Lucas 3:9 - Arabela

⁹ ¡Pueyaso cajiiri tari mataa naana pajama, sesa naana nuujutajara! Naana jaara sesa jajau muetujua quiri, nushiyari catijiasocoriquiano. Naajuhuaj, niajaniyari juhua sesa muetuna naana, maninia miyashijia nia quishacari. ¡Niaari quera saniitioshiyacuaja!

Lucas 3:9 Iomraidhean Croise

Daniel 4:14

Nojuajaari jiyanohua nacaree naatej: “Cuno naana nia nure. Jiyareta nia cashacureerenoj. Na muecaca nia joojorejuhuaj. Puetunu na jaajanaa nia niyacare tiquiyocua. Naajuhuaj, puetunu na cariquioco nujuatiuyano casamijianaa nia jaacare, na cashacucuaacua tiuutiuyano jaacuatujuaca casamijaajanio.

Daniel 4:23

Quiaari cojuariquiano Pueyaso nujuatesano na seru niquiriucuaa jiya cajiniocuajiniji roseyanojuhuaj. Na rosesacari, nojuajaari naa sequeriquiaaquij: Cuno naana nia nuure. Niocua maninia na rapitiarenoj. Niocua tiijia tarinitiare noju na nujuacataja. Naajuhuaj, niocua hierrojiniji, broncejiniji shipinijiosano jiyocuata na camarucutejore. Na nuhuaji niocua na tarinitiarenoj cuaara tiijia shiquitiaara tamajaaja. Shushiquia cuaara nocua tiiria. Naa jaarajaaja juyacata jiyasocua miaquejonutaniyari cuaara na shocojoorajaatijia siete marijia.

Mateo 3:10

Nio miriqui sequesano nia tojirijiuhuaj pueyanaa. Naana jaara maninia jajau muetuyaquiri, na camaruuri na nuya na catijiasocoriquiano. Naajuhuaj, Pueyasoori quera saniitionutaniya niajaniya, na tojiyashijiaca nia quiniuucua. Tiuquinijiona Juanri pueya sequequiaari socua:

Mateo 7:19

Naana jaara sesa jajau muetujua quiri, nushiyari, manijinia catijiasocoriquiano.

Lucas 13:6

Jesuuri na nuhuaji pueya niishitiojoquiaari nio miriqui pohuatasanota: —Tamonu pueyanoori higo naana jiitiaquiaari na uva cuhuariquiajinia. Tamacari, na camaruuri nocua quiaquiaari na niquiniuria. Na jajau mianu paniriquiaa juucuaari. Shaanoori quiriquiaa.

Lucas 13:7

Cunora, na cuhuariquia cojuana sequereeri: “Quia niquiri nio naana. Janiyari pueyaracaanu najuhuana niquiaani na jajau pajenura. Pueyaracaanu muetuyaquiyari. Tari na shocojorucuaari jiuujianaraca marijia. ¡Quia nure! Tamonu cuaara na nujuasaqui natasaaria, na muetunura cutara”.

Lucas 13:9

Janiya jaara naa na miirini, muetunutaniya naasucua. Jaara muetuyaquiri, pocua socua na nureni”. Naajuhuaj pueyanaa, Pueyasoori sashiya, maninia miijiaca nia quiniuria.

Juan 15:6

Cante cua rupueyashijiani, nojuajaari taraatia miishaanutaniya juhua uva cashacucua piyotasano neyonajiniji, tamocora jaquerootasano. Jaara sorere, tatucuasaarohuari manijinia quejoosocoriquiano. Tii cateyari.

Hebreos 10:28

Pueyano jaara Moisés Rootasano tojiyaquiquiaari, querajaa pueya jaara nocuara saquiriojotaquiaari, nojori sequesanoori seetanujuanaa quiquiaari. Naacuajitij, majaari nocua na taraajenu quishaaquiaari na mosaanura.

Hebreos 12:29

Nojuajaari puereeta mani, Neyanu ruuretajaca shaajaja, sesa pa miishano catijiajajuhuaj.