Juan 7:3 - Arabela

³ Jiyacaritij, tama Jesu tapueyocuacajaarijia naa Jesu sequeturee nojori macaatiniuria nojuaja: —¡Majaari niyaja quia jateenu! Quiocua queranacunuucua Judea jiyajinia quiaarejuhuaj. Quiocua tii miijiosee quia cumaacata, quia jiyopue niquiniuria puetunu quia miishanojuanaa.

Juan 7:3 Iomraidhean Croise

Geenesis 37:20

Miji, moseeca seque pa more. Pocua pa mosano jatarohua raamani. Pocua na nuhuaji pa que pohuatasuhuani sarequi Josee sarucuaa. Naa pa miiniu nuhuajitij, pocua moseeca maquiyojosano shanacurohuani ¿seetanujuanaa tohuatenutaniyatejanojoni?

Mateo 12:46

Jesu pohuatasacarijia pueya niquiara, na nucuaari tiuquiijioquiaari Jesu tapueyocuacata Jesuucua. Carijiniacuma quitiuriquiaari. Jesuta pocoojonu paniriquiaa juucuaari.

Marcos 3:21

Jesu tapueyocuaca jaara niishiquiaari naa nocuajitij, nojoriiri nocua nijioquiaari na riniuucua juucua. Tama sequetooriquiaajaarijia: —¡Jesuqui tari paatecara quiriijuhuanajaj!

Marcos 3:31

Jiyacaritij, Jesu nucuaari tiuquiijioquiaari, Jesu tapueyocuacanio. Majaari tiajiniaaco na tiuquitianu quiquiaari Jesuucua. Saaja carijiniacumaji tamonu pueyano sequetureeri na numootenura Jesu nojoriicuara.

Lucas 8:19

Jiyacaritij, Jesu nucua Jesu tapueyocuacata tiuquiijioquiaari Jesu quishaqui. Majaari nojori naata tiuquitianu quiriquiaa Jesuucua. Jiyanohua queraatia pueyari nocuara ritiariquiaa saaja tia tohuateyaji.

Lucas 8:20

Tamonuuri Jesu numooteree: —Quia nucua quia tarajanuhuata jati carijiniacuma quiya. Quia niquitiuniu paniyaquinia.

Juan 2:2

Jesuuri na saquiriojosano pueyata masuusaaquiaarijiuhuaj, camishacari queranacunura. Janiyari na saquiriojosano pueyano quiriquiaa jiyacari tarijiuhuaj.

Juan 6:60

Naa pueya tojishacari Jesu niishitiojosanotej, queraatia na nuhuajiniaa pueyari naa sequetooquiaari tamajaaja: —Cuno na sequesanoori jiyanohua jiyajeneta pa miiniuria puetunujuanaa. Maja pa naata. ¿Cantucua na tojirijaarajaaranijia?

Juan 6:66

Jiyacaritij, queraatia Jesu nuhuajiniaa pueyari na cartequiaari. Nojoriiri maja tari Jesuta na rucoojonu quijia.

Juan 7:10

Na tapueyocuaca jaara quiojoquiaaricuaa Jerusalén tiacajiniara tii queranacunuunura, Jesuuri jiyasohuaja quiaaree nojori nuhuajijiuhuaj.

Juan 7:4

Pueyano jaara puetunu pueyajanaa tojiniu panishano pueyano quiniu paniri, ¿maatucua casaara jiyasohuaja miijiore na cumaacatani? Naatej, taa niya quia miijioquiaa quia cumaacatacuaani, naa quia miijiosee puetunu pueya niquiarajanaa Jerusalén tiacajiniajuhuaj.

Juan 7:5

Majaari quenaaja tapueyocuaca tiuuniu quijia Jesuucua. Cunora naa na sequetureeri.

Hechos 2:14

Jiyacaritij, Pedroori juhuacatecara pocuaree cuno pojori niquiara. Pedroori nujuaturiquiaa narta once pueyata. Na rupaa paaretaree Judiocuaca tojiniuriaari. Naa sequereeri: —Cuarta Judiocuacanaa, maninia nia tojitiare casaa cua sequenutaniya niajaniyani. Puetunu Jerusalén tiacajinia quiniaajanaa cuaara niishiiria cua pohuatasano.

1 Samuel 17:28

Na saaquiano Eliabri David tojirii naa narta pueya nequesoreyanotej. Na saaquianoori naacua najiquiquiiquij. Naa na juariiri: —¿Casaacua miji canaacua quia niyareerinij? ¿Cana quia seerataarucuaa cuno caapiquiriyatu borreeconiyojua pa jiitiasanorinij cariiquia jiyajiniaarinij? Janiyari naacua quia niishiyani. Quia niishiriojosanoori maja maninia. Quiaari niya canaacua tiuquirii nareja canaa quia shootianura canaa miaquetoojosacari.