Juan 9:2 - Arabela

² Canaari cunora Jesu nequesotareeni: —Niishitiojonanaa, ¿casaara naa cuno pueyano rasaaquiaari cariyojuaruni, na queya miiniuucua sesatee, tama sesa na miiniuucuajaaja soj?

Juan 9:2 Iomraidhean Croise

Exodo 20:5

Majaari naa nia shipinijiosano casaacuara jacamanutej nia timitiasacari cuno casaa. Janiyajanaacuajaari nia Camarnu Pueyasoni, saa neraja nia panijia Pueyasotuhuaj. Janiyajanaari noo pojori queya saniitioriquianoni, cua paracaajiaca sesa pueyatej. Janiyari naa saniitioriquiano cuno cua paniyaquijiaca pueya niquiohuani, na jiuhuajuhuaj, na jiuhua niquiohuajaajanio.

Mateo 16:14

Canaari Jesu riucuareeni: —Noojiaqueya pueyari sequequiaa, quiaanaari Tiuquinijiona Juan. Herodes motesano naasucuanaari samiitiarohuacuaa. Tamasacaari sequequiaacujua, quiaanaari Elías, tariucuacaanu pueyara Pueyaso sequesano caminiujiunia. Tamasacaari saniniuujia quia sequequiaacujua, quiaanaari supuetana Jeremías, pueyara Pueyaso sequesano caminiujiuniajuhuaj, tamonu Pueyaso sequesano caminiujiunia soj.

Mateo 23:7

Nojori rucuanejosacari tiacajinia, nojoriiri paniquiaa pueya saruhuatanura nojori. Panitiuquiaajaariuhua pueya jiyaniquiniuria nojori “niishitiojonaata”.

Mateo 23:8

’Niajaniya saniniuujia cua pueyanaa, majaari pueya shanacunu niaacua, nojori jiyaniquiniuria niajaniya “niishitiojonaata”. Niajaniya cutaraari niquiriyatujua Niishitiojonaraca. Puetunu niajaniyajanaari niarta Pueyaso pueya tapueyocuaca.

Lucas 13:2

Jesuuri nojori sequeree: —¿Niaateeri jiyaniya cuno Galilea pueyari naa miishaarucuaa socua jiyanohua sesa miijiaca nojori quiniuucua narta Galilea pueyajiniji?

Juan 4:31

Cuno maaji quiasacari na tiacajiniohua, jiyacaritij, canaari Jesu mianuutenu paniriquiaa juucuani. Canaari na sequeriquiaani: —¡Niishitiojonanaa, quia miaquere!

Juan 9:1

Tamacari Jesu rucuanejosacari canaata, canaari cariyojuaru pueyano niquiriini, naa rasanojuhuanajaj.

Juan 9:34

Cuno pojoriiri na juaaniutia na sequeturee: —¡Quiaari sesa miijia rasaaquiaari! ¿Quiaateeri jiyanojuaa canaa niishitiojonu paniyaruhua? Naaratej, narta Judiocuaca camarucuaari na tenujuturee maja socua na tiuquiniuria Pueyaso secojojua tiajinia. Naacuajitij, cuno pueyanoori juhua taanuusano pueyano quiquiaari narta Pueyaso timitiajaca pueyajiniji.

Hechos 28:4

Cuno jiya tucuaatiajaacua quijia pueyari soconu niquiquiaari Pablo juaashiquiaacuaji sohuataano. Jaara naa niquitiuquiaaritij, tama nojorijiaarijia sequetooquiaari: —¡Nio pueyano naasucuaari pueyano mojua! Cocuaatia miirii juucua shoniniacu caminiajinia na cuasacari buquejinijiiri. Pueyasoori quiarijia saniniuujia cunora soconu na sajitirii na cusonura.