Lucas 4:1 - Arabela

¹ Jesu quiasacariuhua Jordán moojiniji, Pueyaso Sohuanuuri noojiajinia quiriquiaa puetunu na cumaacajanaa na jiitianura. Pueyaso Sohuanuuri na jiyatequiaari pueya jiyaqui cariiquia jiyajiniara.

Lucas 4:1 Iomraidhean Croise

1 Reyes 18:12

Janiya jaara quiocuara numootenuucua riujiuuriohuani, janiyari puereyani Pueyaso Sohuanuuri niiquiji quia shiriquionutaniya cua niishiyaquishaqui. Acab jaara tiuquishii niya, jaara quia riuriataaquiri, nojuajaari cua moriquiano. Eliiasnaa, janiya quia seruniqui. Janiyari cua naatujuajiniji Pueyaso panishano miijiani.

1 Reyes 19:4

Eliias saniniuujia, nojuajaari cariiquia jiyacuma rucuanequiaari puetunu juucajanaa. Socua cajishii tiquiyocua naana shinishiqui cariquiocoori. Nojuajaari maja socua na rishiniu paniniu quiriquiaa. Naacua tama nocuarajaaja naa masereeri: —Tariucuaja Pueyasonaa, cua shaajarejanaa. Maja socua cua rishiniu paniniu. ¿Janiyateeri socua maninia cua supuetanaajinijini?

Mateo 3:16

Jesu jaara tiuquinishaaquiaari, nojuajaari ritia tacaquiaari moojiniji. ¡Jiyacaritij, jiya cajiniocuaari riatequee! Jesuuri Pueyaso Sohuanu niquiquiaari nocua roseyano juhua mococoonu niquishano. Nocua tiuushiiri.

Lucas 2:27

Pueyaso Sohuanuuri na jiyatequiaari namitia cuno juuca Pueyaso Secojojua tiajiniara. Naacuajitij, Jesu jaara pasaaquiaari Secojojua tiajinia, nera na miishaanura puetunu tariucuacaanu rootasanojuanaa, Simeónri jiyacari tii na niquirii.

Lucas 3:3

Naaratej, Juanri puetunu Jordán moo shuriuquioco jiyacajanaa tajiquiaari na poojotasacari Pueyaso rupaa pueya niquiara. Nojuajaari naa pohuataquiaaritij: —¡Nioojia nia tacatore maja socua sesa nia miiniuria, moojinia cua tiuquinijionura niajaniya, Pueyaso jiyanooniuria niajaniya sesa nia miishanojiniji!

Lucas 3:38

Cainánri Enós niyanu quiquiaari. Enósri Set niyanu quiquiaari. Setri Adán niyanu quiquiaari. Adánri Pueyaso niyanu quiquiaari.

Lucas 4:14

Na nuhuaji, Jesuuri tacatequiaariuhua Galilea jiyajinia puetunu Pueyaso Sohuanu cumaacatajanaa. Puetunu cuno jiyajiniajanaa pueyari Jesujiniji caminiujiutiooquiaari.

Lucas 4:18

“Pueyaso Sohuanuuri coojiajinia quiyani, na cumaaca cua jiitianura. Naacuajitij, Pueyasoori cua seeratarucuaa maninia rupaa cua pohuatanura casamiijiuniucua pueya niquiara. Cua jiyaroreejaariuhua Sesaaca quioosano pueya cua pohuatanura maninia rupaa Pueyasojiniji. Naacuajitij, nojoriiri cartesano quiriohua Sesaaca sapojosanojiniji. Cua jiyaroreejaariuhua cariyojuarujuri pueya namijiaa cua jeecanura, maninia niquijiara nojori quiniuhuara. Cua jiyaroreejaariuhua taraatia miitiasusano pueya cua jiyatenura shuquiriaatia quijiacara.

Juan 1:32

Tiuquinijiona Juanri pueya sequereejuhuaj: —Janiyari Pueyaso Sohuanu niquiriucuaani jiyocuacaanuji roseyano nocua juhua mococoonu. Nocua tiuushiiri.

Juan 3:34

Pueyasoori jiyanohua queraatia na Sohuanu niquitioquiaari na Jiyarosano. Naacuajitij, seetanu Pueyaso rupaajanaa pohuataari.

Hechos 1:2

Mijiria na quishacarijia, Jesuuri na jiyaramiquishocoriquiano pueya rootaquiaari Pueyaso Sohuanu cumaacata, taa nojori miiniutianiya na nuhuajini.

Hechos 10:38

Niaari niishiyajuhuaj, Pueyasoori na Sohuanu niquitioquiaari Jesu, na cumaaca na jiitianura. Nojuajaari maninia miiquiaari pueya, tiquiyocua na rucuanesacari. Cusosuhua naatanijiojuaari. Samaruhua camarnu sesosano jeecaquiaarijiaariuhuaj. Puetunu naa miijia maniniajanaari na Que Pueyaso quiniuucua nata.

Hechos 8:39

Nojori tacatasacariuhua caminiacojiniji, Pueyaso Sohuanuuri Felipe riquiaari canashiyaquiji cuno Etíope pueyano shuriucuaji. Nojuajaari juucua tacareecuaquiaari na tiuquininiaacua. Majaari socua na niquiniu quiquiaari Felipe. Tariucua tiuquinishanoori shuquiriaatia quiaquiaariuhua na jiyajiniohua.