Lucas 2:10 - Arabela

¹⁰ Pueyaso seruuri nojori sequeree: —¡Maja nia puerenu! Niaacua nimiaanijia, jiyanohua maninia casaa cua pohuatanura niajaniya. Cunora, puetunu pueyajanaari shuquiriniutianiya.

Lucas 2:10 Iomraidhean Croise

Geenesis 12:3

Janiyari maninia rupaajinia quia maniniuhuaqueetajaca miiriquiano maniniani. Saniniuujia, janiyari noo pojori sesacariquiano quiocuani, quia sesacajacatej. Janiyari quia seera maninia rupaajinia sequeriquiano puetunu jiyacajinia quijiaca pueyapuejanaani.

Mateo 14:27

Jesuuri ritia pocuaree. Canaa sequereeri: —¡Nioojia nia cumaquiri! Janiyacuajanijia. Maja nia puerenu.

Mateo 28:18

Jesuuri canaacua catecanoree. Canaa sequereeri: —Janiyari puetunu cumaacajanaa niquitiosaareeni, Jiyaniijiajanaa cua quiniuria jiyocuacaanu, mijirianio.

Mateo 28:5

Maajipohua jaara tiuquiquiaari raajinia, Pueyaso seruuri nojori sequeree: —Maja nia shiriiquiniu. Janiyacuajaari niishiyani niaari Jesu pajeya, niyacutesanojinia mosanotej.

Marcos 1:15

Jesuuri naa sequequiaari pueyatej: —Nia sequeyanijia, nio pa quishacarini, quiarijiaari Pueyaso jiyanooshacari pueya, na muerasura nia quiniuria. Cunora, Pueyasojiniji cua pohuatasanoocua nia tiuuri. Nioojia nia tacatore sesa nia miiniujiniji, Pueyaso tojitiajaca nia quiniuria.

Marcos 16:15

Na nuhuaji, Jesuuri nojori sequeree: —Nia quiaare puetunu jiyacajiniajanaa, janiyajiniji Pueyaso rupaa nia pohuatanura, puetunu nia pohuatasanoocua tiuujiaca pueyapuejanaa jiyanooshaanura.

Lucas 1:13

Pueyaso seruuri na sequeree: —Maja puerenu Zacaríasnaa. Pueyasocuajaari quia secojosano tojiquiaari. Quia niquiocua Isabelri quiara muetunutaniya. Quiocua na sesojore “Juan”.

Lucas 1:19

Pueyaso seruuri na riucuaree: —Janiyacuajaari Gabrielni, Pueyaso tacoji nujuana, na sequesano cua miiniuria. Nojuajaari cua jiyaroree cua pohuatanura quiajaniya nio maninia casaa Pueyasojiniji.

Lucas 1:30

Na nuhuaji, Pueyaso seruuri na sequeree: —Maríanaa, maja puerenu. Pueyasoori quia shuquiritiniutianiya. Quiaacuajaari na timitiasano.

Lucas 2:11

¡Niaacuaji Tacunaari tari rasaaree supuetana David tiacajinia! Nojuajaari Pueyaso Jiyarosano, pa Jiyaniijia Cristotuhuaj.

Lucas 24:47

Naa naajiotasaaquiaarijiuhuaj, Jerusalén tiacajinia, janiyajinijiiri pohuatasaanutaniya pueya niquiara, na nuhuaji puetunu jiyacajiniajanaanio. Pueya tiuushacari cucua, nojori jaara noojiaca tacatorohua sesa nojori miiniujiniji, sesa nojori miishanoori tuujusaanutaniya, Pueyaso jiyanooshacari nojori.

Lucas 8:1

Na nuhuaji, Jesuuri rucuanejoquiaari queraatia tiacajinia, shiitianiyojua tiacajiniajuhuaj. Nojuajaari tii Pueyaso rupaa pohuatariquiaa, taa Pueyaso jiitianu paniya na muerasuni. Na doce saquiriojosano pueyari na cojiriquiaajaacuhuaj.

Hechos 13:32

’Canaari timiyani canaa pohuatasacari niajaniya, ¡Pueyaso pohuatasano pa supuetanaari tari tohuateecanu! ¡Pocuaji Tacunacuajaari tari miiquianu puetunu pa jiyanooshaanurajanaa!

Romanos 10:15

¿Pueyaso Rupaa pohuatanaatucua taa cuno pojoriicua quiaareni, nojori jaara jiyaramiquiyaquishaare? ¿Pueyaso rupaa pohuatanaate jiyaramiquiyaquishaaquiaari? ¡Maja! Jiyaramiquishaaquiaaricuaja. Naaratej, naa naajiotasano quiyari tariucuacaanu Pueyaso Rupaajinia: “Jiyanohua timitiasano pueya cutaraari, noo pojori canapuete tamasacaacua quiajani, nojori na pohuatanura Pueyaso rupaa”.

Efesios 3:8

Jesucristo paraca cua quiniuucua tarijia, janiyara, janiya cuaara socua rerequetesano pueyano quiiria puetunu cuarta Pueyaso pueyajinijijianaa. Saniniuujia, jiyanohua jiyanootio Pueyaso quiniuucua, nojuajaari cua jiyanooquiaari. Cua jiyatequiaariiri seetanu rupaajanaa Neyanu Jesucristojiniji pohuatana cua quiniuria taucuacara. Janiyari cunora Pueyaso shuquiritiaa jiyanohuani. Cristo jiitiasano pajaniyaranoni, puetunu cuno casaajanaari pa niishishoojua.

Colosenses 1:23

Niaari naa quiniutianiya maninia, niaa jaara cumaatia rupaaquiaa Cristoocua, nocua nia tiuushacari, nioojia nia niquijioteyaquiniutia. Majaari nia niishiriojonu Pueyaso naasucuaari maja na miiniu quiniutianiya puetunu na sequesanojuanaa niaara, taa nia tojiquiaaricuajani. Nia tojishano Pueyaso rupaacuajaari tari pohuatasaacanu puetunu jiyacajiniajanaa. Janiya, Pabloni, janiyari na pohuatanu naacutaajaaniuhuaj.