Nehemia 3:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ Harimɨn otarim Malkia, ko Pahatmoapɨn otarim Hasup, gumazir maba ko dɨvazir nam Hatusɨn adarazir boroghɨn an ingari. Egha me uaghan Tauan Bretba Tuer Danganimɨn dɨvazimɨn ingari.

Nehemia 3:11 Iomraidhean Croise

Esra 10:31

Elieser, Isiya, Malkia, Semaia, Simeon, Benjamin, Maluk, ko Semaria. Kar Harimɨn ikɨzimɨn ovavir boriba.

Esra 8:4

Ezɨ Elioenai, a Serahian otarim egha Pahatmoapɨn ikɨzimɨn ovavir boribar mav. Ezɨ an adarazi 200plan gumaziba a ko ghue.

Nehemia 10:14

Livaibar gɨn gumazir dapaniba uan ziaba osiri. Men ziabar kara: Paros ko Pahatmoap, Elam, Satu, ko Bani. Buni, Asgat, ko Bebai, Adoniya, Bikvai, ko Adin, Ater, Hesekia, ko Asur, Hodia, Hasum, ko Besai, Harip, Anatot, ko Nebai, Makpias, Mesulam, ko Hesir, Mesesabel, Sadok, ko Jadua, Pelatia, Hanan, ko Anaia, Hosea, Hanania, ko Hasup, Halohes, Pilha, ko Sobek, Rehum, Hasapna, ko Masea, Ahiya, Hananɨn igharazim, ko Anan, Maluk, Harim ko Bana.

Nehemia 12:38

Ezɨ Livain okoruar igharazim God mɨnabaghasa, bɨzir ekiar igharazimɨn mɨn ghua, agharir kɨriamɨn amadaghan dɨvazimɨn pɨn itir voroghɨra zuir danganim gisɨn arua zuima, kɨ men gɨn zui. Ezɨ gumazamizir bɨzir ekiar igharazim nan gɨn ghua, Tauan Bretba Tuer Danganim gitagha ghua, Dɨvazir Nar Bar Ekiamɨn oto.

Nehemia 3:10

Ezɨ Harumapɨn otarim Jedaia, ko gumazir maba dɨvazir namɨn ingara an dɨpenimɨn boroghɨn oto. Ezɨ Hasapnean otarim Hatus, dɨvazir nam Jedaian adarazir boroghɨn an ingari.

Onger Akaba 48:12

Ia Israelia, ia bar izɨ Saionɨn nguibam avɨnizir dɨvazimɨn azenan daruva, an dɨpenir ruarir gumaziba ikɨ ganamiba meng.