Lucas 11:2 - Arabela

² Jesuuri nojori sequeree: —Pueyaso nia secojosacari, naa nia sequere: “Jiyocuacaanu quijia canaa Quenaa, puetunu pueyajanaa cuaara niishiiria quiaari tojetaarucuajanaa sesa miyashijia. Pueya cuaara seetanujuanaa quia jiyateera nojori jiyaniijia quia quiniuria. Quia panishano cuaara miishiiria mijiria, taa jiyocuacaanu miishiyacuaani.

Lucas 11:2 Iomraidhean Croise

Daniel 2:28

Cua camarnunaa, saaja niquiriyatu Pueyasojuanaa cutaraari jiya cajiniocua quiya. Nojuajaari pa niishiyaquishoo casaa pa tojua. Quiarijiani, nojuacuajaari quia tonu paniya taa nio jiya quiniutianiya pa rishiniu nuhuajini. Quiarijia quiara pohuatareera quia maquenujinia quia niquishano, noojuhuaj, quia tacaashacari quia niquishanotej.

Daniel 2:44

Naa cuno camarucua jiitiasacari puetunu tiquiyocuaca jiyacajinia nojori pueyatej, jiya cajiniocua quijia Pueyasoori saniniuujia jiyacari tamonu camarnuujuanaa nianutaniya mijiria. Nojuajaari pueyaracaanu rishiriquiano cutara. Na paraa jaara na miaquejonu paniri, shocotaaquishoo quiriquianoori, shaajayaquishoojuhuaj. Tamonu jiyajinijinio jaara nocua quejare miaquejonu, najuhuana nocua saneriquianoori juhua na nujuatariquianojua. Nojuajaari saniya nojori puecajoriquiano miaquejonu puetunujuanaa. Naa na paraa na miaquejonu nuhuajitij, camarnujuanaa na quiniuucua tama nojuajaarijia pueyaracaanu rishiriquiano cutara.

Leviitico 10:3

Naacuatej, Moiseesri Aaroon sequeree: “Pueyasocuajaari naa miiriiqui taa na sequequiaaricuajani. Nojuacuajaari naa sequeja: ‘Cante cucua catecanonu panijiani, janiyari na niishitiniutianiyani janiyari tojetaarucuajanaa sesa miyaquijiani. Naajuhuaj, puetunu pueyajanaari shacantuuca cua cumaaca niquiriquiano.’” Naa Moisees sequenuucua, Aaroonri sanaajequiaari.

Mateo 10:32

’Niaa jaara tamasaca pueya niquiara sequere niaari cucua tiuujiaca cutara, janiyacua jiyocuacaanu quijia cua Que niquiara sequerejaniuhuaj, niaari cua muerasu.

Mateo 3:2

Naa pohuataquiaaritij: —¡Nioojia nia tacatore sesa nia miiniujiniji! Pueyasoori tari nia jiyanooniu paniya, na muerasu nia quiniuria seetanujuanaa.

Mateo 5:16

Naajuhuaj, niajaniya cuaara maninia miiria pueya niquiara. Maninia nia miishacari, niaari pueya cuhuataa juhua samaritiu. Naa maninia miijia nia quishacaritij, pueyari Jiyocuacaanu Quijia nia Que Pueyaso maniniuhuaqueetanutaniya.

Lucas 11:1

Tamacari, Jesuuri Pueyaso secojoriquiaa tamaqui. Na puecasacari secojonu, tamonu na pueyajinijinioori na sequeree: —Jiyaniijianaa, canaa quia niishitiojore canaa secojonura Pueyaso, taa Tiuquinijiona Juan niishitiojoquiaari na pueyacuaani.

Romanos 1:7

Puetunu Pueyaso panishano pueyajanaa, canapue Pueyaso saquiriojoquiaari saa maniniaja nojori quiniuriacuajani, janiyari niaacuara naajioteyani. Pa Que Pueyaso, pa Jiyaniijia Jesucristojuhuaj, nojori cuaara cumaquiiria niajaniya, maninia na tojijiaca nia quiniuria. Naajuhuaj, nojori cuaara nioojiaca cajitiiria shuquiriaatia nia quiniuria pueyaracaanu.

Romanos 8:15

Pueyaso Sohuanucuajaari pa jiyatequiaari Pueyaso muerasuniyojua pa quiniuria. Naacuajitij, cuno pa jiitiasano Sohuanuuri Pueyaso pa sequetequiaa, “cua Quenaa”. Naa Pueyaso muerasuniyojua pa quishacaritij, majaari tari pa puerenu paari saniitiosaanutaniyani, Moisés Rootasano pa tojiyaquiniuucua.

1 Corintios 1:3

Pa Que Pueyaso, pa Jiyaniijia Jesucristo cuaara cumaquiiria niajaniya, juhuajaniya nia quiniuria.

2 Corintios 1:2

Pa Que Pueyaso, mariyata pa Jiyaniijia Jesucristo cuaara cumaquiiria niajaniya. Nojori cuaara jiyateera niajaniya juhuajaniya quijiaca nia quiniuria.

Gálatas 1:4

Jesucristoori tama na cuaqueyajaaja panitiaquiaari pocuara na mosaanura. Naacuajitij, nojuajaari pa jeequequiaari puetunu sesa pa miishanojinijijianaa. Nojuajaari naa miiquiaari sesa miiniuucua jiaatianu pa cartenura. Nojuajaari naa cusoquiaari pocuaratej, taa pa Que Pueyaso paniquiaaricuajani, na muerasu pa quiniuria.

