Lucas 3:4 - Arabela

⁴ Naacuajitij, supuetana Isaías naajiotasanoori tohuateequiaari. Pueyaso sequenu panishano caminiujiunia na quiniuucua, nojuajaari naa miriqui naajiotaquiaari supueriquiano Juanjiniji: “Pueyano rupaari tojishiya cariiquia jiyajinia nacaano. Sequeyari: ‘¡Jiyaniijia nuura nia jeenucuare! ¡Puetunu maniniajanaa nia nuunure, maja shuutiuniu na quiniuria!

Lucas 3:4 Iomraidhean Croise

Mateo 3:3

Jiyanohua tarijia, Pueyasoori na pueyano Isaías pohuataniquiaari miriqui na sequenu panishano pueyara. Isaíasri naa na pohuataquiaaritij: “Pueyano rupaari tojishaaree cariiquia jiyajinia. Naa nacajoriquiaari: ‘Nia jeecanamitiri Jiyaniijia nuu, maja mojoquetunu na quiniuria’”. Tiuquinijiona Juanjanaacuajaari nio tariucuacaanu pohuatasano tohuateequiaari, pueya na niishitiojosacari nojori jeenucuanura nojori jiuujia Jesuucuaji.

Marcos 1:3

Na nacanuuri tojishaanutaniya cariiquia jiyajinia. Naa pueya sequeyari: ‘¡Nia jeenucuare Jiyaniijia nuu! ¡Nia nuunore maninia, maja shuutiuniu!’”

Juan 1:23

Juanri saaja naa nojori riucuaree: —Janiyacuajaari nooni, cariiquia jiyajinia nacajatej, taa supuetana Isaías juhuacarijia naajiotaquiaari janiyajinijicuajani: “¡Jiyaniijiaacuaji nia nuunore maninia! ¡Maja shuutiuniu!”

Juan 1:7

Pueyasoori na jiyaroquiaari pueya na niishitiniuria cante Jesucristoni, pueya tiuuniuria Jesuucua, nojori jiuujia na cuhuatanura.