Nehemia 4:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Egha dughiar kamɨn e ingangarir arazim gɨra. Egha kɨ ingangarir gumazibav gɨa ghaze, tarazi dɨvazimɨn ingartɨ, tarazi tugh apaniba bagh gan ikɨ. Egh apanibar ganamin gumazir kaba, afuziba ko oraba ko barir pibar suiragh, mɨdorozir korotiabar aghuigh. Ezɨ gumazir dapaniba deravɨra Judan gumazamizibar akurvasi.

Nehemia 4:16 Iomraidhean Croise

Nehemia 4:15

Ezɨ gɨn apaniba kamaghɨn oregha fo, me e damuamimɨn biziba e dagh fos. Egha me fo, God men tuavim apɨrizɨ me e gasɨghasɨghan kogham. Kamaghɨn amizɨ, e Judaba bar uamategha ghua, vaghvagha uan dɨvazimɨn ingangarim bagha ghue.

Nehemia 4:17

Ezɨ gumazir dɨvazimɨn ingariba, dɨvazimɨn ingara zuir biziba dafarir mamɨn dar suigha, egha dafarir vuemɨn mɨdorozir bizibar suiki.

Nehemia 4:23

E bar moghɨra kamaghɨn ami, dɨmagaribar e uan ingangarir korotiaba suer puvatɨ. Kɨ uan roroaba ko ingangarir gumaziba ko mɨdorozir gumazir zurara nan gɨn zuiba, en korotiaba en mɨkarzibara itima e akui. Dughiaba bar e uan mɨdorozir bizibar suighizɨ da en dafaribara iti.

Onger Akaba 101:6

Ezɨ gumazamizir nɨghnɨzir gavgavim Godɨn ikiavɨra itiba, kɨ me gifonge. Merara na ko nan dɨpenimɨn ikiam. Eghtɨ gumazamizir Godɨn damazimɨn deravɨra tuavir aghuimɨn zuiba, merara nan ingangaribar amuam.

Ua Me Ini 28:32

Egh ia korotiar kam torim a datɨgh, eghtɨ ofa gamir gumazim uan dapanim aghuam. Egh inir avɨzir muziarir tam isɨ torir kam mɨdorozir korotiam isamizɨ moghɨn a ighuigh a isamigh, eghtɨ an torimɨn apɨniba gavgavightɨ torim bigh ekevegh mangan kogham.

Solomon 3:8

Me fomɨra dughiar avɨribar mɨsoke. Egha me mɨdorozir sababar mɨsogha bar fo. Me bar moghɨra vaghvagha uan mɨdorozir sababa suiki. Me fo, apaniba dɨmagaribar iza me mɨsosi, kamaghɨn amizɨ, me deravɨra uari bagha gara iti.

Jeremaia 46:4

Ia hoziabar kɨr. Eghtɨ ia mɨdorozir gumazir hoziabagh apiaghira mɨsoziba, ia uan hoziabar apiagh. Ia uan mɨdorozir dapanir asuabar aghuigh, tuivigh mɨsoghsɨ gan ikɨ. Ia uan afuziba akɨrɨva, egh ia vaghvagh uan mɨdorozir korotiabar aghuigh.