Marku 2:8 - Ngünechen Tañi Küme Dungu

⁸ Welu Jesus müchay müten ngüneduami tañi femngechi rakiduamkülen engün, fey ka ramtufi ti pu kimeltuchefe: —¿Chem mew anta femngechi rakiduamküleymün ta eymün?

Mapudungun

⁸ Welu Jesus müchay müten ngüneduami tañi femngechi rakiduamkülen engün, fey ka ramtufi ti pu kimeltuchefe: —¿Chem mew anta femngechi rakiduamküleymün ta eymün?

Marku 2:8 Iomraidhean Croise

Matew 12:15

Jesus, kimlu tüfachi dungu, tripatulu tiye mew, fey rume fentren che inaeyew. Jesus tremolfi kom tati pu kutran

Matew 16:7

Fey ti pu disipulu welukonkechi feypiwi engün: —¿Fey tüfachi dungu feypipelaeiñmew taiñ küpalnon mew ta kofke?

Matew 9:4

Jesus am kimnielu tañi femngechi rakiduamkülen engün, fey ramtufi ti pu wentru: —¿Chumngelu anta fente wesa rakiduamküleymün ta eymün?

Marku 2:7

“¿Chumngechi anta kisu ngünewi tañi femngechi feypiael ta tüfa? Ñi femngechi dungun mew notukafi ta Ngünechen. Ngünechen müten ta wiñoduamachetuafuy ta yafkan mew.”

Marku 2:9

¿Chem pin anta doy küdawngelay tañi feypingeael tati lañmalelu tañi kuerpu: ‘Wiñoduamaletuymi tami yafkan mew’, kam ñi feypingeael: ‘Witratunge. Witrañpüramnge tami ngütantu ka trekatunge’?

Marku 7:21

Fey che tañi piwke mew tripakey wesake rakiduam, fill wesake femmeken wentru engu ta domo, tati weñen dungu, tati langümchen,

Luka 24:38

Welu Jesus feypifi ñi pu disipulu: —¿Chumngelu anta llükaymün? ¿Chem mew anta welulkawküley tamün rakiduam?

Luka 5:22

Welu Jesus kisutu ngüneduami tañi femngechi rakiduamkülewen engün, feymew ramtufi ti pu kimeltukelu Moyse ñi ley dungu ka ti pu farisew: —¿Chem mew anta femngechi rakiduamküleymün?

Luka 6:8

Welu Jesus kimüñmafi tañi femngechi rakiduamkülen engün, fey famngechi feypifi tati wentru, lañmalelu ñi kuwü: —Witrange ka rangi ti pu che witrakünuwnge. Fey ti wentru witrapüray ka femngechi witrakünuwpuy rangi pu che.

Juan 21:17

Küla rupachi ramtuy: —Simon, Juan tañi fotüm, ¿piwkeyeen kay? Pedro, weñangkünagi ramtuetew am küla rupachi fey ñi piwkeyefiel, llowdungufi ta Jesus: —Ñidol, eymi kom kimnieymi. Eymi kimnieymi iñche ta piwkeyeeyu. Jesus feypi: —Kamañelen iñche tañi pu che ufisa reke.

Juan 6:64

Welu petu müley kiñekentu eymün mew tati feyentulenolu. Fey Jesus am kimürkelu llituka mew müten iney engün tati feyentulenolu ka ineyngen tüfey tañi ngünen mew wültukukünuaetew.

Hecho 5:3

Welu Pedro feypieyew: —Anania, ¿chumngelu ngünenkaeymew ta weküfü tami koylatulafiel ta Lif Küme Püllü? Rangiñ elkünuymi tami pülata tami fendeelchi mapu mew.

Hecho 8:22

Elkünutufinge ti wesa dungu tami femkeel, ka ngillatufinge ta Ngünechen femngechi tami wiñoduamatuaetew tami femngechi rakiduamfel mew.

Ebrew 4:13

Ngelay chem no rume tañi dewmael ta Ngünechen ñi ellkaleael ta kisu mew. Itrokom dungu fente küme peniengey ta kisu mew, fey kisu mew am felelu taiñ nentudungupuael.