Josua 8:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ezɨ Ikiavɨra Itir God kamaghɨn Josua mɨgei, “Nɨ atiating nɨghnɨzir avɨribar amuan markɨ. Kɨ Ain nguibar ekiamɨn atrivim ko, an gumazamiziba ko, an nguaziba ko, nguibar ekiam, isa nɨn dafarim gatɨgha gɨfa. Kamaghɨn, nɨ uan mɨdorozir gumaziba bar me inigh Ain mavanang.

Josua 8:1 Iomraidhean Croise

Josua 1:9

Kɨ Ikiavɨra Itir God, nɨn God, kɨ nɨ mɨkemegha gɨfa. Kamaghɨn amizɨ, nɨ mɨtɨgh gavgavigh atiatingan markɨ. Egh nɨ managh mangam, kɨ uaghan nɨ ko mangam.”

Godɨn Araziba 7:18

Puvatɨ, ia men atiatingan markɨ. Ia bizir Ikiavɨra Itir God, ian God, Isipɨn atrivim ko an gumazamizibagh amizibagh nɨghnɨgh.

Godɨn Araziba 1:21

Ia gan! Ikiavɨra Itir God, ian God nguazir kam isa ia ganigha gɨfa. Ia dɨkavigh mangɨ a inigh, mati Ikiavɨra Itir God, ian inazir afeziabar God, a ia mɨkemezɨ moghɨra, ia a dapiagh. Egh atiatingɨva okam nɨghnɨghan markɨ.’

Josua 6:2

Ezɨ Ikiavɨra Itir God, kamaghɨn Josua mɨgei, “Nɨ oragh. Kɨ Jerikon nguibam ko, an atrivim ko, an mɨdorozir gumazir gavgaviba, da isɨ nɨ danɨngam.

Godɨn Araziba 31:8

Ikiavɨra Itir God nɨ ko iti, egh a nɨn faragh mangam. An akɨrim ragh nɨ gasaragh, nɨ ateghtɨ nɨ ikuvighan kogham. Kamaghɨn amizɨ, nɨ nɨghnɨzir avɨribar amu atiatingan markɨ.”

Aisaia 43:2

Ia dɨpar konibagh irɨ mangɨtɨ, kɨ ia ko mangam. Ia faneba abɨgh vongɨn mangɨtɨ, da ia avan kogham. Eghtɨ ia avir ekiar puvɨra isimɨn aven mangɨtɨ, a ian isian kogham.

Matyu 8:26

Ezɨ a kamaghɨn me mɨgei, “Ian nɨghnɨzir gavgavim bar sufi. Ia tizim bagha atiati?” Egha a dɨkavigha amɨnim ko ongarim mɨgɨrɨgɨar gavgavim aning ganɨngizɨ, amɨnim gɨvazɨ, dɨpam uam amɨraghirɨ.

Daniel 4:35

A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Daniel 4:25

Nɨ gumazamizibar nguibam ategh, mangɨva asɨzir atiaba ko ikiam. Nɨ bulmakaubar mɨn dadabar amɨ, egh puram azenan dakuam. Eghtɨ dɨmagarimɨn ghuariar dɨpaba 7plan azenibar nɨ giram. Nɨ kamaghɨra ikɨ, mangɨ kamaghɨn fogham, Godɨn Bar Pɨn Itim bar gumazamizibagh atifa. Ezɨ a uabɨ uan ifongiamɨn, gumaziba mɨsevima me atrivibar otifi.

Daniel 2:21

Nɨ amozim ko aruemɨn dughiam gatifa, egha nɨ uabɨ gumazibagh inabi, da atrivibar otifi, egha nɨ men ingangaribar me a gefi. Egha fofozir aghuiba ko nɨghnɨzir aghuiba gumazibagh anɨdi.

Jeremaia 46:27

Ikiavɨra Itir God kamaghɨn mɨkeme: “Ia Israelia, ia Jekopɨn ovavir boriba, ia nan ingangarir gumazamiziba, ia atiatingɨva dɨgavir kuram damuan markɨ. Bar guizbangɨra, ia kantrin saghon itir kamɨn kalabusɨn iti. Eghtɨ kɨ ua ia inightɨ, ia ua uan nguazimra izegh, deraghvɨra dapiagham. Eghtɨ tarazi ua ia damutɨ ia atiatingan kogham.

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Onger Akaba 46:11

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Onger Akaba 44:3

En inazir afeziaba uan mɨdorozir sababar mɨdorozim gamua nguazir kam inizir puvatɨ. Me uan agharibar mɨsogha uan gavgavibar apaniba abɨrazir pu. Bar puvatɨ. Nɨ uabɨ me gifongegha me ko itima, nɨn angazangarimɨn gavgavim me gisirazɨ, me nɨn gavgavimra, uan apaniba abɨni.

Onger Akaba 27:1

Ikiavɨra Itir God, a nan angazangarim ko nan Akurvazir Gumazim. Ezɨ kɨ gumazitamɨn atiatingan kogham. Ikiavɨra Itir God, a dɨpenir gavgavimɨn mɨn na modogha na geghuva nan garima, kɨ atiatir puvatɨ.

Josua 7:9

Eghtɨ Kenanian gumaziba ko nguibar kamɨn itir gumazamiziba bar bizir kamɨn mɨgɨrɨgɨam baragham. Egh me ti e ekɨarugh bar e mɨsueghtɨ e arɨmɨghiregh, nguazir kamɨn ziaba ua puvatɨgham. Egh me ti nɨ dɨpova nɨn ziar ekiam abɨragham. Nɨ uan ziar ekiam bagh nɨghnigh bizir tizim damuam?”

Josua 10:7

Ezɨ Josua uan mɨdorozir gumaziba bar me akuvagha, deragha mɨsozir mɨdorozir gumazir aghuiba inigha, gumazir igharaziba sara inigha, me Gilgal ategha, Gibeonian akuragh mɨsoghasa zui.

Josua 10:8

Ezɨ Ikiavɨra Itir God, Josua mɨgɨa ghaze, “Nɨ men atiatingan markɨ, kɨ me isa ian agharim gatɨgha gɨfa. Men tav ia abɨraghan kogham.”

Jeremaia 49:3

“Ain nguibar ekiam ikuvigha gɨfa, kamagh amizɨ, Hesbonɨn nguibar ekiamɨn gumazamiziba, ia pamtemɨn azi. Ia Raban gumazamiziba, ia uaghan azi. Apaniba izɨ asem Milkom a inigh, mangɨ kantrin igharazimɨn kalabus datɨgham, egh an ofa gamir gumaziba ko Amonian gumazir dapaniba sara iniam. Kamaghɨn amizɨ, ia azirakar korotiar pɨzibar aghuigh, apangkuvir onger akaba bangɨ. Egh arɨ mangɨ uan dagher azenibar mongegh.

Godɨn Araziba 7:21

“Ikiavɨra Itir God, ian God, gavgavir bar ekiam ikia e ko iti. Kamaghɨn amizɨ, ia ikɨzir kabar atiatingan markɨ. A gavgavir bar ekiam iti, eghtɨ gumazamiziba bar an atiatingam.

Josua 2:24

Aning kamaghɨn Josua mɨgei, “Bar guizbangɨra, Ikiavɨra Itir God, nguazir kam bar e ganigha gɨfa. Gumazamizir an itiba bar en atiatigha aghariba men amɨra.”