Lucas 13:7 - Arabela

⁷ Cunora, na cuhuariquia cojuana sequereeri: “Quia niquiri nio naana. Janiyari pueyaracaanu najuhuana niquiaani na jajau pajenura. Pueyaracaanu muetuyaquiyari. Tari na shocojorucuaari jiuujianaraca marijia. ¡Quia nure! Tamonu cuaara na nujuasaqui natasaaria, na muetunura cutara”.

Lucas 13:7 Iomraidhean Croise

Exodo 32:10

Quiarijia cutara, Moiseesnaa, nareja cua niquiri. Maja cua tenujunu. Puetunujuanaa nojori puecooreeraquij. Jiyanohua juayanijia. Saaja quiajaniyacua cureere. Janiyacua quiocuajinio supueno pueya canijiare jiyanohua queraatiara nojori niti cutarani.

Daniel 4:14

Nojuajaari jiyanohua nacaree naatej: “Cuno naana nia nure. Jiyareta nia cashacureerenoj. Na muecaca nia joojorejuhuaj. Puetunu na jaajanaa nia niyacare tiquiyocua. Naajuhuaj, puetunu na cariquioco nujuatiuyano casamijianaa nia jaacare, na cashacucuaacua tiuutiuyano jaacuatujuaca casamijaajanio.

Mateo 7:19

Naana jaara sesa jajau muetujua quiri, nushiyari, manijinia catijiasocoriquiano.

Lucas 13:8

Cuhuariquia cojuanaari na riucuaree: “Jiyaniijianaa, quia tarinitiarejaara tamonu marijiara. Janiya na pajama jiya tacarojotanutaniyani na sasetanura. Na nuhuaji, janiyari juunu cueaca na pajama paatiniutianiyani.

Lucas 3:9

¡Pueyaso cajiiri tari mataa naana pajama, sesa naana nuujutajara! Naana jaara sesa jajau muetujua quiri, nushiyari catijiasocoriquiano. Naajuhuaj, niajaniyari juhua sesa muetuna naana, maninia miyashijia nia quishacari. ¡Niaari quera saniitioshiyacuaja!

Juan 15:2

Cua pueyari juhua cua cashacucua. Tamonu cua cashacucuajinijinio jaara muetuyashijia quiri, cua Queeri na piyotaja. Teyano cua cashacucuajinijiniote muetujua saniniunijia, cua Queeri na nacareetaja, socua queraatia na muetunura.

Juan 15:6

Cante cua rupueyashijiani, nojuajaari taraatia miishaanutaniya juhua uva cashacucua piyotasano neyonajiniji, tamocora jaquerootasano. Jaara sorere, tatucuasaarohuari manijinia quejoosocoriquiano. Tii cateyari.