn, ia uaghan amuiba paba puvatɨgham, eghtɨ ian boriba afeziaba puvatɨgham.

Ua Me Ini 22:25

“Nan gumazamizir dagɨaba ko biziba bar puvatɨziba, men tav ia da dagɨataba inightɨ ia me danɨng nɨghnɨgh suam, a gɨn ua ia ikarvagham. Ia gumazir dagɨar ingangaribagh amibar mɨn, gumazir kaba da, dagɨar kaba ua da iniva, dagɨataba uam a gisɨn darɨghan markɨ, Bar markɨ.

Aghuzir Akaba 27:5

Nɨ azenara gumazimɨn arazir kuram bagh a mɨgei, a dera. Arazir kam a nɨ modogha gumazim gifongezim arazim gafira.

Aghuzir Akaba 28:4

Gumazamiziba akɨrim ragha Godɨn Akar Gavgavibagh asara, me gumazir arazir kurabagh amibar ziaba fe. Ezɨ gumazamizir Godɨn Akar Gavgavibar gɨn zuiba, me gumazir kuraba pamten me dɨkabɨri.

Esekiel 22:12

Ezɨ ian gumazamizir maba, iveziba isa ghua igharaz daraziv suagharɨsi. Ezɨ marasi, uan namakabar dagɨaba pura da inigha ua da ikarvaghsɨ an dagɨar an anɨngizim gisɨn ua dagɨaba ini. Ezɨ marasi, uan namakar gumazibagh ifara me gami me atiatima, me me da dagɨaba isa bizir avɨriba iti. Ia bar na gɨn amadagha na gɨnɨghnɨzir puvatɨ. Kɨ Ikiavɨra Itir Godɨn Ekiam, kɨ kamaghɨn mɨkeme.

Esekiel 45:9

“Kɨ Ikiavɨra Itir Godɨn Ekiam, kɨ kamaghɨn mɨgei: Ia Israelian atriviba, ia bar dughiar ruarimɨn arazir kurabagh ami! Ia kuaba kurir arazim ko igharaz darazi abɨrir arazim atakigh. Bizir manam dera ia damu. Ia uamategh nan gumazamiziba, men nguazim me dama a inisɨ, me batoghan markɨ. Kɨ Ikiavɨra Itir Godɨn Ekiam, kɨ kamaghɨn ia mɨgei.”

Ofa Gami 19:15

“Ia kotiam barazir dughiamɨn, ia deraghvɨra kotiam tuisɨgh. Egh ia deraghvɨra kotiam akɨrigh. Ia onganarazir gumazamizibar akurvaghan markɨ, me kotiam puram a gafiragham. Egh ia gumazamizir ziaba ko gavgaviba itibar atiating men akurvaghtɨ, me pura kotiam gafiraghan markɨ.

Ofa Gami 25:36

Egh a pura ia da dagɨaba inigh, egh ua dagɨar iniziba ikarvaghsɨ, ia ua dagɨatam dagh isɨn darɨghan markɨ. Eghtɨ a daghebagh iveztɨ, ia ua dagɨataba daghebar ivezim gisɨn darɨghan markɨ. Ia Godram atiating, egh uan namakaba ateghtɨ me ian tongɨn ikɨ.

Matyu 18:17

Egh gumazir nɨ mɨgeir kam uaghan men akam baraghan aghuaghtɨma, nɨ an arazibar gun Siosɨn adaraziv kɨmam. Eghtɨ a uaghan me baraghan aghuaghtɨ, nɨ God gɨfozir puvatɨzir gumazim o dagɨaba isir gumazimɨn mɨn a damu.

2 Korin 5:16

Kamaghɨn amizɨ, e datɨrɨghɨn ua navir ghurimɨn arazimɨn gɨn ghua gumazamizibar araziba tuisɨzir puvatɨ. Guizbangɨra, e faragha navir ghurimɨn arazimɨn gɨn ghua Kraisɨn araziba tuisɨki. Egha datɨrɨghɨn ua kamaghɨn amir puvatɨ.

Galesia 2:11

Dughiar mam Pita Antioghɨn nguibar ekiamɨn izegha, Kantrin Igharazibar Gumazamiziba koma api. Ezɨ gɨn nɨghnɨzir gavgavim Iesusɨn itir Judan marazi me Jems ko ikegha uaghan Antioghɨn ize. Me izezɨ, Pita kamaghɨn nɨghnɨsi, kɨ Kantrin Igharazibar Gumazamiziba ko ikɨ damɨtɨ, Judaba me mɨkarzir mogomebar iniba aghorezir darasi, me nan ataram. A kamaghɨn atiatigha, Judan izezir darazigh ifara, egha Kantrin Igharazibar Gumazamiziba me ategha saghon ikiasa. Egha a Kantrin Igharazibar Gumazamiziba koma uam apir puvatɨ. Egha Judabar gumaziba me koma api. An arazir kam gamizɨ, Judan Antioghɨn itir nɨghnɨzir gavgavim Iesusɨn itir darasi, me uaghan Kantrin Igharazibar Gumazamiziba ko ikɨ daman aghua. Me ifavarir arazir kam gamima, Barnabas uaghan men mɨn ami. Ezɨ gumazir kaba Pitan arazir ifavarimɨn gɨn zui. Ezɨ an arazir kurar kam azenim girɨzɨ me bar fo, an arazir kuram gami. Kamaghɨn amizɨ, kɨ Pitan arazir kurar kam bagha an guam gatɨgha an atari.

1 Timoti 5:20

Eghtɨ gumazamizir dapanitaba arazir kuram damightɨ, nɨ gumazamiziba bar men damazimɨn me akɨrigh. Eghtɨ kamaghɨn igharaz darazi me uaghan atiatingam.

Taitus 2:15

Kamaghɨn amizɨ, nɨ zurara akar kabara gumazamizibar sure damu. Egh nɨ akar kabar gɨn mangɨsɨ men naviba fɨ. Egh akaba batozir gumazamizibar arazir kuraba akɨrsɨ, me mɨkɨm. Nɨ akar kaba Godɨn gavgavim sara pamtem me mɨkɨm. Nɨ pura men gantɨ, me nɨn aghuagh nɨ iriaghɨriaghan markɨ.