Lucas 23:3 - Arabela

³ Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Taaquiriirinij. Naacuaj, taa quia sequereecuajani.

Lucas 23:3 Iomraidhean Croise

Mateo 27:11

Jesuuri jaatucusaaquiaari jiyaniijia Pilatoocua. Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Jaa. Naacuaaquiniatejaj, taa quia sequereecuajani.

Marcos 15:18

Na nuhuaji, nojoriiri na rupaa paaretanu coteequiaari Jesu na macaatiniuria: —¡Jejejee, Judiocuaca camarnuna nooj!

Marcos 15:2

Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Jaa. Naacuaaquiniatejaj, taa quia sequereecuajani.

Marcos 15:32

Jaara seetanujuanaa quiri Pueyaso Jiyarosano, pa jiyaniijia na quiniuria, cuaara roseera niyacutesanojiniji pa niquiara. Pocua jiyacari nocua tiuuri cutarani. Cuno nohuasenuujuaca Jesu shuriucua teetejosano quiriquiaani, nojoriiri na sesacariquiaajuhuaj.

Lucas 22:70

Naa Jesu sequesacaritij, puetunu nojorijianaari na sequeree: —¿Quiaateeri tama sequeyajaaja quiaari Pueyaso Niyanu? Jesuuri nojori riucuaree: —Taaquiriirinij. Naacuaaquiniatejaj, taa nia sequeyacuajani.

Lucas 23:38

Jesu nacaacuma, suruhuatuneeri rupotasaaquiaari naajiosano Griego rupaajinia, Romano pueya rupaajinia, Hebreo rupaajinianio. Tii naajiotasano quiriquiaari naa nocuara pueya saquiriojotasano: “Nio pueyanoori Judiocuaca jiyaniijia”.

Juan 1:49

Natanaelri shiriiquirii. Jesu sequereeri: —Niishitiojonanaa, ¡quiaacuajaqui Pueyaso Niyanu! ¡Quiaari parta Israel pueya jiyaniijiaranojuhuaj!

Juan 18:29

Naaratej, Pilatoori nojoriicua tohuataquiaari. Nojori nequesotareeri: —¿Casaa nio pueyano miiriucuaani, miji nia nitianura cucuani?

Juan 19:3

Naa nojori miiniu nuhuaji Jesutej, nojoriiri nocua catecanoquiaari. Na sequetureeri: —¡Judiocuaca jiyaniijianaa! ¡Quia timiri, Judiocuaca jiyaniijianaa! Naa nojori sequesacari Jesutej, nojoriiri na jiquioco piquitiurii.

1 Timoteo 6:13

Quiaacuajaari niishiya taa Jesucristo seetanujuanaa pohuataquiaari Poncio Pilato niquiaracuajani, nojuajaari seetanujuanaa Pueyaso Niyanu. Naajaa, nojuajaari niishiquiaari nojuajaari cunora mosaanutaniya. Na Que Pueyasocuajaari na samiitianiquiaariuhua. Pueyasocuajaari saminiora jiyateja puetunu saminio casaajanaa. Naa quia niishishacaritij Timoteonaa, janiyari nio quia sequeya Pueyaso niquiarani, pa Jiyaniijia niquiarajuhuaj. Cua tojiri.