Joel 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Joel 2:2 Iomraidhean Croise

Onger Akaba 10:6

A uabɨra uabɨ gɨnɨghnɨgha ghaze, kɨ tugha gavgafi. Bizitam bar na munamadaghan koghtɨ, kɨ osɨmtɨzitam batoghan kogham.

Onger Akaba 97:2

Overiar mɨgharir pɨziba an okarizɨ, an arazir aghuimɨn gumazamizibagh ativagha men gari.

Ua Me Ini 10:14

Egha odeziba bar avɨrasemegha iza Isipɨn danganiba bar da avara. Ezɨ fomɨra Isipia kamaghɨn odezir avɨrir okoruar kamaghɨn garir tabar ganizir puvatɨ, egh me gɨn ua dar ganighan kogham.

Ua Me Ini 10:6

Egh da nɨn dɨpenir ekiaba ko nɨn ingangarir gumazibar dɨpeniba ko nɨn gumazamizibar dɨpeniba bar dagh izɨvagham. Nɨn afeziaba ko inaziba, bizir kurar katam, fomɨra iza datɨrɨghɨn, an ganizir puvatɨ, bizir kam bar ikuvigham.’ ” Egha Moses atrivim mɨkemegha ua ragha azenan ghu.

Ua Me Ini 20:21

Egha gumazamiziba saghon tuivighavɨra itima, Moses uabɨra ghua God aven itir ghuariar pɨzimɨn boroghɨn zui.

Aisaia 5:30

Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Aisaia 8:22

vɨn nguazimɨn gan, egh me bar bizir aghuitamɨn ganighan kogham. Bar puvatɨ. Me osɨmtɨziba ko dughiar kuramra danganiba bar da gan ikiam, mati amɨnirbɨrim bar me avara. Egh me osɨmtɨzim gitavɨragh arɨmangamin tuaviba puvatɨgham.

Jeremaia 13:16

Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jeremaia 13:6

Ezɨ aruer avɨriba ghua gɨvazɨma, Ikiavɨra Itir God, ua kamaghɨn na mɨgei, “Nɨ dɨkavigh uamategh Peratɨn Fanemɨn mangɨ, egh kɨ nɨ mɨkemezɨ nɨ modozir nir kam uam a inigh.”

Esekiel 32:7

Kɨ nɨ gasɨghasɨghamin dughiamɨn, kɨ overiam avaragh mɨkovezibar angazangariba amungegham. Egh overiamɨn ghuariabar amightɨ da aruer angazangarim apazaghtɨ a isiraghan kogham. Eghtɨ iakɨnim uaghan isiraghan kogham.

Esekiel 34:12

Nan sipsipba tintinibar ghuegha, mɨtarmer ekiamɨn aven iti. Ezɨ kɨ gumazir dagh eghuvimɨn mɨn da akumakum da inigh izam.

Esekiel 38:9

Nɨ uan mɨdorozir gumaziba ko, kantrin igharazibar mɨdorozir gumaziba, ia nguazir kamɨn gumazamizir kabav soghsɨ mangam. Ia amozir ekiam ko ghuariam mɨtarmegha izi moghɨn, men nguazim avaragham.

Daniel 12:1

Ezɨ enselɨn korotiar ghurghurim aruzim, kamaghɨn mɨgei, “Dughiar kam otivam, enselɨn bar ekiam Maikel, kar Israelɨn gumazamizibar garir ensel, an otogham. Eghtɨ dughiar kamɨn osɨmtɨzir bar ekiam otivam. Egha fomɨra osɨmtɨzir kamaghɨn garitam nguazir kamɨn nguibatamɨn otozir puvatɨ. Ezɨ dughiar osɨmtɨzir kam otivamim, Israelian gumazamizir men ziaba Godɨn akɨnafarimɨn aven itiba God ua me iniam.

Daniel 9:12

Egha nɨ en gumazir dapaniba ko e damuasa mɨkemezɨ moghɨn, nɨ bizir kam gami. Egha nɨ Jerusalem puv a gamigha, bar pazavɨram a gasɨghasɨki. Jerusalem gasɨghasɨzir arazir kam, a nguazimɨn itir nguibar igharazibagh asɨghasɨzir arazim bar a gafira.

Joel 1:6

Odezir bɨzir ekiam, mati mɨdorozir gumazir bɨzir ekiam en kantri bar a noke. Da bar gavgavigha bar avɨraseme, ezɨ e da dɨponan ibura. Ezɨ dar atariba bar ghumi, mati laionɨn atariba. Egha mati laionɨn amebam uan atarir afuzibar asɨzibav sogha da aghoragharɨsi.

