Lucas 2:4 - Arabela

⁴ Joseeri jiyacari Nazaret tiacajinia quiriquiaa, Galilea jiyajinia. Na raja cutaraari quiquiaari Belén tiacajinia, Judea jiyajinia, tee na supuetana David rasaaquiaaricuaani. Naaratej, Joseeri Belén tiacajinia quiaquiaariuhua.

Lucas 2:4 Iomraidhean Croise

Geenesis 48:7

Naajuhua, quiyanunaa, Padaan-aramjiniji cua triujiuushacariuhua, janiyari quia supuena Raquel shaajaquiaariuhua Canaan jiyajiniani. Janiyari na jamoquiaari Efrata tiacajiniara neteja nucuamajini. Cuno Efratani, cunocuajaari quiarijia Beleen tiaca.

Mateo 1:20

Naa José niishiriojosacari na cartenura juucuatej, Pueyaso seruuri nocua muetaquiaari na maquenujinia. José sequereeri: —Supuetana jiyaniijia David niquiohuacuajinio supueno Joseenaa, María quia camiri naajaa. Maja quia puerenu. Pueyaso Sohuanucuajaari na manajorucuaa.

Mateo 2:23

Galilea jiyajinia nojori tiuquiijiosacari, Nazaret tiacajinia quishiiri. Naacuajitij, tariucuacaanu Pueyaso sequesano caminiujiuniaa sequesanoori tohuateequiaari nojori jaara naa naajiotaquiaaritij: “Jiyaniquishaanutaniyari Nazaret tiacajinijinio pueyano”.

Lucas 2:3

Puetunu pueyajanaari sequesaaquiaari nojori cuaara quiojohuara na raja tiacajinia, na sesaca naajiotasaanura tii.

Lucas 2:5

Maríari tari sequesaaquiaari nojuaja Joseeta caminiutianiya. Naaratej, Maríari nata quiaquiaarijiuhua Belén tiacajinia, nojori sesaca naajiotasaanura tii. José niquiocuaranoori tariucua manajaraca quiriquiaa.

Lucas 4:16

Jiyacaritij, Jesuuri quiaquiaari Nazaret tiacajinia, tee na canashitishaaquiaaricuajani. Samaatenu juuca, Jesuuri Pueyaso secojojua tiajinia tiuquiquiaari taa na jiitiquiaari miiniucuajani. Nojuajaari nujuaquiaari Pueyaso Rupaa serojonura pueya niquiara.

Juan 1:46

Natanaelri saa riucuareejaa: —¡Jaj! ¿Na naatate maninia miijia pueyano supuenujuaara cuno sesa miijiaca Nazaret tiacajiniji? Felipeeri na sequeree saaja: —¡Miji! ¡Pa niquishii!

Juan 7:42

Tariucuacaanu Pueyaso Rupaajinia naajiotasanojiniji, paari niishiyani, Cristoori pa supuetanaa jiyaniijia David niquiohuajiniji supuenutaniya. Belén tiacajinia rasaanutaniyari, supuetana David tiacajinia.

Taatu Rutjiniji Pohuatasano 1:19

Nucuaco pacutaareeri, Beleen tiacajinia tiuquitiushiiri. Tari nojori quishacari Beleen tiacajinia, puetunu pueyajanaari jiuujiaatequiaari. Maajipohuari tama nequesoreetoojuajaaja: —Cuno shusha tiuquiyano maajini, ¿majatee Noemiini?

Taatu Rutjiniji Pohuatasano 2:4

Naa nojori poonijiosacaritij, Boozri Beleen tiacajiniji jiyacari nojoriicuaa tiuquishii. Naa nojori saruhuataseeri: —Pueyaso cuaara niaata quiiria, pueyanaa. Nera poonijionaa pueyari naa na riucuaturee saniniuujia: —Quiajaniya sajara, Pueyaso cuaara quia shuquiritiiria.

Taatu Rutjiniji Pohuatasano 4:11

Jiyacaritij, cuno Beleen tiacajinijinio jiyaniijianucua, tii quiniaa narta pueyajuhuaj, puetunu nojorijianaari naa mariyataa sequetureequij: —Taaquiriirinij, naacuaaquiniatejaj. Pa Pueyaso cuaara maninia miiria cuno maaji, quiaa na riyani. Nojuaja cuaara quiiria quiara juhua pa supuetana Raquelja, juhua Liianio. Puetunu pajaniyajanaanij, paari cuno caapiqui maajipohuacuajinio caneno pueyani. Quiajaniya saniniuujia, Booznaa, canaari quia panitiaacujua parta pueya tojishano pueyano quia quiniuria niya pa Beleen tiacajiniani, Efrata tiacatuhua.

Taatu Rutjiniji Pohuatasano 4:17

Naa Noemii canashitiniuucua mueyatej, na shuriucua quiniaa narta maajipohuari naacua sequetujua Noemiitij: —Noemiiqui cayaniyojua rarucuaa. Maajipohuari naacua mueya jiyaniquitiuriiquij Obed. Nojuajaari Isaii quecuaja, supuetana David jiyasojuhuaj.

1 Samuel 16:1

Pueyasoori naacua Samuel sequequiaaritij: —¿Taacari quia tarinitianutaniya Sauulcua nujuquejonuurinij? Quiarijianij, janiyajanaa cutaraari maja cua paniniu tari socua Sauul quiniuria Israel pueya camarnu. Quiarijia quia sanere. Shiyocua quia mishiniri nacajajinia. Quiarijia quia quiaare Beleen tiacajinia quijia Isaii jiyanishano quiarta pueyanoocua. Janiyari necohuajinijinio tari niquiriyatu saquiriojoree camarnu quiriquianoni.

1 Samuel 16:4

Samuelri naa miiriiquij taa Pueyaso sequeree nojuacuajanij. Beleen tiacajinia Samuel tiuquishacari, tiacajinijinio jiyaniijianucuaari tiacajiniji tohuareetaquiaari Samuel naacunuucua na puerenuta. Jiyaniijianucuaari jiyacari naa Samuel nequesotatureequij: —¿Quiaatee seetanujuanaa panaatia tiuquiya canaacuani? Samuelri nojori riucuaree:

1 Samuel 17:12

Jiyacaritij, Judaa jiyajinia, Beleen tiacajinia quijiaari Isaii jiyanishano pueyano. Sauul quishacari Israel pueya camarnu, Isaiiri jiyacari tariucua jiyanohua saaquiano quiriquiase. Nojuajaari ocho niquiohua jiitiariquiaa jiyacari. Niquiriyatu nojorijinijinio quiriquiaacuajaari David.

1 Samuel 17:58

Sauulri David nequesotaree naatej: —Mashajanaa, cua sequere. ¿Cana niyanuteja quiajaniyani? Davidri Sauul riucuaree: —Janiya Beleen tiacajinia quijia Isaii niyanuni. Canaari quiara poonijionaa pueyacuajani, camarnunaa.