Lucas 16:1 - Arabela

¹ Jesuuri na pueya pohuataquiaari nio miriqui pohuatasanojuhuaj, nojori na niishitiojonura: —Tamonu casamiriaca pueyanoori tamonu pueyano jiitiaja na casami cojuariquiano, na cumaneecanio. Tamasaca pueyari cuno camarnu pohuataree na seruna na cumaneeca riutiocoriquiaa jiyasohuaja, tama nerajaaja.

Lucas 16:1 Iomraidhean Croise

Geenesis 15:2

Abramri Pueyaso riucuaree: —Cua Pueyasonaa, ¿Casaatejaara cunoni quiaa cua niquitionu paniya shuquiriaatia cua quiniuriani? Najuhuana naasucuani.

1 Croonicas 28:1

Camarnu Davidri Jerusaleen tiacajinia puetunu nio pojori narta Israel pueyajinijiniojuanaa rerejotequiaari: niquiriyatu jiyaniijia puetunu Israel doce maapuejinijiniojuanaa, puetunu miaquetoojonuucua puerojonaa jiyaniijianucuajuhuaj, miaquetoojonuucua mil pueya puerojonaa jiyaniijianucuanio, miaquetoojonuucua cien pueya puerojonaa jiyaniijianucuanio. Naajuhuaj, camarnu Davidri nera cuhuariquiaca cuhuorojonaa pueya jiyaniijianucua rerejotequiaarijuhuaj, na juyaca cojuanaa jiyaniijianucuajuhuaj, puetunu necohuarajanaa cuhuorojonaa, na juyaca cojuanaa jiyaniijianucuajaajanio. Puetunu narta camarucua tojishano pueya rerejotequiaarijaariuhuaj, naajuhuaj socua cumaacaraca miaquetoojonu niishijiaca na pueyajaajanio.

Mateo 20:8

Pananu tiuquishacari, cuhuariquia camaruuri na casami cojuana sequeree: “Cua poonitijiosano pueya quia piiri miji, nojori rerejonura. Na nuhuaji, cua sequesano cumaneeca quia niquitiojore puetunu nojorijianaa taa cua sequeree coteenujuanaa quiria poonijionaacuajani. Majaari rimiajata nojori niquitiojonu. Coteenu quia niquitiojore tariucua pananu piriuushacari cua jiyaramiquishano. Naa quia niquitiojore puetunujuanaa. Quiocua naa tucuatare niquitiojonu noo pojorijiuhuaj, canapuete tariquiicuaji coteeree poonijionucuajani”.

Lucas 12:42

Jiyaniijiaari na riucuaree: —Tamonu seru jaara maninia seru quiri, nocua tiuushano, niishijiajuhuaj, na jiyaniijiaari cuno na seru jiyatenutaniya narta seya jiitiariquiano na niti na niyacari. Nojori jiyaniijia niyacari, cuno seeratasano seruuri narta seya mianuutenutaniya maninia, taa nojori jiyaniijiajanaa mianuutequiaa nojoricuaani.

Lucas 15:13

Socua naatujuaari rupaquijia camueenujuquiaari na que tiajinia. Na nuhuaji, puetunu na que niquitiosanojuanaa nojuajani, nojuajaari saniniuujia tamasaca na niquitiojoree na cumaneecara. Na nuhuaji, na cumaneecata quiaquiaari tucuacaanuuri, tamonu jiyajinia. Cuniqui, puetunu na cumaneecajanaa puecaquiaariiri sesa na miiniutia.

Lucas 15:30

Quiarijia saniniuujia, quia niyanu seque tiuquishacariuhua, ¡quiaari querasapiquia juunu niquiojua moree nera! ¡Nojuajaari quia cumaneeca puecacanu paanatujuriicua!”

Lucas 16:19

’Casamiriaca pueyanoori quiquiaari. Jiyanohua maniniuqui toqueya cushiyojojuaari, juhua jiyaniijianucua toqueya. Jiyanohua na shuquiriniutia, puetunu juucajanaa queranacujujuaari.

Lucas 16:2

Cunora, jiyaniijiaari cuno na seru sequeree: “¿Taa quia miiquiaa janiyani? ¡Quiaana sesa miiquiaa! Quiarijia cua niquitiore quia naajiotasano puetunu quia miishanojinijijianaa. Majaari socua quia quiniu quiniutianiya cua casami cojuana”.

Lucas 19:20

’Na nuhuaji, tamonu na seruuri nocua nimiaajuhuaj. Na jiyaniijia sequeseeri: “Jiyaniijianaa, niya quiya quia cumanee quia niquitiosano janiya. Janiyari na cojuacanu maniniani, toqueraujinia jiuniocosano.

Lucas 8:3

Quiriquiaajaariuhua Juana, Cuza niquiocuani. Cuzaari jiyaniijia Herodes jiitiasano casami cojuana quiquiaari. Susaanaari nojorijinijinio quiquiaarijiuhuaj. Socua queraatia maajipohuari quiriquiaa. Puetunu cuno maajipohuajanaari Jesu naacutaquiaari tama nojori jiitiasano casaatajaaja. Nojoriiri nera pueraquenuunaa quiquiaarijiuhuaj, tiquiyocua nojori rucuanejosacari Jesuta.

Tito 1:7

Cante Pueyaso muerasu jiitianani, nojuajaari Pueyasora poonijiojua. Naaratej, nojuaja cuaara quiiria maninia quijia, sesacasoo, maja tojiyashijia. Cuaara quiyaquiiria ritia juaajia, mashaasequejojua, piyojotaja. Cuaara quiyaquiiria cumaneeca panijia sesa na miishanota na masenura.

Santiago 4:3

Naajuhuaj, niaa jaara na secojore, majaari nia masenu quiquiaa nia masesano. ¿Casaara nia maseyaquiquiaanoj? Nia sequereeraj. Niaari sesa nia jiaatianuta na masequiaajuhuanajaj. Niaari nia jiaatiasanoocua masequiaa juucua, tama nia cuaqueyajaaja nia shuquiritiniuria.

1 Pedro 4:10

Pueyasocuajaari na Sohuanu niquitioquiaa puetunu na pueyajanaa, tamaatia maninia casaa miiniu niishijiaca pa quiniuria. Naaratej, puetunu niajaniyajanaa cuaara maninia miiria niarta Pueyaso pueya pueyaracaanu, taa Pueyaso cumaquiquiaa niajaniya maninia nia miiniuriacuajani. Maninia nia poonijioteriquia Pueyaso cumaaca, nojuaja niquitiojosano niajaniyani.