Joel 2:25

Kɨ uabɨ, mɨdorozir gumazibar mɨn, odezir okoruar kaba ia bagha da amangi. Maba, odezir bɨzir avɨrir mɨghagharuiba, maba, odezir febaba, maba, odezir bar ekiar bizibagh asɨghasɨziba, maba, da kunodezir biziba aghoriba, da bar izegha ian dagheba ame. Kamaghɨn amizɨ, kɨ ua da ikaragh deraghvɨra ia damuam.

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Joel 2:5

Da mɨghsɨar orazibar uari akura ghuavanadir dughiamɨn, dar nɨgɨnim mati, karisba dagɨabagh isɨn ghua tɨngazi, egha mati tuzim isia mɨzariaba dɨkava tɨngazi. Egha mati mɨdorozir gumazir bɨzir bar ekiam, mɨdorozim damuasava ami.

Joel 3:4

“Ia Tair ko, Saidonɨn nguibamningɨn adarazi ko, Filistian kantrin danganiba bar, ia manmaghɨn na damuasa? Ia ti ghaze, Kɨ arazir kuram gamizɨ, ia na ikarvaghasa a? Ia kamaghɨn nɨghnɨghtɨ, kɨ zuamɨra ian arazir kuram ikaragham.

Amos 4:13

Ia oragh! Godɨn mɨghsɨabar ingarizim, an amɨnibagh amima, da otiva ivai. Egha a uan nɨghnɨziba isa gumazamizibar akakazima, me dagh fo. Anarɨra amɨnirbɨrim damightɨ an angazangarim otoghamin gavgavim iti. A mɨghsɨabagh isɨn arua nguazir kamɨn danganiba bar dagh ativagha dar gari. An ziam, Ikiavɨra Itir God, a Godɨn Gavgaviba Bar Itim.

Sefanaia 1:7

Ikiavɨra Itir God Izamin Dughiar Ekiam a roghɨra izegha gɨfa. Kamaghɨn amizɨ, ia an boroghɨn izɨ nɨmɨra ikɨ. Ikiavɨra Itir God uan gumazamiziba me mɨsoghasava ami, mati gumaziba ofa damuasa asɨzibav sosi. Egha gumazir igharazibar diazɨ me iza garima, a uan damazimɨn zuezir arazim damuasa me mɨgei.

Sekaraia 14:6

Eghtɨ angazangarim aruemɨn dughiamra otivan kogham. Puvatɨ.

Matyu 24:21

Dughiar izamin kaba, da osɨmtɨzir ekiabar dughiaba. God nguazim ko overiamɨn ingarizir dughiamɨn iza datɨrɨkɨn, egh ua kamaghɨn dughiatam otoghan kogham.

Godɨn Araziba 32:7

“Ia uamategh bizir bar fomɨra fomɨram otivizibagh nɨghnɨgh. Egh uan afeziaba ko ian gumazir aruabar azangsɨghtɨ, me fomɨra otivizir bizibar ia geghanam.

Hibru 12:18

Ia uan dafaribar suighamin biziba ia da bativizir puvatɨ, mati Israelia fomɨrama ami. Me iza Sainain Mɨghsɨamɨn boroghɨn ikia, egha maburan avim ko mɨtarmer bar pɨzimɨn gara amɨnir bar gavgavim ko,

Jut Osirizir Akɨnafarim 1:13

Me mati ongarir fɨfɨzir ekiaba dɨpɨraghiri. Egha me arazir kurabar amuasa aghumsɨzir puvatɨgha, mati ongarim dɨpɨra izima an puvpuvir mɨzɨrɨziba pɨn otivi moghɨn men arazir kuraba azenim giri. Egha me mati mɨkoveziba pɨn overiamɨn uan tuavibar gɨntɨzir puvatɨ. Kamaghɨn amizɨ, God me bagha danganir mɨtarmer bar pɨghatomezim atɨ, eghtɨ me mangɨ an ikɨ mamaghɨra ikiam.

Akar Mogomem 9:2

Ezɨ mɨkovezir kam, mozir torir bar konezimɨn akam kuizɨ, mɨgharim torir akamɨn azenan otiva, avir bar ekiamɨn mɨgharimɨn mɨn anadi. Egha mɨgharim torir kamɨn anaga aruem ko overiam avarazɨ, aning mɨtatangi.