Leviitico 14:6 - Arabela

⁶ Na nuhuaji, pueyacuara secojona cuaara na curosano shiyojua saminio quiaara, suruhuatu maca, naatuuca nishiyocuajuhuaj, hisopo jiyanishano jaamasunio. Cuaara puetunu cuno casaajanaa shiiria noo mohuacajinia tee shiyojua nanaca shootesaaree samojinijinio mohuacajiniacuajani.

Leviitico 14:6 Iomraidhean Croise

Apocalipsis 1:18

Janiyari pueyaracaanu quijiani. Macu quiquiaarinijia. Naajaa, janiyari samiitiaquiaariuhuani pueyaracaanu saminio cua quiniuria. Janiyari macunucua quiquio riatataja camaruni. Naacuajitij, janiyari cumaacaracani cua tojiyashijiaca cua quejoonura macunucua quiquiojinia.

Apocalipsis 1:5

Pueyaso Niyanu Jesucristoori seetanujuanaa puera caminiujiunia puetunu na Que Pueyaso Rupaajanaa. Nojuajaari quiarinio na cuaqueyata pa coteetaquiaari samiitianuhua macujiniji. Nojuacuajaari puetunu mijiria jiyaniijianucuajanaa Jiyaniijia. Nojuacuajaari pa panijia. Tama na nanacajaaja shootequiaariiri sesa pa miiniujiniji na jayonura pajaniya, tojetaarucuajanaa sesa miyashijiacara na jataniniuria pajaniya.

Hebreos 1:3

Neyanuuri tojetaarucuajanaa maninia, juhua na Quejuhuaj, juhua na Que niquishanojuhuaj. Naacuajitij, nojuajaari jiyanohua shacantuuca cumaacaracajuhuaj. Naacuajitij, nojuajaari puetunu na shipinijiosano casaajanaa rucuanetequiaa maninia, saa na rupaa cumaacataja. Nojuaja jaara cusoquiaari puetunu sesa pa miishanojuanaa na tuujunura, na nuhuaji, jiyocuacaanu tacaquiaariuhuari, na Que Pueyaso miaquetajara na cajiniuria Jiyaniijiajanaa quiquiojinia.

Romanos 5:10

Na paraa pa quishacarijia, Pueyasocuajaari pa jiyanooquiaari, Neyanu cusonuucua pocuara. Quiarijia, nata jeecatoono pa quishacari, Neyanuuri saminio quiya pueyaracaanu pocuaji na tacunura.

Romanos 4:25

Pueyasocuajaari mijiria na jiyaroquiaari sesa pa miishanoocuara mosocoriquiano. Nojuajaari na samiitianiquiaariuhua, Jesu jaatianura nocua pajaniya, juhua tariucua sesa miyashijiaca.

Juan 14:19

Pueyaso tojitiaashijiaca pueyari quiari naataja cua niquiyaquiniutianiya socua. Niaa cutaraari cua niquijiaca quiniutianiya. Samiitianijiojua cua quiniuucua, niaari pueyaracaanu quijiaca quiniutianiyajuhuaj.

Leviitico 14:4

Jaara puetunujuanaa cushiriinio quiri, pueyacuara secojona cuaara tamonu pueyano jiyaroora querajaa shiyojua quioonuucua. Shiyojua cuaara quiyaquiiria pueresano casaa. Cuaara rerateerajuhuaj suruhuatu maca, naatuuca nishiyocua, hisopo jiyanishano jaamasunio.

Leviitico 14:5

Na nuhuaji, pueyacuara secojonaari na naacuna motenutaniya niquiriyatu cuno shiyojuajinijinio. Cuno shiyojua nanaca cuaara shooteshiyara coshijinia cajitiaano samojinijinio mohuacajinia.