Lucas 7:12 - Arabela

¹² Nojori catecanosacari Naín tiacaacua, Jesuuri pueya niquiquiaari macu pataano jamosocoriquiano. Macuuri jiyacunojuanaa na nucua niyanu quiquiaari. Na nucuaari mashiquio quitiasuquiaari. Queraatia pueyari na nucuata macu nuhuaji sacuariquiaa, jamajiniara nojori quiojosacari.

Lucas 7:12 Iomraidhean Croise

Geenesis 22:12

Pueyasoori na sequeree: —Tuma taa mii mueyatej. Quiarijianij, shusha quia niataree cutaranijia. Quiaaquiiri seetanujuanaa cua puereja. Majaari quenaaja quia ruuretanu quirii janiya jiyacunujuanaa quia niyanu monu, quiria quia catijiasocoriquiano.

Geenesis 22:2

Pueyasoori naa na sequeree: —Quia niyanu Isaac, cuno niquiriyatu jiyanohua quia panishano quia mueyaniyojuani, nojuaja quia jiyataare Moriah jiyajinia. Quiaa jaara cuno jiyajinia tiuquishii, janiyajanaari tuhuananu quia niquitiniutianiyani. Quiocua cuno tuhuananuucua mosee quia niyanu. Quiaari tii quiria na catijiareequinioj.

1 Reyes 17:12

Mashiquioori naa Eliias riucuaree: —Quia camarnu Pueyaso niquiara seetanujuanaa quia sequeyanijia. Maja majeetesano pan cua jiitianuni. Janiyari cua patacojinia saaja niquiriyatu queyatasocoriquiano jiitiaa shiitianiyojua cashojuaniyojuani. Shiyocua naajuhuaj, shoorajaacaniyojuaari na quiquiojinia mataajuhuaj. Janiyari cuno shiitianiyojua cashojua cua jiitiasano cua majeetejara naanacucua tatucuariquiaani. Janiyari niquiriyatu majeetenutaniya quiyanurani, quiria niquiriyatujuhuaj. Jiyacunujuanaa cuno pan canaa sanu nuhuajini, canaari na nuhuaji canaa miaajaara titiacoriquianoni.

1 Reyes 17:18

Mashiquioori jiyacari naa Eliias sequereequij: —¿Casaateja quia torucuaa niya canaacua quia tiuquiniuriani, Pueyaso tojijia pueyanonaa? ¿Quiaateeri puetunu sesa cua miishanojanaa saneerohua cucuara? Quiyanuuri naacua quiria cusoqueequij.

1 Reyes 17:23

Eliiasri jiyacari ritia mueya rosetaquiaari na nucuaacua. Naa mueya nucua sequereeri: —¡Quia niquiri! Quia mueya tari naatarohua.

1 Reyes 17:9

—Quia sanere. Sidoon jiyajinia quijia Sarepta tiacajinia quia quiaare. Quiocua tii quishii. Janiyacuaja tari cuno tiacajinia quijia mashiquio toree noojiajiniani, nojuacuajaari quia miatenutaniya.

Lucas 7:11

Na nuhuaji, Jesuuri tamonu tiacajinia quiaquiaari. Cuno tiaca sesa quiquiaari Naín. Na pueyari nata quiojoriquiaajuhuaj, socua queraatia tamasaca pueyanio.

Lucas 7:13

Jesu niquishacari mashiquio, nocua taraajereeri. Na sequereeri: —Maja nujuquenu.

Lucas 8:42

Neyatuniyojuaari quera cusoriquiaa jiyacari. Majaari socua niquiohuaraca na quiniu quijia. Doce marijiaari tari shocojoquiaari cuno neyatu. Jesu quiasacari Jairota, jiyanohua queraatia pueyari nata quiojoriquiaajuhuaj. Pueyari jiyanohua na tanuujuriquiaa, nata nojori quiojosacari nucuaco.

Lucas 8:52

Puetunu tii quiniaa pueyajanaari maaji samiriuucua nujuqueturiquiaa. Sapiyonuuriquiaajaariuhuaj. Jesuuri nojori sequeree: —Maja najuhuana nia nujuquenu. Maaji samiriu maja macu, nareja maqueyano.

Juan 11:19

Naaratej, queraatia narta Judiocuacaari quiojoquiaari Marta, María tiajinia, nojori na cumanijianura na nanu nuhuaji.

Hechos 9:39

Pedroori nojoritia tacatequiaariuhua Jope tiacajiniohua. Na tiuquishacari, quiniqui quiniaari Pedro tiuquiniquiaari macuucua sohuacamara. Mashiquiopueeri Pedro shocua rerejoquiaari na nujuquetunuta. Nojoriiri Pedro niquitijioquiaari Dorcas cusupuenuusano toqueya, cacojoquiyanio. Cunoori quiquiaari na cusupuenuusano saminio na quishacarijia.

Hechos 9:41

Pedroori na juaashiquiajiniji na quiaquiaari. Na nujuatereeri. Na nuhuaji sequequiaari Jesuucua tiuuniaa pueyari, mashiquiopuenio: —Miji pueyanaa, ¡nia nimia! Nojori tiuquitiasacari, saaja maaji niquitiushii nujuaanoori, tariucua saminio.

Santiago 1:27

Cante seetanujuanaa pa Que Pueyaso rupaa tojijiani, nojuaja cuaara japueyojuaca niquiniuucua rucuaneera, nojori na naacunura. Cuaara naa miiria mashiquiopuerajuhuaj, nojori taraajenucujusacari nojori na cumanijianura. Naajuhuaj, cuaara tama na cuaqueyajaaja cojuaara, narta pueya na miyaquiniuucuaji sesa. Naa miijia pueyanotej, nojuajaari Pueyaso pueyano cutara.