Taatu Rutjiniji Pohuatasano 3:9 - Arabela

⁹ Boozri na nequesotaree: —¿Canateja quiajaniyani? Maajiiri na riucuaree: —Janiyacuaja quia seru Rutni. Janiya quiocua niyareeni. Quiaacuajaari niishiya janiyari quia maajini cua shaajasano quiniuucua quia cuna. Naacuatej, quiaari jiyareta cua jiyano. Cua camiri.

Taatu Rutjiniji Pohuatasano 3:9 Iomraidhean Croise

Lucas 14:11

Naajuhua Pueyasora, cante tama na cuaqueyajaaja jiyateya juhua tojishano pueyano na quiniuriani, nojuajaari cararosaanutaniya. Saniniuujia, cante tama na cuaqueyajaaja jiyateya juhua panishoo pueyanoni, nojuajaari maninia jiyatesaanutaniya juhua tojishano pueyanora.

Taatu Rutjiniji Pohuatasano 2:20

Noemiiri na riucuaree: —Pueyaso cuaara maninia miiria cuno pueyano. Nojuajaari capora, naa maninia na miiniuucua pajaniya. Cua niyaca jiiriatasacarijia, quiquiohuajaajanio, nojuajaari naa mininia canaa miijiojuajuhuanajaj. Cuno pueyanoori cua shaajasano cuna, naacuatej nojuajaari pa jiyano. Naa pa jiyano na quiniuucuatej, nojuajaari niishiyacuaja nojuajaari pa cojuana, pocuaji tacunajuhuaj.

Taatu Rutjiniji Pohuatasano 3:10

Boozri Rut sequeree: —Pueyaso cuaara miiria maninia quiajaniya. Naa quia miiniuucuatej, janiyari quiarijia maatia maninia niishiya cutarani. Cua cuna mashiquio quia quiniuucua, quiaari tojetaarucuajanaa maninia quia cuaqueya cojuarucuaa saa quia jiyanoraja. ¿Canatuma quia tenujucanuni quiaa jaara quiarta mashaja niquiniu paniquianu, casamiijiu, casamiriaca soj, naajaa? Majaari naa quia miiniu quiriucuaquij. Quiaari jiyareta saaja cucua saariucuaajaa rishimiacaniqui.

Taatu Rutjiniji Pohuatasano 3:12

Seetanujuanaa, janiyari quia shaajasano cunani. Saniniuujia, quiaari socua catecaji quia jiyano jiitiaa. Noojuajaari quia shaajasano cua cuna cama cutara.

Taatu Rutjiniji Pohuatasano 3:8

Shiyaqueya saniniuujia, Boozri niucuamaa. Na poonishacari shiriiquiriiri na niquishacari maajiiri na niohuacaacuma niyacuriquiaa.

Taatu Rutjiniji Pohuatasano 4:4

Socua cua tojiri. Maninia quia niishiri cutara nio. Quiaa jaara masenutaniya cuno cuhuariquia, quiarijiaja quia masere nio pueya niquiaraja, niya quiniaa tiaca jiyaniijianuvua niquiaranio. Naa quia miiritij, shaajeno Elimeelec camajanaa quia quiniuucua. Quiaari seetanujuanaa na cuhuariquia maseriquianocuaja, na camajanaa quia quiniuucua. Saniniuujia, quiaa jaara na maseyaquiri, quiarijia cua tore. Quiaa jaara na maseyaquiri, quia niti saniniuujia janiyari cuno jiya maseriquianoni. Noemii shaajasano camaari naa Booz riucuareequij: —Jaa, na masenutaniyanijia.

Taatu Rutjiniji Pohuatasano 4:6

Noemii shaajasano cama tojishacari naa Booz sequesanotej, nojuajaari jiyacari naa sequeree Booztej: —Jaara naa quiritij, maja cua masenu quiniutianiya cuno cuhuariquia, janiya mariqui quiquiohuarano cua jiitiasano cua cuhuariquiaca cushitioreni. Naacuatej, nojuajaari naa Booz sequereequij: —Maja cua masenu quiniutianiyaquinioj. Janiyajanaacuajaari quiarijia quia sequeyani, quia masere cutaranoj.