Taatu Rutjiniji Pohuatasano 2:1 - Arabela

¹ Noemiiri jiyanoraca quijia. Na shaajasano neyaca Elimeelec cuna quijiaari. Cuno pueyano sesaari Booz quijia. Jiyanohua queraatia casamiriaca quijiaari. Tojishano pueyano quijiajaariuhuaj.

Taatu Rutjiniji Pohuatasano 2:1 Iomraidhean Croise

Mateo 1:5

Salmónri Booz que quiquiaari. Booz nucuaari quiquiaari Rahab. Boozri Obed que quiquiaari. Obed nucuaari quiquiaari Rut. Obedri Isaí que quiquiaari.

Lucas 3:32

Natánri David niyanu quiquiaari. Davidri Isaí niyanu quiquiaari. Isaiiri Obed niyanu quiquiaari. Obedri Booz niyanu quiquiaari. Boozri Sala niyanu quiquiaari. Salaari Naasón niyanu quiquiaari.

Taatu Rutjiniji Pohuatasano 1:2

Naacuatej, Beleen tiacajinijinio Elimeelec jiyanishano pueyanoori taucuaca jiyajinia pacuquiaari. Moab jiyajinia quishiiquiaari rupaquijiaraari. Nata quiaquiaariiri necocua Noemii, querajaa necohuajaajanio: Mahloon jiyanishano, Quelioonnio. Puetunu nojorijianaari Beleen tiacajiniji quiriquiase, Efrateocuaca. Nojori jaara Moab jiyajinia tiuquishiiquiaari, tii quitiushiiquiaariiri.

Taatu Rutjiniji Pohuatasano 2:2

Tamonu juuca Rutri Noemii sequeree: —Nio juuca quiarijia cua caretere. Pueya sharta cebada carajotanuucua quiojiyacuaa. Nojori nuhuaji reratejotacoorajataj, jaara cua juaatiuyaquiri nojori nuhuaji tatuhuojotaano. Noemiiri na riucuaree: —Quia quiaare sanaunaa.

Taatu Rutjiniji Pohuatasano 3:12

Seetanujuanaa, janiyari quia shaajasano cunani. Saniniuujia, quiaari socua catecaji quia jiyano jiitiaa. Noojuajaari quia shaajasano cua cuna cama cutara.

Taatu Rutjiniji Pohuatasano 3:2

Quiarijia maninia cua tojiri. Pa jiyano Boozni, quiaacuajaari quiarta maajipohua na seyata poonijiorucuaani, nojuajaari quirijia niucua na cuhuariquiajinia quianutaniya carajotasano cebada jocuanuucua tii.

Taatu Rutjiniji Pohuatasano 4:21

Quiarijia saniniuujia Salmoonri Booz que. Boozri Obed que.