Lucas 4:2 - Arabela

² Tii camueenujuquiaariiri cuarenta juuca. Sesaacaari tii na saniniujiuriquiaa. Majaari quenaaja casaa na miaquenu quiquiaari tii na quishacari. Na nuhuaji miaajequiaariiri.

Lucas 4:2 Iomraidhean Croise

Geenesis 3:15

Naajuhuaj, janiyajanaari maajitia quia jiyatenutaniya paracaatioojuarani. Maajiicuajinio supueno pueyanoori quia paracaajia quiriquianojuhuanajaj. Maajiicuajinio caneno pueyajinijinio muetariquianoori quia paracaranojuanaa cutara. Nojuajaari quia naca shiquiariquiano jacanaura. Quiaari saniniuujia na nojua sajiriquianoojua.

1 Reyes 19:8

Eliiasri saneree. Pan sareeri. Na nuhuaji mohuaca raturohua na cacoori. Cuno na miaquesanoori na cumaquiquiaari na rucuanenura cuarenta juuca, cuarenta niucuanio. Naa camueenujuquiaariiri na tiuquiniuria Horeb tuhuananuucua. Cuno tuhuananuuri Pueyaso tuhuananucuaja.

Exodo 24:18

Moisees tacasacari tuhuananuucua, najacajinia tiuquimiaari. Tii camueenujuquiaari cuarenta juucaari, cuarenta niucuanio.

Exodo 34:28

Sinaii tuhuananujiniji Pueyasota Moisees quishacari, tii camueenujuquiaari cuarenta juucaari, cuarenta niucuanio. Majaari jiyacari na miaquenu quiquiaari, ratununio. Pueyasoori jiyacari na rupaa naajioquiaari cuno querajaa saajianeecaacua. Cuno na rupaacuajaari puetunu pa juaashiquiaca maanu puecaajanaa, dieztuhuaj.

Mateo 21:18

Tariquiicuaji, Jesuuri Jerusalén tiacajiniara tacateriquiohua canaa na saquiriojosano pueyata. Jesuuri miaajeriquiaa.

Mateo 4:2

Majaari quenaaja Jesu miaquenu quiquiaari. Cuarenta juuca, cuarenta niucua na shoconujuquiaari na miaqueyaquishacari. Na nuhuaji miaajequiaariiri.

Lucas 4:3

Jiyacaritij, Sesaacaari na sequeree: —Quiaa jaara seetanujuanaa Pueyaso Niyanu quiri, nio saajia quia jataniri neecaruura na quiniuria.

Juan 4:6

Cuno cuhuariquiajinia quiriquiaari cuari, supuetana Jacobo jiuutiasano tariucuacaanu. Pueyaracaanu Jesu rucuanenuucua nucuamaji, nojuajaari cuno cuari shuriucua cajishii na samareenuta. Panacariiri quiriquiaa.

Hebreos 2:18

Mijiria na quishacari, nojuajaari pueyaracaanu taraatia miishaaquiaari. Nojuajaari jiyanohua saniniujiushaaquiaari sesa na miiniuria juucuajuhuaj. Naacuajitij, nojuacuajaari jiyanohua niishijia na cumaquiniuria pajaniya, paa jaara sesa miiniuria saniniujiushaariquiani, paa jaara taraatia miishaariquiajuhuaj.

Hebreos 4:15

Jesu, Pueyaso pa jiyanootijiani, nojuacuajaari pocua taraajenu niishijia paa jaara saniniujiushaariquia sesa pa miiniuriani. Nojuacuajaari naa saniniujiushaaquiaarijiuhua sesa na miiniuria juucua, naate taa pa saniniujiushaaquiaacuaani. Maja cutaraari sesa na miiniu quiquiaari quenaaja.

1 Samuel 17:16

Cuno Filisteori puetunu juucajanaa Israel pueya ruutaqueja nocuara tariquiicuaji, tenacarinio. Naa miijiojuajuhuanaari tii cuno cuarenta juuca nojori quishacari.