Efesios 1:2

Pa Que Pueyaso, mariyata pa Jiyaniijia Jesucristo cuaara taraajeera niaacua, maninia na miiniuria niajaniya. Nojori cuaara cajitiiria nioojia pueyaracaanujuhuaj.

Filipenses 1:2

Pa Que Pueyaso, pa Jiyaniijia Jesucristonio, nojori cuaara cumaquiiria niajaniya na Sohuanuta. Nojori cuaara cajitiiria nioojiajuhuaj.

Filipenses 4:20

¡Pa Que Pueyasoori jiyanohua maninia! Saaja nojuaja pa shuquiritiare pueyaracaanu. Cuaara naa quiiriatej.

Colosenses 1:2

Niaacuara naajiyanijia, canapue Pueyaso saquiriojoquiaaricuajani tama nerajaaja nia quiniuria. Niajaniyacuajaari maninia tiuuquiaa Pueyasoocua, Cristo rupuesano nia quishacari. Pa Que Pueyaso cuaara cumaquiiria niajaniya, shuquiriaatia nia quiniuria, juhuajaniya nioojia quiniuriajuhuaj.

1 Tesalonicenses 1:1

Janiyari Pabloni. Janiyari nio naajiya Tesalónica tiacajinia quiniaa Pueyaso pueya maanuucuarani. Niaacuajaari pa Que Pueyaso rupuejaca, pa Jiyaniijia Jesucristo rupuejacanio. Canaari mariyata nia saruhuataani, Silvano, Timoteonio. Pueyaso cuaara maninia jiitiaara na cumaacata niajaniya, maninia nia quiniuria. Cuaara nioojia cajitiiriajuhuaj, juhuajaniya nia quiniuria.

1 Tesalonicenses 1:3

Pa Que Pueyaso canaa secojosacari, canaari pueyaracaanu niishiquiaa niajaniyani, taa pueyaracaanu nia poonijioquiaa Pueyasorani, Neyanuucua nia tiuuniuucua. Canaari niishiquiaajuhuaj taa nia paniniutia nia naacuquiaa niarta pueyani. Naajuhuaj, niaari maninia rejeretaquiaa taraatia nia miiniu, nia niishiniuucua pa Jiyaniijia Jesucristoori pocua niniutianiuhua.

2 Tesalonicenses 2:16

Jiyanoojia pa Jiyaniijia Jesucristo quiniuucua, pa Que Pueyasojuhuaj, nojoriiri pa paniquiaa. Naajuhuaj, poojia cajitiquiaa pueyaracaanuraari. Na rupaacua pa tiuutiquiaariiri, pa niishiniuria paari jiyanohua maninia miishaanutaniya pueyaracaanuni.

Apocalipsis 11:15

Séptimo Pueyaso seruuri na trompeta joneneree. Jiyacaritij, puereetuuca rupaacaari jiyocuacaanu tojishaaree. Naa sequeturiquiaari: —¡Quiarijiani, pa Jiyaniijia Pueyasoori tari jiitianutaniya puetunu jiyacua jiyaniijianucua jiitiasanojuanaa! ¡Nojuajaari pa Jiyaniijia Cristota Jiyaniijianucuajanaa quiniutianiya! ¡Nojoricuajaari pueyaracaanu Jiyaniijiajanaa quiriquiano!

Apocalipsis 15:4

¡Quiaari pueresano, Jiyaniijianaa! ¡Quiaari tojetaarucuajanaa maniniuhuaqueetasano seetanujuanaa! ¡Saaja quiajaniya cutaraari tojetaarucuajanaa maninia miijia pueyaracaanu! Naaratej, puetunu jiyacajinijinio pueyajanaari quiocua nijionutaniya nojori shuquiritianura quiajaniya, maninia quia saniitiojonuucua quia paraajuhuaj.

Apocalipsis 19:6

Jiyacaritij, janiyari queraatia pueya tojirii jiyanohua nacaanoni, juhua puereetuuca sararojua, juhua miacana majacunujuhuaj. Puetunu nojorijianaari naa sequeriquiaa: —¡Jiyanohua maninia pa Jiyaniijia Pueyaso! ¡Nojuaja pa timitiariquia pueyaracaanu! ¡Nojuacuajaari Jiyaniijiajanaa! ¡Puetunu cumaacaracajanaajuhuaj!

Apocalipsis 20:4

Janiyari jiyacari queraatia pueya niquirii jiyaniijia cajitiucuajinia cajitiuyanoni. Nojoriiri nequesoreenaara Pueyaso jiyatesano pueya quiriquiaa, mijiria quijiaca nojori jiitianura. Janiyari noo pojori sohuanuhua niquiriijiaaniuhuaj, canapuete nacareesaaquiaaricuajani nojori poojotanuucua pa Jiyaniijia Jesujiniji, Pueyaso rupaa tojitiajaca nojori quiniuucuajuhuaj. Nojori cutaraari cuno na naca pishano cushiriiniohua Casaacuara jacamatiuyaquiquiaari tojetaarucuajanaa, juhua nojuaja niquishano shipinishano Casaacuarajuhuaj. Naajuhuaj, majaari nojori shanacunu quiquiaari cuno puereeta niquishano Casaa sesa naajiotasaanura nojoriicua. ¡Cua niquishacari, nojoriiri cua niquiara samiitiacoquee, jiyaniijianucuara nojori jiyatesaanura! Mil marijiaari nojori shocojoree, jiyaniijianucua nojori quishacari pa Jiyaniijiata.