Lucas 4:4 - Arabela

⁴ Jesuuri saaja na riucuaree: —Pueyaso Rupaajiniacuajaari naa naajiotasano quiya: “Pueyanoori maja saminio na quiniu saa miaquesanotaja. Seetanujuanaa saminio quiyari na tojishacari puetunu Pueyaso Rupaajanaa”.

Lucas 4:4 Iomraidhean Croise

Mateo 4:4

Jesuuri saaja na riucuaree: —Maja. Pueyaso Rupaajiniacuajaari naa naajiotasano quiyatej: “Pueyanoori maja na naatanu saa miaquesanoocuaja. Seetanujuanaa saminio quiya cutaraari na tojishacari puetunu Pueyaso Rupaajanaa”.

Mateo 6:31

Naaratej pueyanaa, maja nia tacaaniu. Majaari nia sequenu: ¿casaa pa miaquenutaniyani?, ¿casaa pa ratunutaniyani?, ¿casaa pa cushiniutianiyani?

Lucas 22:35

Jesuuri na pueya nequesotaree: —Janiya jaara nia jiyaramiquiquiaari Pueyaso rupaa nia pohuatanura caashoqueejuni, cumaneeca quiquiooju, sapatuujunio, ¿niaateeri nia panishano casaa niquitioyaquishaaquiaari? Nojoriiri Jesu riucuaree: —Maja. Canaacuajaari puetunu canaa panishanojuanaa niquitiojosaaquiaarini.

Lucas 4:10

Pueyaso Rupaajiniacuajaari naa naajiotasano quiya: “Pueyasoori na seya sequenutaniya na cojuanura quiajaniya.

Lucas 4:3

Jiyacaritij, Sesaacaari na sequeree: —Quiaa jaara seetanujuanaa Pueyaso Niyanu quiri, nio saajia quia jataniri neecaruura na quiniuria.

Lucas 4:8

Jesuuri saaja na sequeree: —Pueyaso Rupaajiniacuajaari naa naajiotasano quiya: “¡Quia Jiyaniijia Pueyaso quia shuquiritiare! ¡Saaja nojuaja quia tojiri!”

Efesios 6:17

Nia niishishacari niaacuajaari Pueyaso jiyanooshano pueya, cunoori seetanujuanaa juhua cumoco nia cushishano nacaque, maja nioojia nia niquijiotenura Pueyasoocuaji. Naajuhuaj, Pueyaso Rupaa nia niishiri maninia. Cunocuajaari Pueyaso Sohuanu nijiniaquetucuaja mueruu, pueya jiuujiajinia na poonijionura.

Deuteronomio 8:3

Naajaa Pueyaso miiniuucua naquiya niajaniya cariiquia jiyajinia, tii na miaajetenuucua niajaniyajuhuaj, cuno nuhuaji, nojuajaari jiyocuacaanuji manaa jiyanishano tiniquiaari pa miaajaara pa miishocoriquiano. Cuno manaari maja quenaaja pa niishishano casaa quiniu quijia. Pa supuetanaa niishishoo quijiajaariuhuaj. Pueyanaa, cunoori nia niishiniuria nio: Pueyanoori maja na rishiniu saa miasanoocuajatej. Seetanujuanaa saminio quiniutianiya cutaraari na tojishacari puetunu Pueyaso Rupaajanaa.