Juan 7:12 - Arabela

¹² Puetunu pueyajanaari Jesujiniji sasacojotooriquiaa. Noojiaqueyari sequeriquiaa: —Jesuuri maninia pueyano. Tamasacaari saniniuujia sequeriquiaacujua: —¡Maja maninia pueyano! ¡Pueya sapojojua najuhuanaj!

Juan 7:12 Iomraidhean Croise

Mateo 10:25

Pueyano jaara maninia tojiriquia na niishitiojona, maniniacuajaari nojuaja jaara na nuhuaji juhua na niishitiojonara quirijiuhuaj. Maniniacuajaari, seru jaara juhua na camarnura quirijiuhuaj. Naaratej, nia Jiyaniijia jaara jiyaniquishiyacuaa “Sesaacata”, ¿taariquitijia socua na muerasu sesacasaanutaniyatej?

Mateo 21:46

Naaratej, nojoriiri Jesu quianu panirii juucua, nojori juaaniutia. Nojoriiri saaja puereriquiaa pueya. Pueyacuajaari sequeriquiaa Jesuuri seetanujuanaa Pueyaso sequenu panishano caminiujiunia quiquiaari. Naaratej, jiyaniijianucuaari jiyamitia puerecoriquiaa Jesu nojori quianura.

Mateo 27:63

Naa na sequetuseeri: —Jiyaniijianaa, canaari cuno sapojojua pueyano sequesano niishiquiini, na sequesano saminio na quishacarijia. Nojuajaari sequeja: “Janiyari jiuujianaraca juucajinia samiitianutaniuhuani”.

Lucas 18:19

Jesuuri na riucuaree: —¿Casaara quia sequeya janiya maninia pueyanotani? Saaja Pueyaso cutaraari seetanujuanaa maninia. Majaari socua tamonu quiniu.

Lucas 23:47

Romano soldadohua jiyaniijia niquishacari puetunu niojuanaa, nojuajaari maninia sequeree: —¡Seetanujuanaa, nio pueyanoqui sesa miyashijia quiquianu! Naa na sequesanoori Pueyaso shuquiritirii.

Lucas 23:50

Tamonu maninia pueyanoori quiquiaari. Nojuajaari Pueyaso tojijia pueyano quiquiaari Arimatea tiacajinijinio. Cuno tiacaari Judea jiyajiniajuhuaj. Cuno pueyano sesa quiquiaari José. Nojuajaari Judiocuaca jiyaniijianucuajinijinio quiquiaari.

Lucas 6:45

Naajuhuaj, maninia pueyanoori maninia pocuaa cutara, maninia jiuujiaraca na quishacari. Sesa pueyanoori saniniuujia sacuaraatia rimiaaqueja, sesa jiuujiaraca na quishacari. Casaa pa niishiriojoquiaa poojiajiniani, paari cuno pocuaani.

Lucas 7:16

Puetunu pueyajanaa jaara naa Jesu miishano niquiquiaari, jiyanohua pueretureeri. Nojoriiri Pueyaso shuquiritiaree jiyanohua. Na puerenuta sequetureeri: —¡Pueyaso sequenu panishano caminiujiuniaqui niya supueree pa tajinia! ¡Jiyanohua cumaacaraca! Nojoriiri naa sequetureejuhuaj: —¡Pueyasoori shusha quiarijia na saquiriojosano Israel pueya niishiriohuacuhuaj, na cumaquiniuria pajaniya!

Juan 6:14

Pueya niquishacari naa Jesu miishano na cumaacatatej, nojoriiri sequeturiquiaa: —¡Nio pueyanoqui seetanujuanaa Pueyaso sequenu panishano caminiujiunia, nooj, tariucuacaanu sequesaaquiaari pocua niriquianotej!

Juan 7:32

Fariseocuacaari cuno pueya tojiquiaari naa nojori maniniuhuaqueetaano Jesu. Naaratej, cuno Fariseocuaca, pueyacuara secojonaa camarucuanio, puetunu nojorijianaari Jesuucuara roojotooquiaari. Na nuhuaji, nojoriiri Pueyaso Secojojua tia cojuanaa pueya jiyaramiquiquiaari Pueyaso Secojojua tiajiniara, tii nojori quianura Jesu.

Juan 7:47

Fariseocuacaari cunora nojori juaarii: —¿Niaateeri niaacua na shanacuree na sapojonura niajaniyajuhuaj?

Juan 7:52

Narta Fariseocuacaari Nicodemo juaarii saaja: —¿Quiaateeri narta Galilea jiyajinijinio pueyanojuhuaj? ¡Jacaria quia pajere tariucuacaanu Pueyaso Rupaajinia! ¡Quiocua jiyacari niishiri majaari quenaaja niquiriyatu Pueyaso sequesano caminiujiunia pueyano supuenu quiniutianiya Galilea jiyajinia!

Juan 9:16

Noojiaqueya cuno Fariseocuacajinijinioori saa sequereejaa: —Cuno pueyano, nio pueyano namijia jeecarucuaani, nojuaja maja Pueyaso Jiyarosano. ¡Nojuajaari Moisés Rootasano tojiyashijia, naa na miiniuucua samaatenu juuca! Tamasacaari saniniuujia sequeriquiaacujua: —Jaara sesa miijia quiri, ¿maatucua casaara poonijiore Pueyaso cumaacatacuaraarini? Naa nojori juayonuutanuucuatej, nojoriiri juhua raquitiirii.

Hechos 11:24

Bernabeeri jiyanohua maninia pueyano quiquiaari. Pueyaso Sohuanuuri noojia cumaquiquiaari jiyanohua. Naacuajitij, na pohuatasacari Jesujiniji, queraatia pueyari Jiyaniijiaacua tiuuquiaari.

Romanos 5:7

Sesa miyashijia pueyano jaara monu panishiya juucua, ¿tamonu maninia pueyanoteeri quiya na sequenura: “Janiya cuaara mosaaria juhuari cuno pueyano niti”? Majaruhua. Monu panishano pueyano jaara seetanujuanaa maninia pueyano quiri, na rupuena pueyano jaara jiyanohua na panijia quiri, nojuaja maara sequere: “Janiya cuaara na niti mosaaria juhuari”.

Filipenses 2:14

Cunora, puetunu nera nia miishanojuanaa nia miiri shitimia, maja nia ririjiotanuta. Majaari nocua juayonuujutanujuhuaj.