Lucas 6:3 - Arabela

³ Jesuuri nojori riucuaree: —¿Majateeri nia serojonu quiquiaacuaja casaa supuetana David miiquiaari na miaajesacarini, mariyata na cojiniaa miaajesacarijiuhuaj?

Lucas 6:3 Iomraidhean Croise

Mateo 19:4

Jesuuri nojori riucuaree: —¿Majate nia serojonu quiquiaacuaja Pueyaso Rupaajinia? Coteenujuanaa Pueyaso shipinishacari pueyano, Pueyasoori shipiniquiaari caya, maajinio.

Mateo 21:16

Nojoriiri Jesu nequesotaree: —¿Quiaate naatujoori tojiya casaa nojori sequeyani? ¡Nojoriiri jiyaniya quiaari Pueyaso Jiyarosano! Jesuuri nojori riucuaree: —¡Taaquiriirinij! Na tojiyacuajanijia. Maniniacuajaari nojori sequesano. ¿Majateeri nia serojonu quiquiaacuaja tariucuacaanu Pueyaso Rupaajinia naa sequesanotej: “Quiaari naatujoori niishitirii conaajanio, seetanujuanaa nojori maniniuhuaqueetanura quia Jiyarosano”?

Mateo 21:42

Jesuuri nojori sequeree: —Jaa, naa miiniutianiyari. ¿Majate nia serojonu quiquiaaricuaja nio, tariucuacaanu Pueyaso Rupaajiniani?: “Pueyari saitia tiariquiaa. Nojoriiri tamonu saajia jiyaniquiaari saajia sesarujuajau naasucua. Cuno saajiacuajaari socua panishano saajia quiquiaari. Jiyaniijiajanaari naa na jiyatequiaari. Cuno saajiata tiaree maninia cutaraari. Pueya niquishacari, jiuujiatecoreeri”. Naa naajiotasano quiyacuajaari.

Mateo 22:31

Socua cua tojitiare. Macunucuaari seetanujuanaa samiitiacoriquianohua. ¿Majateeri nia serojonu quiquiaacuaja taa Pueyaso sequequiaari niajaniyacuajani? Naa sequequiaariiri:

Mateo 4:2

Majaari quenaaja Jesu miaquenu quiquiaari. Cuarenta juuca, cuarenta niucua na shoconujuquiaari na miaqueyaquishacari. Na nuhuaji miaajequiaariiri.

Marcos 12:10

’¿Majateeri tariucuacaanu Pueyaso Rupaajinia nia serojonu quiquianucuaja nio? Naa sequeyari: “Tiajonaa pueyari tamaatiujiajau saajia jataree nojori tiasacari saijiniji tia. Na nuhuaji, cuno jatasano saajiaari socua cutara saajiara jiyatesaarohua tamasaca saijiniji.

Marcos 12:26

Niaa macunucua samiitianijionujiniji nequesoreetaate. ¿Majateeri nia serojonu quiquiaacuaja supuetana Moisés naajioneejinia, taa Pueyaso sequequiaari Moiséscuaja nequeru casaja noshiyanojinijini? Pueyasoori naa sequequiaari Moisés: “Janiyari quia supuetana Abraham Jiyaniijiani, quia supuetana Isaac Jiyaniijiajuhuaj, quia supuetana Jacobo Jiyaniijianio”.