Juan 9:4 - Arabela

⁴ Juuca quishacarijia, pa tucuatare miiniu cua Jiyarona sequesano cua miiniuria. Paa quera niniyani. Jaara niniquii, majaari pa naata poonijionu quiniutianiya tari.

Juan 9:4 Iomraidhean Croise

Mateo 20:7

Nojoriiri na riucuaree: “¿Canaatucua taa poonijioreni, canaa jaara pajeshiyaquiri poonijionurani?” Cuhuariquia camaruuri nojori sequeree: “Nia quiaarequi cua cuhuariquiajinia nia poonijionura. Janiyacua nia poonijionu sami cumaneeca nia niquitiorohuani”.

Marcos 3:3

Jesuuri jiyacari sesarucojua pueyano sequeree: —Quia sanere. Niya quia nujuasee canaa tajinia pueya niquiara.

Juan 10:32

Jesuuri saaja nojori sequeree: —Janiyari queraatia maninia casaa miiquianu saaja cua Que cumaacata nia niquiarani. ¿Teyanoocua nia jacunu paniya janiyani?

Juan 10:37

Janiya jaara cua Que panishano miyaquiri na cumaacatani, janiya maara nia juayaquirini cucua nia tiuyaquiniuucua.

Juan 12:35

Jesuuri nojori sequeree saaja: —Janiya, nioojia cuhuatanani, janiyari niaata quiniutianiyajaara rupaquijiani. Nocua nia tiuuri juhuacarijia, ninishiqui quiyaquishacarijia. Cante ninishiqui rucuanejojuani, nojuajaari maja na niishiniu tee na quiaani.

Juan 17:4

’Janiyari tari tucuataree quia sequesano cua miiniuria mijiriani. Naa cua miiniuucua puetunu quia panishanojuanaatej, pueyari quia timitiaa.

Juan 4:34

Jesuuri miriqui canaa sequeree: —Cua miishacari cua Jiyarona panishano, cunoori cua miaquesano, naajuhuaj, cua tucuatasacari na panishano.

Juan 5:19

Nocuaji Jesuuri narta Judiocuaca camarucua sequeree: —Seetanujuanaa nia sequeyanijia, Pueyaso Niyanu cua quishacari, maja cua naata casaa miiniu tamajaaja. Janiyari saaja miiquiaani taa cua Que cua niquiquiaa miyanocuaani. Casaa cua Que miiquiaacuaani, janiyari naa miiquiaajaacuhuaj.

Juan 5:36

Tiuquinijiona Juan pohuatasano janiyajinijiiri seetanujuanaa. Niaa jaara na pohuatasanoocua tiuuniu paniyashijiaca quiyajaa, naajaa. Cua cumaacata cua miishacari, cunora seetanujuanaa nia niishiri, cua Que Pueyasoori cua jiyaroquiaari. Nojuacuajaari cua sequequiaari naa cua miiniuriatej.

Juan 7:33

Jesuuri jiyacari nojori sequeree: —Janiyari saaja rupaquijia niaata quiniutianiyani. Na nuhuaji, janiyari cua Jiyaronaacua riujiuuniutianiuhuani.

Hechos 4:20

Maja cutaraari canaa naata tarinitianu pohuatanu canaa niquishano, canaa tojishanonio.

Gálatas 6:10

Naacuajitij, jaara pa naata quiriquia, maninia pa miiriquia puetunu pueyajanaa. Saniya maninia cutaraari puetunu parta Pueyaso pueyajanaa pa miiniuria maninia.

Efesios 5:16

Nio pa quishacarini, sesa miiniuuri socua caneya puetunu juucajanaa. Majaari pa niishiniu taate tariqui quiniutianiyani. Naaratej, jaara pa naata quiriquia maninia pa miiniuria, maninia pa miiri puetunu juucajanaa.

Colosenses 4:5

Maninia nia niishiriojore taa nia miiniutianiya noo pojorini, canapuetucuaja maja Pueyaso muerasuni. Maninia nia miiri nojori, mijiria nia quishacarijia.