Leviitico 17:4 - Arabela

⁴ cuno pueyano jaara na seru nitiaaquimia Pueyaso secojojua suhuortu tohuateyaji Pueyasoocuara mosocoriquiano Pueyaso Quishaqui tacoji, na mosano nanacaari nocua tiuutiasaariquiano nanaca na shootenuucua tamaqui. Naa na miiniuucuatej, cuno pueyano cuaara mosaaria na pueya tajiniji.

Leviitico 17:4 Iomraidhean Croise

Geenesis 17:14

Saniniuujia, cante na sapiquianacoocua jiyatasooni, nojuaja cuaara nia tajiniji taanuusaaria tojetaarucuajanaa. Cuaara naa miishaariatej, na miyaquiniuucua niaara cua sequesano.

Leviitico 17:10

“Israel pueyajinijinio, nojoritia quijia tahuejinijiniojuhuaj jaara casaa nanaca miaquere, janiyari jiyano pueyano ruuretanutaniyani. Janiyari narta pueya tajini na shaajariquianoni.

Leviitico 17:3

‘Tamonu pueyano cua Israel pueyajinijinio jaara tamonu casaacuara juhua Pueyasoocuaraja moriquia na juunu, na borreeco, na cabra soj nia suhuortucuajinia, tiquiyocua soj,

Leviitico 17:5

Naa sequeyanijia Israel pueya nitianura cucua na puecootusocoriquiano seya, teyano nojori puecooquiaa tiquiyocua samaruhuacuaracuajani, maja cucuara. Nojori cuaara nitiaara na miaquesocoriquiano seru pueyacuara secojonaacua cua secojojua suhuortu tohuateyaji tii na nanaca shootesaanura cua niquiara, cua jiyanooniuria seru camaru.

Juan 10:7

Nocuaji Jesuuri naa nojori sequerohua maatia: —Seetanujuanaa nia sequeyanijia, janiyari juhua tohuateyani, cua borregohua tiuquitianura cua Que Pueyasoocua.

Juan 10:9

Janiyari juhua tohuateyani. Cante janiyajiniji tiuquiya cua Queecuani, nojuajaari Pueyaso pueyanora jiyatesaanutaniya cutara. Cuno pueyanoori maninia cojuasano juhua borrego. Janiyari na tiuquininiutianiyani, tii na quiniuria maninia cojuasano. Janiyari juuca na tohuatenutaniyani, jiyasocua cua miaquetenura carijiniacuma.

Juan 14:6

Jesuuri na riucuaree: —Janiyacuajaari cuno nuuni, Pueyasoocua nia quianura. Janiyacuajaari seetanujuanaa Pueyaso Rupaani. Janiyari pueya samiitianijiajuhuaj. Majaari pueya naata Pueyaso rupuenu tamajaaja. Saaja janiya cutaraari pueya rupueteja Pueyasoni, nojori tiuushacari cucua.

Romanos 4:6

Pa supuetanaa jiyaniijia Davidcuajaari naa pohuataquiaari taa shuquiriaatia pa quiyani, Pueyaso jaara pa jiyatere juhua sesa miyashijiaca pa quiniuria na niquiara, maninia miyashijia pa quishacarijia. Naa naajiotasaaquiaariiri David sequesano:

Romanos 5:13

Moisés Rootasano quiyaquishacarijia, pueyari tari sesa miiniu niishijiaca quiquiaari. Jiyacaritij, pueya miishacari sesa, majaari nojoriicuara saquiriojotasaanu quijia sesa nojori miishacari.

Romanos 5:20

Moisés Rootasano jaara niishishaaquiaari, pueyari socua sesa miijiacara jiyacatequiaari. Naa socua sesa miijiacara pa quishacaritij, naajuhuaj, Pueyasoori socua jiyacatequiaari pocua taraajenujuhuaj.